Cäk 25:23 - JAM DE NHIALIC 2011

²³ Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

Cäk 25:23 ပူးပေါင်းရင်းမြစ်များ

Cäk 17:16

Abä thieei, ku ta dhiëth yïn mɛwä. Abä thieei ku ta ye man juöör juëc. Ku abï dɛ meliik në mïthke yiic.”

Cäk 17:4

“Ënɔɔnë, Yɛn loi mändï wo yïn. Yïn bï ya wun juöör juëc ëbɛ̈n.

Cäk 24:60

Agokï Rebeka thieei lëkkï yen an, “Nyankënëda, yïn bï lɔ aa man aguum kathiëër ke aguum ke kɔc. Mïthku abïk wuöt ke kɔc de kek ater aa rum!”

Cäk 25:24

Na ɣɔn, ke aköölkɛn ke dhiëth ë ke bɔ̈, go acuek dhiëëth ke ke ye mïthwät kedhie.

Cäk 25:27

Na ɣɔn, cï wäthii dït, go Ethau rɔt tɔ ye yiëm cï leec. Ku tɔ rɔt ee raan nhiaar cäth roor. Ku tɔ Jakop rɔt ee raan lɔ lik, ku ee rëër baai.

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

Cäk 27:33

Go Yithaak lath guöp ëbɛ̈n arëët, ku lueel an, “Ka eeŋa ë jɔ läi lɔ nɔ̈k ku yïn ɛn? Yɛn ë rïïŋ cuet në yïnɔm tueŋ ënɔɔnthiinë. Ku thiɛɛi raan ë bïï en. Ka athiɛɛi abï jɔ aa këde anande.”

Cäk 27:37

Ago Yithaak puɔ̈k nɔm Ethau, an, “Acä tɔ ye bɛ̈nydu, ku kɔcku acä keek tɔ ye lïïmke kedhie. Ku acä thiëi rap, ku mɔ̈u, ku yɛn ë mat wokë yen. Ka eeŋö däŋ bä bɛ gäm yïn mɛnhdï?”

Cäk 27:40

Yïn bï ya pïïr në abätäudu thok, ku yïn bï ya lïm de wänmuuth. Ku të le yïn löŋde dhɔ̈ŋic, Yïn cï bï bɛ tɔ̈u we yen.”

Cäk 32:6

Ago kɔc ë tooc ë Jakop kenïïm lɔ puɔ̈k en, ku lëkkï Jakop an “Wok bɔ̈ tëde Ethau wänmuuth, ku yen aa löök bɛ̈n ciëën kekë bot kaŋuan ke kɔc, ke ke bɔ̈ të nu yïnë.”

Cäk 33:3

Ku le yen guöpde në kenïïm tueŋ. Na wën, ke cath ke ye yenɔm guöt piny na dhorou, abï ɣëët ë mänhë lɔ̈ɔ̈m.

Cäk 36:31

Kakë ee kek ee meliik ë kɔnë dɔm në piny ë Edom. Acïn meliŋ töŋ ë cï kɔn dɔm në kɔc ke Yithriɛl nïïm tueŋ. Bila wën ë Beyor atɔ ye meliŋ de Edom, ku wunden acɔl Dinɣabath. Na ɣɔn aa thou Bila, ke Jobap wën ë Dhira, raan wun ë Bothera ë dɔm në nyiɛnde yic. Na ɣɔn aa thou Jobap, ke Ɣucam ë dɔm në nyiɛnde yic, raan wun ë Timan. Na ɣɔn aa thou Ɣucam, ke Ɣadad wën ë Bedad ë dɔm në nyiɛnde yic, raan wään tiam kɔc ke Midian piny ë Mowap. Ku yen aaye raan wun Abith. Na ɣɔn aa thou Ɣadad: ke Thamela raan wun ë Mathereka ë dɔm në nyiɛnde yic. Na ɣɔn aa thou Thamela, ke Caul raan ë Reɣoboth nu në Yuparat yɔu ë dɔm në nyiɛnde yic. Na ɣɔn aa thou Caul, ke Baal Ɣanan, wën Akbor ë dɔm në nyiɛnde yic. Na ɣɔn aa thou Baal Ɣanan, wën Akbor, ke Ɣadar ë dɔm në nyiɛnde yic. Ku wunden aa cɔl Pau. Ku tiiŋde acɔl Meɣetabel, nyan ë Matered nyan ë Medhaɣa.

Cäk 48:19

Go Jakop jai, lëk en an, “Aŋiɛc mɛnhdï. Mïth ke Manatha abïk aa kɔc juëc ayadäŋ. Ku mïth ke mänhë thiinë abïk juëc awär keek. Ku mïthke abïk aa juöör juëc arëët.”

2 Tham 8:14

Go pɛɛny ke rem de tɔŋ looi ë Edom yic ëbɛ̈n, ku tɔ kɔc ke Edom ee lïïmke ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

1 Mel 22:47

Ku piny de Edom aa cïn yic melik, melikde aa ye kuany në melik de Juda.

1 Lëk 18:13

Ku piɛ̈ɛ̈t pɛɛny ke rem de tɔŋ piny de Edom ëbɛ̈n, go Debid kɔc nu ëtɛ̈ɛ̈n cieŋ. Go Bɛ̈nydït Debid tɔ tiëm ë ɣään yiic kedhie.

Obadaya 1:21

Ku kɔc bï kɔc luök, abïk lɔ nhial në kuur ë Dhiɔn nɔm lek kuur ë Ethau cieŋ. Ku ciɛɛŋ abï aa këde Bɛ̈nydït guöpde.

Kuɛ̈n 20:14

Mothe ë kɔc bɛ̈n tooc Kadec, tuc keek melik de Edom, lek lɛ̈k en an, “Ke mïthëkɔckun lueelkï, kɔc ke Yithriɛl. Acïk lueel an katuc cuk guum ëbɛ̈n aŋiɛckï keek.

Nyöŋ 2:4

Yɔ̈ɔ̈kë kɔc luɔi kaar wek bäk tëëk në piny de kuur ë Edom, paan de kɔc raan ë week, mïth ke wɛ̈ɛ̈t ke Ethau rɛ̈ɛ̈r ëtɛ̈ɛ̈n. Ku abïk riɔ̈ɔ̈c ë week, ka week tiɛtkï röt.

Nyöŋ 2:8

“Ku ëtɛ̈ɛ̈n wok cï lɔ tueŋ, ku tëku tëmec në Mïthëkɔckuɔ, wɛ̈ɛ̈t ke Ethau rɛ̈ɛ̈r ë Edom, ku jɔku röt lɔ yal në kueer de Araba, kueer ee bɛ̈n në Elath kekë Edhiongeber, ku jɔku cath në kueer ë jɔ̈ɔ̈r ë Mowapic.

1 Tham 17:14

Ku Debid yen aaye wën koor në keyiic kedhie. Ku wɛ̈ɛ̈tëkɔcken kadiäk aake tɔ̈u ë tɔŋic në Thaulo ëtök,