Cäk 14:20 - JAM DE NHIALIC 2011

²⁰ Lec Nhialic dïït nhial, Raan ë tɔ yï tiam kɔc ë gɔ̈m në yïn.” Go Abram kë ye käŋ thiëër në kakɛn cï peeciic ëbɛ̈n gäm Melikidhedek.

Cäk 14:20 ပူးပေါင်းရင်းမြစ်များ

Cäk 14:21

Ago melik de Thɔdom lɛ̈k Abram an, “Nöm kakuön cï peec tɔŋ kedhie, ku puɔ̈kë yanɔm kɔckï.”

Cäk 24:27

lueel an, “Athiɛɛi ë tɔ̈u kekë Bɛ̈nydït, Nhialic de bɛ̈nydiën Abraɣam, raan kën nɔm määr në nhiëërdɛn agɔk. Ku kën nɔm määr në thöndɛn cï thɔ̈n bɛ̈nydï. Bɛ̈nydït ë ya caath ëgɔk, bïï ɛn baai de yï bɛ̈nydiën Abraɣam.”

Cäk 28:22

Ku kuur cä tɔ ye mënë, abï ya ɣön ë Nhialic. Ku në ka cï Bɛ̈nydït gäm ɛn yiic kedhie, abä puɔ̈k nɔm töŋ thiëër ë käŋ.”

Cäk 47:24

Na miäk alek luɔk, ke we bï kë ye käŋ dhïc aa gäm melik. Ku ka bï döŋ piny, kɔ̈k abäk keek tɔ ye kɔ̈th, ku takï kɔ̈k ee kacaam ke bɛ̈ikun.”

Cäk 47:26

Go Jothep mac ke ye löŋ ë kɔc ke Rip. Luɔi ye kë ye käŋ dhïc kë de melik. Ku yen ee löŋë aŋoot ke nu Rip ayï ee köölë. Ee piiny ke bäny ke kake Nhialic kapäc kek aa kën ë melik nööm.

Cäk 9:26

Ku lueel ë Nowa ayadäŋ an, athiɛɛi de Nhialic abï tɔ̈u kekë Cem. Ku abï Kanaan tɔ ye lïmde.

2 Tham 18:28

Na wën ke Aɣimaadh ë thiëc melik. Go yenɔm guöt piny në melik nɔm ku tueel an, “Leec Bɛ̈nydït Nhialicdu! Bɛ̈nydït acï kɔc tiam kɔc wään luui tɔŋ bɛ̈nydï.”

2 Lëk 31:12

Go kɔc ka cï juaar bɛ̈ɛ̈i ë piɔ̈n piɛth, töŋ ë thiëër, ku ka cï tɔ̈ɔ̈u pei. Ku bɛ̈ny nu ë kenïïm ee Lebai cɔl Konania, ku kuany Cimei mänhë ë yecök.

Neɣe 10:37

Wok bï mɔ̈n de rɛɛp ë piac luɔk yiɛ̈n bɛ̈ny de kake Nhialic ë Luaŋdïtic në ruöön thok ëbɛ̈n, ayï kakuɔn ke miɔ̈cdan de mɔ̈u, ku miök de olip, ku këriëëc ë lok ë mïth ke tiim ëbɛ̈n. Ku yïnku kɔc ke Lebai ee ajuëër kut në wuötkuɔn ke pɔ̈ɔ̈riic, töŋ ë thiëër, ku këriëëc ee luɔk në duumkuɔ yiic.

Neɣe 13:12

Ku jɔ kɔc ke Yithriɛl kedhie miɔ̈cdɛn ë töŋ thiëër ë käŋ de rap, ku mɔ̈u, ku miök de olip bɛ gɔl në leer ɣön ye kake Luaŋdït tɔ̈ɔ̈u thïn.

Diɛt 144:1

Pianykï Bɛ̈nydït, raan ee ya gël! Acï yɛn wɛ̈ɛ̈t ë tɔŋ ku guiir ɛn ë biäk de tɔŋ.

Diɛt 44:3

Kɔcku aake cïï piny rum në abätäu, acie cinken kek ë tɔ ke tiëm. Ee ciin cuënydu, kekë köŋdu. Ku many de Yïn nyin, në luɔi nhiɛɛr Yïn keek.

Diɛt 68:19

Pianykï Bɛ̈nydït, Raan ee wook ɣääc në aköölnyïïn ëbɛ̈n Nhialic ee konydan ë wëi.

Bɛ̈n 18:10

ku lueel an, “Lec Bɛ̈nydït ë luɛ̈k yïn bei në melik ë Rip ciin kekë kɔc ke Rip! Lec Bɛ̈nydït cï kɔc ke Yithriɛl luäk bei në lïïmic!

Amoth 4:4

Go Bɛ̈nydït Awärjäŋ lueel an, “Kɔc ke Yithriɛl lak Bethel wun ɣeric, ku luɔikï kërac, ku lakï Gilgal ku bɛkï kërac ŋuak nyin në luɔi. Wek ee miɔ̈cdun bɛ̈ɛ̈i aköölnyïïn kedhie, ku bɛ̈ɛ̈ikï töŋ thiëër ë käŋ ë ceŋ në kööl ye akööl diäk.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Malakai 3:8

Duëër raan Nhialic kuɛ̈l? Wek ë Ya kuɛ̈l. Ku yak lop an, cuk Yïn kuɛ̈l adï? Wek ë Ya kuɛ̈l në miɔ̈c de töŋ thiëër ë käŋ, ku kuɛ̈lkï Yɛn në miɔ̈c.

Kuɛ̈n 28:26

Kööl tueŋ de dhuëëŋ të gam wek miɔ̈c ë rap cï kɔn luɔk Bɛ̈nydït, ke we mat we nïïm në lɔ̈ŋ ɣeric yic ku cïn raan lɔ tëde luɔi.

Luk 18:12

Yɛn ee cäm rɛɛc ë akööl kaarou ë akööl kadhorou yiic, ku yïn aa miɔɔc në kakï kedhie në töŋ wën thiëër kek!’

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Epethiei 1:3

Thieithieei ë Nhialic, Wun Bɛ̈nydan Yecu Kërtho, Raan cï wo thieei ë athiɛɛi de wëi ëbɛ̈n, athiɛɛi de ka ke paannhial, në Kërtho yic.

Nyöŋ 12:17

Këriëëc gämkï Bɛ̈nydït, acäkï ke bï aa cam në wuöt rɛ̈ɛ̈r wek thïn, a cakaa töŋ de thiëër de rɛɛpkun, ku mɔ̈ndun, ku miökduön de olip, ku nɔn ë kɛ̈i de weŋdun ku thökkun, ayï miɔ̈c cï thön Bɛ̈nydït, ayï miɔ̈cduön de miɛtëpiɔ̈u kekë miɔ̈cduön däŋ.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 14:28

Në thök de ruöön de diäk ëbɛ̈n, bɛ̈ɛ̈ikï töŋ de thiëër ë kakuön cï luɔk ëbɛ̈n, ku täukï keek në wuötkuniic.

Jocua 10:42

Wuötkë kedhie, në meliiken peec ë Jocua në tɔŋ ë lee, në luɔi ë Bɛ̈nydït Nhialic Töŋ de Yithriɛl.