Cäk 28:20 - JAM DE NHIALIC 2011

²⁰ Ago Jakop kuëëŋ lueel an, “Na bï Nhialic tɔ̈u ke yɛn, ku bï ya tiit në cäthdï yic. Ku bï yɛn aa gäm kë cam ku kë ciɛŋ,

Cäk 28:20 ပူးပေါင်းရင်းမြစ်များ

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Cäk 31:13

Ee Yɛn Nhialic de Bethel. Të wään bï yïn kuur cäp thar piny, ku wälë nɔm miök ku kuëëŋ në Yɛn. Ku ënɔɔnë, jɔt rɔt jäl ë pinyë, dakë yïnɔm piny wään dhiëëth ë yï thïn.’”

Cäk 35:3

Ku jëlku lokku Bethel. Ke ya bï Nhialic lɔ yiëk yïk ëtɛ̈ɛ̈n. Nhialic wään kony ɛn në wëlkiën wään cï röt looi. Ku ye tɔ̈u ke yɛn agut të lan thïn!”

2 Tham 15:8

të wään rɛ̈ɛ̈r yɛn në Gecur ë Thiriya, aa cä lueel an na cï Bɛ̈nydït yɛn dak nɔm Jeruthalem, ke Yen abä lɔ lam në Ɣebron.”

1 Lëk 4:10

Go Jabedh Nhialic de Yithriɛl lɔ̈ŋ an, “Thieei ɛn Nhialic, ku miɔc ɛn ë piny lääu, ku bä tɔ̈u wek ë yɛn, ago yɛn aa gël ë karɛc bï ya tɔ yök arɛɛm.” Go Nhialic yen gäm këdɛn cï thiëëc ë lɔ̈ŋde yic.

Diɛt 116:14

Në amatnɔm de kɔcke yiic ëbɛ̈n abä gäm kë cän gutguut lueel.

Diɛt 116:18

Yɛn bï kuëëŋdï gäm Bɛ̈nydït në kɔcke nïïm kedhie,

Diɛt 119:106

Yɛn bï gutguut cä lueel muk bä wëëtdu riëëu.

Diɛt 132:2

Tak gutguutde Bɛ̈nydït, kuëëŋ cï luöi yïn, yïn Awärjäŋ Nhialic de Jakop:

Diɛt 22:25

Bɛ̈nydït yïn bä leec në akutnɔm de kɔcku nïïm ë biäk de kë cï looi, në kɔc ee yïn lɔ̈ŋ nïïm yɛn bï miɔ̈c näk cän gutguut lueel gäm yïn.

Diɛt 56:12

Nhialic yïn bä gäm kë cän gutguut lueel, yïn bä miɔɔc në miɔ̈c de alɛɛc.

Diɛt 61:5

Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

Diɛt 61:8

Aguɔ Yïn aa piɔɔny në diɛt aköölnyïïn, të yan Yïn miɔɔc aköölnyïïn, në ka cän gutguut lueel.

Diɛt 66:13

Yɛn bï miɔ̈c ye nyop ëbɛ̈n bɛ̈ɛ̈i ɣöndu Yïn bä gäm kë cän gutguut lueel.

Diɛt 76:11

Gämë Bɛ̈nydït Nhialicdu gutguut cï lëk yen, yiɛ̈nkï miɔ̈c yen, wek juöör thiɔ̈k wedhie. Nhialic ee kɔc ëbɛ̈n tɔ riɔ̈c në Yen,

Yith 19:21

Bɛ̈nydït abï rɔt nyuöth kɔc ke Rip, ku abïk ŋic ku lamkï, ku abïk gäm ka näk ku miɔ̈c. Ku abïk gutguut aa lɛ̈k Bɛ̈nydït ku gɛmkï kë cïï kek gutguut lueel.

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Luɔi 18:18

Na wën, ke Paulo ŋoot ke rɛ̈ɛ̈r ëtɛ̈ɛ̈n ë nïn juëc, na ɣɔn, ke tɔ̈ŋ wäthii, ku jël le Thiriya në abël, ku cath Pirithila ku Akula në yen, acï e nɔm muut ë Kenkuria: në këde jam wään cï lɛ̈k Nhialic.

1 Tim 6:8

Ku ënɔɔnë, të de wok këcam ku lupɔɔ ceŋku, ke wo bï piɔ̈ɔ̈th a yum ë keek.

1 Tham 1:11

Ku kuëëŋ mël ku lueel an, “Bɛ̈nydït de rɛm, tïŋ ɛn yɛn lïmdu! Tïŋ ee nuandïït cï ya yökë, ku tak ɛn! Du nɔm mär në yɛn! Gämë ya mɛwä, ku të le yïn e gäm ɛn, abä gäm Bɛ̈nydït bï aa këde në pïïrde yic ëbɛ̈n, ku acï bï kɔn muut nɔm anande.”

1 Tham 1:28

Ka ënɔɔnë meth akaar bä gäm Bɛ̈nydït. Ku abï jɔ aa këde Bɛ̈nydït në pïïrde yic ëbɛ̈n.” Agokï Bɛ̈nydït jɔ lam ëtɛ̈ɛ̈n.

1 Tham 14:24

Ku kɔc ke Yithriɛl aake cï kɔ̈c në cɔk ee köölë, në baŋ cïï Thaulo gutguut lueel, an, “Aciɛɛn abï nu ë raan lɔ cam yeth, ke akɔ̈l ë kën lɔ piny, të ŋuɔɔt ɛn ke ya kën rɔt guöör në kɔc ke aterdï!” Ka acïn raan töŋ cï këcam thiëëp në rem de tɔŋic.