Cäk 27:28 - JAM DE NHIALIC 2011

²⁸ Nhialic abï yï gäm thäny de tënhial, ku gëm yïn kuɛth ë piny nɔm, ku gëm yïn rap juëc ku mɔ̈u.

Cäk 27:28 ပူးပေါင်းရင်းမြစ်များ

Cäk 27:37

Ago Yithaak puɔ̈k nɔm Ethau, an, “Acä tɔ ye bɛ̈nydu, ku kɔcku acä keek tɔ ye lïïmke kedhie. Ku acä thiëi rap, ku mɔ̈u, ku yɛn ë mat wokë yen. Ka eeŋö däŋ bä bɛ gäm yïn mɛnhdï?”

Cäk 27:39

Ago wun puɔ̈k nɔm en, an, “Acïn thäny nhial bï ya bɛ̈n në këdu, yïn cïn nɔm piny piɛɛth ë cum.

Cäk 45:18

lɛ̈kë keek lek wuönden bɛ̈ɛ̈i eenë. Ku lek bɛ̈iken bɛ̈ɛ̈i ayadäŋ. Abä ke bɛ̈n gäm piny dïït lääu, piny cïn piny kït ke yen në Ripic ëbɛ̈n.

Cäk 49:20

“Piny de Acer abï ya luɔk në kacaam piɛth. Abï melik aa miɔɔc në kacaam piɛth.

Cäk 49:25

Ee Nhialic de wuur Yen ee yïn kuɔny. Nhialic Awärjäŋ Yen ee yïn thieei. Ee Yen ee yïn thiëi deŋ ee bɛ̈n nhial. Ku thiëi yïn pïïu ee tuöl piny në tiɔpic, ku thiëi yïn ɣɔ̈k juëc, ku mïth juëc.

2 Tham 1:21

“Tɔ cïn thäc ayï deŋ tueny ë kur ke Gilbowa nïïm, ku tɔ duumken gäk ke ke cïï lok! Në biäk cïï kööt ke jööt döŋ ëtɛ̈ɛ̈n në ayäär, kön ë Thaulo akënë bɛ tɔc kɔ̈u ë miök.

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 5:11

Go Tholomon Ɣiram aa yiɛ̈n bɔt de agum (100,000) ke cual ke agamɔ, ku bɔt de agum ku bot kathiëër (110,000) ke aguut ke miök, aake ye Tholomon ke yiɛ̈n Ɣiram ë run nyïïn ëbɛ̈n, bïï kɔcke ke cam.

2 Lëk 2:10

Ku yɛn bï kɔcku tuöc aguum kaarou 2000 de tɔn de agamɔ, ku aguum kaŋuan 4000 de tɔn de barli, ku aguum bot kaŋuan 400,000 de litïïr ke mɔ̈u, ku aguum bot kaŋuan 400,000 de litïïr ke miök de olip.

Diɛt 104:15

ago mɔ̈u luɔk ke bï ke tɔ mit piɔ̈ɔ̈th, ku miök de olip ee ke tɔ lɔ piɔ̈ɔ̈th yum, ku kuïn bï ke gäm riɛl.

Diɛt 133:3

Acït thäny nu ë kuur de Ɣermon nɔm, thäny ee lööny në kur ke Dhiɔn nïïm. Të bï ë Nhialic gutguut de athiɛɛi cï lueel tääu ka, pïïr bï tɔ̈u aɣet athɛɛr.

Diɛt 36:8

Wok ee dhuëëŋ looi në këcam dïït nu ɣöndu, yïn ee wook tɔ dëk në pïïu ke kiir de piathdu.

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Kɛ̈ŋ 3:20

Pɛlënɔmde yen atɔ kiɛɛr thiɔɔr, ku tɔ luäät tuëny piny nɔm.

Yith 45:8

Yɛn bï tiëm tuööc paannhial ke cït deŋ, ku piny abï rɔt liep ke loor nɔm ku abï jɔ luɔk në piathëpiɔ̈u ku yic. Yɛn Bɛ̈nydït, Yɛn bï piathëpiɔ̈u tɔ loi rɔt.”

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jowɛl 2:19

Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Maika 5:7

Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Dhek 8:12

Abïk aa com të cïn riɔ̈ɔ̈c. Ku tiimkɛn ke enap abïk aa luɔk apiɛth, ku piny abï ya luɔk në këriëëc ëbɛ̈n, ku deŋ abï dït arëët. Yɛn bï kɔckiën lik cï döŋ gäm ee kakë kedhie.

Dhek 9:17

Piny abï kuöc läk arëët ëtɛ̈ɛ̈n. Rɛɛpke abïk dhuök tɔ ril, ku tɔ mɔ̈u dhueec ril.

Kuɛ̈n 13:20

Ku tiëŋkï na ee piny ŋic luɔk ku cie luɔk, ku nɔn de yic roor ku nɔn cïnic roor. Riɛtkï wepiɔ̈ɔ̈th ku bɛ̈ɛ̈ikï mïth ke tiim ee luɔk ëtɛ̈ɛ̈n. (Aake lɔ në akööl ye enap luɔk ee pinyë).

Kuɛ̈n 18:12

“Wek gäm miɔ̈c piɛɛth de ka cï kɔn luɔk tëde Yithriɛl, miɔ̈c yek gäm Ɛn në ruöön thok ëbɛ̈n. Miɔ̈c de miök de Olip, kekë mɔ̈u, ku rap.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Nyöŋ 32:2

Wëëtdï abï löny piny cït pïïu ke deŋ, ku wëlkï abïk lööny piny cït thäc, ku nyieer nu ë wal kor kɔ̈ɔ̈th.

Nyöŋ 33:13

Ku lueel jamë në biäk de dhiën de Jothep an: “Tɔ Bɛ̈nydït thiei pinyden në deŋ. Ku pïïu ee tuöl piny.

Nyöŋ 33:28

Ago mïth ke Yithriɛl jɔ rëër në mätic, aa awaŋ de Jakop yetök, aake rɛ̈ɛ̈r apiɛth piny thiäŋ ke rap ku mɔ̈u, të ye thäny ee bɛ̈n nhial piny piɔɔk në pïïu.

Nyöŋ 7:13

Abï we nhiaar ku thieei week, aguɔkï juëc ku dɛkï mïth juëc, abï duumkun thieei aguɔkï nïïm dɛ rap, ku mɔ̈u, ku miök de olip, ku abï we thieei në miɔ̈c bï yen we miɔɔc në ɣɔ̈k juëc ku amɛ̈l. Abï week gäm athiɛɛiyë ëbɛ̈n në piny cï lɛ̈k kuarkun an bïï gäm week.

Ɣeberuu 11:20

Ee gäm de yic aŋäth yen athiɛɛi Yithaak Jakop kekë Ethau në ka bï bɛ̈n.