Cäk 26:4 - JAM DE NHIALIC 2011

⁴ Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 26:4 ပူးပေါင်းရင်းမြစ်များ

Cäk 13:16

Yïn bä gäm mɛnh cït abuui. Na de raan lëu en bï abuui kueen, ka bï mïthku jɔ lëu në kuɛ̈n.

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 18:18

Ku Abraɣam abï ya jur dïït ril. Ku juöör ke piny nɔm kedhie abä keek thieei në këde.

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Cäk 28:3

Ku Nhialic Awärjäŋ, abï yï thieei, ku tɔ yï kɛɛr aläl. Ku yïn bï jɔ aa wun kut dïït ë kɔc.

Cäk 35:12

Ku piny wään cä kɔn gäm Abraɣam kekë Yithaak, abä gäm yïn wekë mïthkuön bï lɔ̈ɔ̈k tɔ̈u në wecök ciëën.”

Cäk 47:27

Go kɔc ke Yithriɛl rëër piny ë Gocen ëtɛ̈ɛ̈n. Gokï kuɛth arëët ëtɛ̈ɛ̈n, ku dhiëthkï mïth juëc.

1 Lëk 27:23

Melik Debid akën kɔc gɔ̈ɔ̈r, kɔc ŋoot ë runken ke ke kën run kathiërrou cuööp, në biäk cïï Bɛ̈nydït gutguut lueel, an bïï kɔc ke Yithriɛl tɔ juëc, abïk ciët kuɛl nhial.

Diɛt 72:17

Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Bɛ̈n 32:13

Tak lïïmku, yï Abraɣam kekë Yithaak, ku Jakop. Tak kuëëŋ wään thɔ̈në keek nɔn bï Yïn ke gäm mïth juëc cït kuɛl nhial, ku gämë ke piny wään cï than ëbɛ̈n nɔn bï yen aa këden ananden.”

Bɛ̈n 6:4

Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Luɔi 3:25

Wek ee mïth ke tït, ku yak mïth ke löŋ, löŋ cïï Nhialic mac kekë kuarkuɔ, wään yöök en Abraɣam an, ‘Ku në käu de yïnguöp abï dhiëën ke piny nɔm aa thieei kedhie.’

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Galatai 3:8

Ku këcïgɔ̈ɔ̈r, të cï en e kɔn tïŋ nɔn bï Nhialic Juöör tɔ piɛthpiɔ̈ɔ̈th në gäm, ke jɔ wëlpiɛth kɔn guiëër Abraɣam an, “Juöör ëbɛ̈n abï ke thieei në yïn.”

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

Ɣeberuu 11:2

Yen gäm yen aa tɔ kɔc ɣɔn thɛɛr yök rin piɛth ë Nhialic nɔm.