Cäk 18:14 - JAM DE NHIALIC 2011

¹⁴ De kë duëër Bɛ̈nydït dhal? Në të cä lueelë, Yɛn bï bɛ̈n të nu wek ëlë yaak wälë, ku Thara abï dɛ mɛwä.”

Cäk 18:14 ပူးပေါင်းရင်းမြစ်များ

Cäk 17:16

Abä thieei, ku ta dhiëth yïn mɛwä. Abä thieei ku ta ye man juöör juëc. Ku abï dɛ meliik në mïthke yiic.”

Cäk 17:21

Ku Yɛn bï mät looi wokë Yithaak, wënduön bï Thara dhiëth yïn wälë, alë ruöön.”

Cäk 18:10

Go Bɛ̈nydït lueel an, “Yɛn bï yanɔm dɔ̈k eenë ëlë yaak wälë alë ruöön, ku Thara tiiŋdu abï nɔm dɛ mɛwä.” Ku Thara aa rɛ̈ɛ̈r në paany thok në yekɔ̈u ciëën ke pïŋ.

Cäk 18:13

Go Bɛ̈nydït lɛ̈k Abraɣam an, “Eeŋö dɔl ë Thara, ku lueel an, ‘Ë yic bä bɛ dhiëth ë meth ke ya cï dhiɔp cït ë mandiënë?’

Cäk 18:15

Ku Thara acï riɔ̈ɔ̈c go jai an, “Yɛn kën dɔl.” Go Bɛ̈nydït lueel an, “Yïn ë dɔl.”

Cäk 21:1

Ago Bɛ̈nydït lɔ tëde Thara cït man cï Yen e lueel, ku thieei Thara cït man ɣɔn cï Yen e thɔ̈n en.

Cäk 21:2

Ago Thara liac, ku dhiëth Abraɣam mɛwä ke Abraɣam ë cï dhiɔp, cït man akööl ɣɔn cï Nhialic lɛ̈k keek.

2 Mel 4:16

go ë Elica lɛ̈k en an, “Miäk wälë, ë lë ruöön, yïn bï mɛwä boom ë yïyɔu.” Go tik gäi an, “Bɛ̈nydï, yïn raan de Nhialic, du nyan awundu mɛth.”

Jop 36:5

Acïn këril cït Nhialic, acïn raan ee dhɔɔt guöp, acïn kë cï ee yökic.

Jop 42:2

“Aŋiɛc Bɛ̈nydït nɔn ee Yïn ril, ku Yïn duëër këriëëc ëbɛ̈n kɔɔr ë Yïpiɔ̈u looi.

Diɛt 90:13

Agut cï nɛn yen bïï agönhdu jɔ thök? Kokëpiɔ̈u wekë awuutku Bɛ̈nydït!

Diɛt 93:1

Bɛ̈nydït ee melik, acï kum në riɛl ku bääny. Pinynɔm atɔ̈u ëdïu tëde ku acïï duëërë nyaai.

Diɛt 95:3

Në biäk ye Bɛ̈nydït Nhialic Awärjäŋ, ku Ye Meliŋ dïït wär yiëth kedhie.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Jeremia 32:17

“Bɛ̈nydït Awärjäŋ, Yïn cï tënhial kekë piny cak, në riɛlduön dït, acïn kë ril arëët tëde yïn.

Jeremia 32:27

“Yɛn ee Bɛ̈nydït, Nhialic de kɔc cï cak kedhie. Acïn kë rilic tëde Yɛn.

Danyel 6:20

Na wën cï en ɣet ee të wën nu ë Danyel ke cöt në riɔ̈ɔ̈c ku jiɛthëpiɔ̈u an, Danyel, lïm de Nhialic pïïr! Cï Nhialic ye luööi ë yïpiɔ̈u ëbɛ̈n yï lëu në kuny ë kɔ̈ɔ̈r thook?

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Dhek 8:6

Kë cï Bɛ̈nydït de rɛm lueel kï an, “Kënë abï kɔc lik cï döŋ ye tïŋ cït kë cï rɔt bï lëu ënɔɔnë. Ku abï rɔt lëu tëde yɛn.

Kuɛ̈n 11:23

Go Bɛ̈nydït pɔ̈k Mothe nɔm an, “Ye tak kënë duëër Ɛn ban në luɔi? Abä tïŋ ënɔɔnë, na bï ke cä lueel rɔt lëu në luɔi ku nɔn cïï rɔt bï lëu!”

Math 14:31

Go Yecu ecin riny ënɔnthiinë, dɔm, ku yöök an, “Yïn ee raan dɛk ë gäm, eeŋö ë yïn piɔ̈u wïl ë kaamic?”

Math 19:26

Go Yecu ke woi, ku yöök keek an, “Kënë ee kë dhal kɔc: ku Nhialic ee käŋ lëu kedhie.”

Math 3:9

ku duökï ee lueel ë wepiɔ̈ɔ̈th an, wok de wäärda Abraɣam, Nhialic alëu bïï mïth ke Abraɣam cak në kɔikë.

Mak 10:27

Go Yecu ke caath nyïïn, ku lueel an, “Kënë adhal kɔc, ku acïï Nhialic dhal: këriëëc ëbɛ̈n aye Nhialic lëu.”

Luk 1:13

Go tunynhial yɔ̈ɔ̈k an, “Du riɔ̈c, Dhekaria, lɔ̈ŋdu acï piŋ. Ku tiiŋdu Elithabeth abï yï dhiëth mɛwä, ku abä cäk an, Jɔn.

Luk 1:18

Go Dhekaria tunynhial thiëëc an, “Bä kënë jɔ ŋic adï? Kɛ̈n dhiɔp, ku kën tiiŋdï dhiɔp aya?”

Luk 1:37

Nhialic acïn kë bï ye dhal.”

Luk 8:50

Go Yecu piŋ, ku jɔ bɛ̈ɛ̈r an, “Du riɔ̈c: gam tei, acï guöp pial.”

Romai 4:21

Acï gam ëdhöc an, kë cï kɔn lueel, en Nhialic, abï lëu në luɔi.

Epethiei 3:20

Ku ënɔɔnë, Raan lëu käŋ ë luɔi aläldït awär ka yok lip ayï ka yok tak ëbɛ̈n, në riɛldït ee luui ë woyiic,

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Ɣeberuu 11:19

Aŋɛ̈ɛ̈th Abraɣam luɔi bï Nhialic Yithaak dhil jat nhial të ciɛk en e nɔ̈k, cït man cïï Awerek de Nhialic e lueel an, acï bɛ̈n pɔ̈k nɔm wënde ke pïïr

Bäny 13:3

Na wën ke tunynhial ë Bɛ̈nydït tul tëde tik, bïï ku yöök an, Yïn cï rol ku yïn cïn nɔm meth, ku yïn bï liac ku yök mɛwä.

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”