Cäk 24:61 - JAM DE NHIALIC 2011

⁶¹ Ago Rebeka käŋ guik kekë duet lïïmken, ku kɛɛckï në thɔ̈rɔ̈l kɔ̈ɔ̈th, ku jëlkï në lïm de Abraɣam ëtök. Lek kueer kedhie. Ago lïm Rebeka jɔ jɔt ëtɛ̈ɛ̈n ku bɛɛric.

Cäk 24:61 ပူးပေါင်းရင်းမြစ်များ

Cäk 2:24

Yen abï moc wun aa puɔ̈l ku pɛ̈l man, ku mɛ̈t ke tiiŋde, agokï aa guöp tök keek kaarou.

Cäk 24:60

Agokï Rebeka thieei lëkkï yen an, “Nyankënëda, yïn bï lɔ aa man aguum kathiëër ke aguum ke kɔc. Mïthku abïk wuöt ke kɔc de kek ater aa rum!”

Cäk 24:62

Ku Yithaak acï bɛ̈n në jɔ̈ɔ̈ric, jɔ̈ɔ̈r de “Yinh de Raan Töŋ Pïïr, Raan ee yɛn tïŋ”, ku piɔ̈ɔ̈t paan ë Kanaan thar ciëën të lɔ wöuwic.

Cäk 31:34

Ku Racel acï yiëth ke wun thiaan ë keŋkeŋ ë thɔ̈rɔ̈ɔ̈l thar piny, ku nyuuc ë kekɔ̈ɔ̈th. Go Laban paany guikic ëbɛ̈n, ku cï ke yök.

Ethta 8:10

Acï ke gɔ̈ɔ̈r në rin ke Melik Athuwereth, ku thɛɛny ke yiic në katim de Melik, ku awereekë, aake ye tuɔɔc në kɔc ee cath ë jöŋgöör kɔ̈ɔ̈th, jöŋgöör ke baai de Melik ŋic riŋ aläldïïtë.

Ethta 8:14

Kɔc cï tooc ee riŋ ë jöŋgöör piɔl ke Melik kɔ̈ɔ̈th, acïk lööŋ bɛ̈n dap lɛɛr ë wuötiic, në yöök cïï Melik ke yɔ̈ɔ̈k, ku kuënë raan ëbɛ̈n aya, tëde riɛl de Thutha.

Diɛt 45:10

Piɛŋkï kë luɛɛl wek duet, määrkï nïïm në kɔckun ayï kɔc baai de wuur.

Bäny 5:30

“Keek akɔɔrkï kakɛn bïk ke peec ku tëkkï ke röt, raan de tɔŋ tök ke nyan tök ku nɔn ee kek duet kaarou në raan tök, ku lupɔ piɛth ee këde Thithera, ku lupɔ lɔ ŋirŋir abï tääu ë tiiŋ ë Melik yeth.”

1 Tham 25:42

Ago Abigail rɔt gɔp kɛɛc ë muul kɔ̈u kekë duet lïïmke kadhïc, ku lee kueer kekë kɔc ke Debid, go jɔ ya tiiŋ de Debid.

1 Tham 30:17

Na ɣɔn amiäk adurduur ke Debid ë loi tɔŋ ke keek aɣët cï ɣɔn thëën. Ale döŋ ke ye bot kaŋuan ke dhuök cï thɔ̈rɔ̈ɔ̈l guiëk kɔ̈ɔ̈th ku jiëlkï, acïn raan töŋ cï ban ë keyiic.