Cäk 31:50 - JAM DE NHIALIC 2011

⁵⁰ Të le yïn duetkï kuöc ciëëŋ, ku nɔn ee yen thiëŋ thiëëk yïn duetkï kɔ̈ɔ̈th, ke ŋic nɔn cïn en raan däŋ ee cäätɔ pei në kaamdï wo yïn, ee Nhialic guöpde.”

Cäk 31:50 ပူးပေါင်းရင်းမြစ်များ

Cäk 31:51

Ku be Laban ŋoot ke jam lueel an, “Tïŋ akut ë kur wën cuk thɔɔc nïïm, ku tïŋ kuur awën cä tɔ ye mën në kaamdï wo yïn.

Jop 16:19

Aɣet cï ënɔɔnë ade raandiën mät ke yɛn paannhial, bï ya kony ku gël ɛn,

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Jeremia 42:5

Na wën ke lɛ̈kkï yɛn an, “Në Bɛ̈nydït bï aa yic ku ye cäätɔ adöt ë kaamda na cuku lööŋ kedhie lɔ riëëu, lööŋ bï Bɛ̈nydït ke gäm yïn ë biäkda.

Lebai 18:18

Du nyankënë ë tiiŋdu thiak, ku du nyankënë ee mony de nyankui thiak, bïï aa tiiŋ mɔɔc de tiiŋdu, ku du kɔɔr, bä tɔ̈c wekë en, ke tiiŋdu ë pïïr. Kënë ee gökdïït ë aciɛɛn.

Maika 1:2

Go Maika lueel an, “Piɛŋkï wek juöör cieŋ pinynɔm ëbɛ̈n! Bɛ̈nydït Nhialic yen abï kërɛɛc cäk looi nyuɔɔth ëgɔk. Piɛŋkï! Abï jam ke nu luaŋdɛn ɣeric paannhial.

Malakai 2:14

Ku wek ee bɛ lop an, eeŋö cïï miɔ̈cda ee bɛ gam? Ee luɔi ë ye Nhialic raan ee daai në kë loi rɔt në kaamdu wekë tiiŋduön riëëc wek, tiiŋ cï päl wei ënɔɔnë. Ku ee yen ee yï kuɔny, ku ye tiiŋduön de löŋ.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

1 Theth 2:5

Ku acïn kööl töŋ cï wok wël ë mɛthë nyin lueel, acït man ŋiɛc wek en, ku acïn wui de kalei cuk moony, Nhialic ee cäätɔda:

Bäny 11:10

Go röördït ke Giliyad bɛ̈ɛ̈r, an, “Bɛ̈nydït ee cäätɔda, abuk looi cït man ë kë cï lueel.”

1 Tham 12:5

Ago Thamwɛl lɛ̈k keek an, “Bɛ̈nydït, ku jɔ aa melik cï lɔc ayï kɔc daai ee köölë acïk a yök ke ya cïn kë cä wööc.” Agokï gam an, “Ɣɛɛ, Bɛ̈nydït ee cäätɔ tëde wook, në jamdun.”