Cäk 17:19 - JAM DE NHIALIC 2011

¹⁹ Ago Nhialic lueel an, “Ei, Thara tiiŋdu abï yï dhiëth mɛwä, ku abä cäk rin an Yithaak. Yɛn bï mändï döt wokë yen, ku mïthkɛn bï lɔ̈ɔ̈k tɔ̈u në yecök aɣet athɛɛr. Mät acïï kɔ̈u bï tɛɛm aɣet athɛɛr.

Cäk 17:19 ပူးပေါင်းရင်းမြစ်များ

Cäk 16:11

Ago tunynhial ë Bɛ̈nydït ë bɛ lɛ̈k en an, “Ënɔɔnë, yïn bï mɛwä dhiëëth, ku abä cäk an Yicmiɛl (ku ee rinkë në thoŋda aluelkï an acï Nhialic piŋ), në luɔi cï Bɛ̈nydït kiɛɛu de këtuc piŋ, këtuc cï yï dhal.

Cäk 17:16

Abä thieei, ku ta dhiëth yïn mɛwä. Abä thieei ku ta ye man juöör juëc. Ku abï dɛ meliik në mïthke yiic.”

Cäk 17:18

Go Abraɣam lɛ̈k Nhialic an, “Eeŋö cïn Yicmiɛl tɔ lak kakï?”

Cäk 17:21

Ku Yɛn bï mät looi wokë Yithaak, wënduön bï Thara dhiëth yïn wälë, alë ruöön.”

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 21:6

Ago Thara lueel an, “Nhialic ë ya yiɛ̈n miɛtëpiɔ̈u ku dɔl, ku raan lɔ ye piŋ abï dɔl kekë yɛn ëtök.”

Cäk 26:2

Go Bɛ̈nydït tuöl tëde en, ku lëk en an, “Duk lɔ paan ë Rip, rɛ̈ɛ̈rë ee pinyë, të bä lɛ̈k yïn.

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 9:16

Ku të cï mïït tïc në luätic, abä woi ke Yɛn bï a nɔm aa tak në män nu në kaam de Nhialic kekë këriëëc nu në piny nɔm ëbɛ̈n.

Luk 1:55

Acït man ë jiɛɛm en kekë kuarkuɔ, Yï Abraɣam kekë kɔ̈thke aɣet athɛɛr!”

Ɣeberuu 11:11

Gäm de yic aŋäth acï Thara, tiiŋ Abraɣam, yiëk riɛl bï yen meth yök, ago wënde bɛ̈n dhiëëth. Cakaa ɣɔn cï runke, run ke dhiëth lïïr nïïm, ke luɔi cï yen Nhialic gam ɣɔn cï Yen e lɛ̈k en biäk bï yen rɔt dhil looi.