Cäk 29:32 - JAM DE NHIALIC 2011

³² Ago Liya meth yök, ku dhiëëth mɛwä. Go lueel an, “Ee luɔi cï Bɛ̈nydït rëërdiën rɛɛcë tïŋ, ku ë yic ënɔɔnë, monydï abï ya jɔ nhiaar guöp.” Ago meth cäk an Ruben.

Cäk 29:32 ပူးပေါင်းရင်းမြစ်များ

Cäk 16:11

Ago tunynhial ë Bɛ̈nydït ë bɛ lɛ̈k en an, “Ënɔɔnë, yïn bï mɛwä dhiëëth, ku abä cäk an Yicmiɛl (ku ee rinkë në thoŋda aluelkï an acï Nhialic piŋ), në luɔi cï Bɛ̈nydït kiɛɛu de këtuc piŋ, këtuc cï yï dhal.

Cäk 29:31

Na ɣɔn, alɔ Bɛ̈nydït Liya tïŋ ke cï maan guöp, ke tɔ dhiëth mïth, ku tɔ Racel rol.

Cäk 31:42

Na cie luɔi tɔ̈u ë Nhialic de wää ke yɛn, Nhialic de Abraɣam kekë Yithaak, adï cï ya tɔ jäl në yacin tei aya. Nhialic ë ciɛɛŋ kuöc ë ya ciëëŋ tïŋ. Ku tïŋ luɔi cä looi, go yï jääm wën akɔ̈u.”

Cäk 35:22

Ɣɔn rëër ë Jakop ee pinyë, ke Ruben ë nöm Bila tiiŋ mɛ̈thë wun. Ago Jakop piŋ, go piɔ̈u diu aläl. Jakop aa de nɔm mïthwät kathiëër ku rou.

Cäk 35:23

Wɛ̈ɛ̈t ke Liya ee Ruben kɛ̈i ë Jakop, kekë Thimion, ku Lebi, ku Juda, ku Yithakar ku Dhebulun.

Cäk 37:29

Na wën, apuk Ruben enɔm, ku yök Jothep ke liu në yithic, ke diu piɔ̈u ku ret lupɔɔke yiic.

Cäk 42:22

Go Ruben lɛ̈k keek an, “Cie kë wään lɛ̈k week ka? An duökï meth lui kërac, guɔkï kɛ̈n gam. Kë ë nɛ̈kku yen yekï jɔ kääny bei në wogupë.”

Cäk 42:27

Na wën, acïk lɔ kɔ̈p tëdɛn ë niin kek, ke raan tök në keyiic ë tuer cuaalde thok. Kɔɔr nɔn miɔɔc en mulde në këciɛm. Na wën, ke yök wëuke në cuaal thok.

2 Tham 16:12

Tɛk däŋ bï Bɛ̈nydït piɔ̈u kok kekë yɛn, ku gëm ɛn këpiɛth në biäk cïï Cimei yɛn cieen!”

1 Lëk 5:1

Kakë ayek wɛ̈ɛ̈t ke mïth ke Ruben wën kɛ̈i de Yithriɛl, Ruben yen aaye wën kɛ̈i, ku në biäk cï yen lɔ ɣöt kekë tiiŋ tök në diäär määth në wun, yiny de kɛ̈ide acï bɛ̈n gäm wɛ̈ɛ̈t ke Jothep wën de Yithriɛl, ka rinke akën ë keek gɔ̈ɔ̈r në kuëny ye kek kecök kuany cït man de yiny de dhiëth.

Diɛt 106:44

Ku Nhialic ee ŋoot ke piŋ dhiënden ago piɔ̈u kok kekë nuanden.

Diɛt 25:18

Tïŋ nuandï ku karɛc cï a yök, ku pälë ya awɛ̈ɛ̈ckï kedhie.

Bɛ̈n 3:7

Go Bɛ̈nydït lueel an, “Yɛn ë ciɛɛŋ kuc ë kɔckï cieŋ tïŋ paan ë Rip, ku piɛŋ dhiënden aya. Dhiën dhiëëu kek luääk luɛ̈k ë ke bei në bäny yɔŋ keek cin. Ku Yɛn ë guöm gum kek tïŋ,

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Kuɛ̈n 1:5

Ku rin ke bäny bï keek aa kuɔny kï. Kɔc ë kuënyë bei në akutnɔm de kɔc ke Yithriɛl ke ke ye bänyken. Ee kek aaye bäny ke dhiëën ke Yithriɛl. Dhiën Bɛ̈ny de dhiën Ruben Elidhur wën ë Ceduer Thimion Celumiel wën ë Dhuricadai Juda Nacon wën ë Aminadab Yithakar Nethaniɛl wën ë Dhuwar Dhebulun Eliap wën ë Ɣelon Eparaim Elicama wën ë Amiɣud Manatha Gamaliel wën ë Pedadhur Benjamin Abidan wën ë Gidiɔni Dan Aɣidher wën ë Amicadai Acer Pagiel wën ë Wokran Gad Eliathap wën ë Dewel Naptali Aɣira wën ë Enan

Luk 1:25

“Luɔɔi de Bɛ̈nydït kï, ke cï looi ëkööl lieec en ɛn, bï ayärdï nyaai ë kɔc yiic!”

Nyöŋ 26:7

Goku Bɛ̈nydït Nhialic de kuarkuɔ lɔ̈ŋ bï wo kony. Go Nhialic lɔ̈ŋda piŋ ku tïŋ nuanda, ku luɔi tuc thok, ku jiɛthëpiɔ̈nda.

Nyöŋ 27:13

Ku dhiënkë abïk lɔ kɔ̈ɔ̈c në kuur de Eebal nɔm të jɔ aciɛɛn luɛɛl: Ruben, ku Gad, ku Acer, ku Dhebulun, ku Dan, ku Naptali.

1 Tham 1:11

Ku kuëëŋ mël ku lueel an, “Bɛ̈nydït de rɛm, tïŋ ɛn yɛn lïmdu! Tïŋ ee nuandïït cï ya yökë, ku tak ɛn! Du nɔm mär në yɛn! Gämë ya mɛwä, ku të le yïn e gäm ɛn, abä gäm Bɛ̈nydït bï aa këde në pïïrde yic ëbɛ̈n, ku acï bï kɔn muut nɔm anande.”

1 Tham 1:20

Na ɣɔn ee nïnkë yiic, go Ɣana liac, ku dhiëëth mɛwä, ago cäk rin an, Thamwɛl, lueel an, “Në luɔi cän Bɛ̈nydït lɔ̈ŋ në biäkde!”