Cäk 3:1 - JAM DE NHIALIC 2011

¹ Ku kërac aaye län pel awär läi roor kedhie, läi cï Bɛ̈nydït Nhialic cak. Ago kërac tik luɔp an, “Ë yic, cï Nhialic lɛ̈k week an cäkï bï cam në mïth ke tiim ke Dom kedhie?”

Cäk 3:1 ပူးပေါင်းရင်းမြစ်များ

Wɛ̈ɛ̈t 4:10

Na cï raan tök wïïk ë keyiic, aduëërë raan däŋë jat nhial. Ku amawoou në raan cath yetök na lee wïïk, ee kërac aläl, në biäk cïn en raan duëër en kony.

Yith 27:1

Në ëköölë Bɛ̈nydït abï abätäudɛn ril de näk nööm ku lui En ŋuäl dït këtuc, yen kërɛɛc lɔ dɔkdɔk, ë duëër päär. Abï ŋuäl dïït ceŋ wɛ̈ɛ̈r nɔ̈k.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Math 4:3

Go jɔŋ ee kɔc them bɛ̈n, bï ku yöök, an, “Të ee yïn wën ë Nhialic, ke yï yöök kurkë bïk röt tɔ ye kuïïn cï pam.

Math 4:6

go yɔ̈ɔ̈k an, “Të ee yïn wën ë Nhialic, ke yï cuat rɔt piny, acï gɔ̈ɔ̈r an, “Abï tuuckɛnnhial gam thön në këdu, Agokï yï mɔ̈k nhial ë kecin, Ke yï cïï yïcök bï yuöp ë kuur kɔ̈u.”

Math 4:9

go yɔ̈ɔ̈k an, “Kake kedhie abä ke gam yïn, të cï yïn rɔ cuat piny ku lam ɛn.”

2 Kor 11:14

Ku acie kake gäi en ee kënë! Catan guöp ee rɔt puk tɔ rɔt ë tuny ë ɣɛɛrëpiny tunynhial!

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

1 Pet 3:7

Yen acït rëër bä wek aa rëër në diëërkun ëtök, wek röör, abäk röt ŋic apiɛth, ku yak tik theek, ku yak muk ëmääth, cït man ë töny kɔ̈c, luɔi aa wek kɔc bï dhuëëŋ de pïïr lɔ̈ɔ̈k lak në keek ëtök, ke lɔ̈ŋduön aa wek lɔ̈ŋ ke cïï bï gɔ̈ɔ̈u.

Nyuuth 12:15

Go ŋuäl pïïu ŋɔ̈k bei ë yethok ë tik cök cït man ë amool, an, tɔ tik jɔtë wei ë amool.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 20:2

Bï ku dɔm ŋuäldït, kërɛɛc thɛɛr, yen aye Jɔŋdït Rac, ku ye Catan, go rek thöl agum de run ke mac,