Cäk 25:22 - JAM DE NHIALIC 2011

²² Rebeka aliac në acuek. Na wën, aŋoot acuek ke ke kënë guɔ dhiëëth, acïk röt bɛ̈n giŋ në yeyäc. Ago Rebeka gäi, ku lueel an, “Eeŋö duëër ë kë cït ee kënë rɔt luöi yɛn?” Go Bɛ̈nydït lɔ luɔp në kë loi rɔt.

Cäk 25:22 ပူးပေါင်းရင်းမြစ်များ

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

1 Tham 10:22

Agokï Bɛ̈nydït bɛ luɔp an, “Nu raan cï lɔc ënou? Nu në woyiic eenë?” Go Bɛ̈nydït bɛ̈ɛ̈r an, “Yeka cï thiaan në yuöötic tɛ̈n?”

1 Tham 22:15

Yen ee köölë ee yen ee kööl tueŋ ë luɔp ɛn Nhialic në biäkde? Aŋic acie yen! Du lïmdu kekë paande dhöl yïn melik, në luɔi cïn ë lïmdu kë ŋic në biäk de ee kakë kedhie!”

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.

1 Tham 30:8

Go Debid Bɛ̈nydït luɔp an, “Bä lɔ ee kɔckë cök? Ku bä keek gïth?” Go puɔ̈k nɔm en an, “Lɔ ë kecök abä ke lɔ gïth, ku yïn bï kɔc cï peec dɔ̈k nïïm ciëën.”

1 Tham 9:9

Ɣɔn thɛɛr paan de Yithriɛl, na kɔɔr bï raan Nhialic thiëëc, aaye lueel an, “Bäär, lokku tëde monydaai në baŋ ye tiët tɔ ye monydaai në ye aköölkë yiic.”