Cäk 29:13 - JAM DE NHIALIC 2011

¹³ Na wën, alɔ Laban thoŋ ë bɛ̈n ë wën ë nyankënë piŋ, ke kɔt le loor nɔm. Na wën, ke lee duutic ku ciim thok, ku bïï baaide. Go Jakop Laban tɛ̈t këriëëc ëbɛ̈n.

Cäk 29:13 ပူးပေါင်းရင်းမြစ်များ

Cäk 24:29

Ku Rebeka ade nɔm mänhë cɔl Laban. Go Laban kat ke lɔ ë nyin ë pïïu nɔm të nu lïm de Abraɣam.

Cäk 24:31

Ku lëk en an, “Bä lokku baai ëtök, yïn raan cï Bɛ̈nydït thieei. Eeŋö kɛ̈ɛ̈c yïn biic eenë? Wek cä guiëk ɣöt, ku tëde thɔ̈rɔ̈l acä kiëët ayadäŋ.”

Cäk 24:32

Ago monytui lɔ ɣöt, ku lɔ Laban thɔ̈rɔ̈l dɔ̈k kɔ̈ɔ̈th, ku gëm ke abiööŋ ku wal ril. Ku yïn lïm de Abraɣam pïïu wɛɛk en yecök kekë kɔc cath në yen.

Cäk 33:4

Go Ethau e loor nɔm ke riŋ, le ku duutic, ku duut yeth në yecin ku ciim thok, ku dhiaukï kedhie.

Cäk 45:15

Ku ciim mïthëkɔcken thook kedhie ke dhiau. Ku ëtɛ̈ɛ̈n, mïthëkɔcken acïk jɔ bɛ̈n jam në yen.

2 Tham 19:39

Go Debid kekë kɔcke kedhie wɛ̈ɛ̈r de Jordan jɔ teem. Go Bardhilai ciim thok ku gëm athiɛɛide, go Bardhilai yenɔm puɔ̈k baai.

Bɛ̈n 18:7

Go Mothe ke luɔɔr nïïm biic. Na wën ke lɔ yenɔm guöt piny në Jethro nɔm, ku ciim thok. Ku lopkï röt në pial ë guöp, ku jëlkï lekï në Paany ë Mothe yic.

Bɛ̈n 4:27

Ku acïï Bɛ̈nydït bɛ̈n lɛ̈k Aron ëtɛ̈ɛ̈n, an, “Lɔ loor Mothe nɔm ë jɔ̈ɔ̈ric.” Go lɔ loor nɔm. Na wën, ke ke lɔ rɔ̈m në kuur ë Nhialic lɔ̈ɔ̈m, go Aron Mothe ciim thok.

Luk 7:45

Yïn kën a ciim, ku tiiŋë, gɔl të wën bä yɛn ɣöt, aɣet cï ënɔɔnë akën a pɔ̈l cök ë ciëm.

Luɔi 20:37

Gokï dhiau arëët kedhie, ku kuakkï Paulo yeth, ku cimkï,

Romai 16:16

Thiëckï röt wapäc në ciëm ɣeric. Wek thiëëc ɣööt ke Nhialic ke Kërtho kedhie.

Kolothai 4:5

Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.