Cäk 1:14 - JAM DE NHIALIC 2011

¹⁴ Go Nhialic lueel an, “Kake ɣɛɛr ë ke bɔ̈ në gëlgël paannhial, ke ke bï aköl pääk kekë wakɔ̈u. Ku bïk akööl aa nyuɔɔth, ku nyoothkï run, ku nyoothkï mäi, ku rut ku ruël röt gɔl

Cäk 1:14 ပူးပေါင်းရင်းမြစ်များ

Cäk 1:13

Ku kënë aaye cool, ku wɛ̈ɛ̈r de kööl ë diäk.

Cäk 1:15

Ku ë ke ye ruɛl në gëlgël de paannhialic ke ke bï piny aa meer nɔm.” Go rɔt looi cït man cï Yen e lueel.

Cäk 8:22

Agut të bï piny nɔm lɔ, abï dɛ akööl ke cum, ku akööl ke tëm, ku acïkï kɔ̈ɔ̈th bï bɛ tɛɛm, ayï akööl ke liɛɛr, ku akööl ke tuöc, ku mɔ̈i ayï rut, aköl ku wakɔ̈u, kakë kedhie acïkï kɔ̈ɔ̈th bï bɛ tɛɛm ananden.”

Cäk 9:13

Yɛn tɛ̈ɛ̈u mïïtdï nhial ë luätic, ee yen abï ya kïn ë män cä mat wokë kake piny nɔm kedhie.

Jop 25:3

Acïn raan duëër remdɛn ë tɔŋ lëu në kuɛ̈n, ku acïn raan cïï akölde ee riaau.

Jop 25:5

Tïŋ, a cakaa pɛɛi acïï ruel ayï kuɛl, acïkï ɣer apiɛth në Yenyin,

Jop 3:9

Adï jɔ kuɛlkɛn jɔ bɛ̈në lɔ nyïïn dum, ku jɔkï ɣɛɛr cïï bɔ̈ ŋɔ̈ɔ̈th, ku cïkï miäk adurduur tïŋ nyin,

Diɛt 119:91

Käŋ kedhie atɔ̈ukï tëden agut cï ee köölë në biäk de kë cï lueel, në biäk ye kek awuutku kedhie.

Diɛt 148:3

Lɛckï, wek yï akɔ̈l wekë pɛɛi, lɛckï, wek kuɛl riau.

Diɛt 148:6

Në jamde acïk röt tääu tëden aɣet athɛɛr, ku acïkï duëër rɛɛc thok.

Diɛt 150:1

Lɛckï Bɛ̈nydït! Lɛckï Nhialic tëdɛn ɣeric! Lɛckï riɛlde në gëlgël ë paannhialic!

Diɛt 81:3

Kuɔthkï kaaŋ në biäk de dhuëëŋ, të wil ë pɛɛi ku të kɛ̈ɛ̈c ë pɛɛi cil.

Yith 40:26

Tïŋ tënhial! Eeŋa cak kuɛl ye tïŋ? Raan ee keek wët bei cït rem de tɔŋ, aŋic yek dï ëtɛ̈ɛ̈n ku aye ke cɔɔl ëtök, tök në rin! Riɛlde adït arëët, acïn töŋ liu në ke yiic!

Jeremia 10:2

Acï lueel an, “Duökï kuɛɛr ke juöör kɔ̈k ee kuany cök, ku duökï nïïm ee mum në ka göök ya keek tïŋ nhial, cakaa nɔn ye juöör kɔ̈k riɔ̈ɔ̈c.

Jeremia 31:35

Bɛ̈nydït ë aköl bɛ̈ɛ̈i bï ɣɛɛr looi aköl, ku pɛɛi ku kuɛl bïk aa riau wakɔ̈u. Acï wɛ̈ɛ̈r tuökic nhial ku tɔ apiöök wuur, rinke acɔl ke Bɛ̈nydït de rɛm.

Jeremia 33:20

“Yɛn cï löŋ mac wokë aköl ku wakɔ̈u, agokï aa bɛ̈n në kaamdɛn cï kiëët yic, ku yen ee löŋ cï macë acïï duëërë dhoŋ kɔ̈u taitai.

Jeremia 33:25

Ku yɛn Bɛ̈nydït Yɛn de löŋ cä mac wokë aköl ku wakɔ̈u, ku Yɛn cï lööŋ looi lööŋ mac piny kekë tënhial.

Edhekiɛl 46:1

Acïï Bɛ̈nydït Awärjäŋ lueel an, “Kueer nu në biäk lɔ aköl amiäk abï tɔ̈u ke guöör thok në akööl ke luɔi yiic kadhetem, ku abï aa liep në kööl ë Thabath, ku në kööl ë dhuëëŋ de Wil ë Pɛɛi.

Edhekiɛl 46:6

Në kööl de dhuëëŋ de Wil ë Pɛɛi, abï miɔɔr atiëëk gam ke ye miɔ̈c, ku nyök ke amɛ̈l kor kadhetem, ku nyɔɔŋ amäl tök, abïk gup ciɛ̈n tëdak kedhie.

Jowɛl 2:10

Piny ee rɔt nieeŋ në kenïïm tueŋ, ku lɛthë tënhial. Akɔ̈l kekë pɛɛi acïk cuɔl, ku kuɛl acïkï be riau.

Jowɛl 3:15

Akɔ̈l kekë pɛɛi acïk cuɔl, ku kuɛl acïkï be riau.

Amoth 5:8

Nhialic yen aa cak kuɛl kedhie, kuɛl lɔyok, ku ciëër ë run ë piny. Ee wakɔ̈u puk tɔ ye aköl, ku puk aköl ke ye wakɔ̈u. Ee pïïu ke wɛ̈ɛ̈r cɔɔl, ku piɛɛk keek biic në tiɔp nɔm. Rinke acɔl ke Bɛ̈nydït.

Amoth 8:9

Ade kööl bɔ̈, kööl bän akɔ̈l tɔ lɔ piny ke ŋoot cil, ku ta piny col aköl. Ee Yɛn Bɛ̈nydït Nhialic Yɛn aa jam.

Math 2:2

bïk ku thiëckï an, “Nu ënou en ë mɛnh wën cï dhiëëth an, ee melik de Judai? Wok ë ciëërde tïŋ të lɔ aköl amiäk, ku wok ë bɔ̈ buk bɛ̈n lam.

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Mak 13:24

Ku në aköölkë yiic, të cï këtuc ë kɔc dhal wan, ke akɔ̈l abï cuɔl, ku pɛɛi acïï bï bɛ ɣɛɛr,

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

Nyuuth 6:12

Na wën, ke ya jɔt anyin, të wën kuek en adöŋ ee kek dhetem bei, go piny rɔt niɛŋ arëët, go akɔ̈l cuɔl ëcut, cït cuaal cï cuëëc ë nhïm col, ku jɔ pɛɛi ciët riɛm liŋliŋ.

Nyuuth 8:12

Na wën, ke tunynhial ee kek ŋuan koth kaaŋde, ku jɔ baŋ töŋ de akɔ̈l yup, baŋ wën ee kek diäk, ku yup baŋ töŋ de pɛɛi, ku baŋ töŋ de kuɛl, baŋ wën ee kek diäk, ago baŋ töŋ ë keek ago cuɔl, baŋ wën ee kek diäk, go piny cuö ɣer aköl ë baŋ töŋ de baŋ wën ee kek diäk, ayï wakɔ̈u ayadäŋ.

Nyuuth 9:2

Go adhum thuth cïï thar tiëc tueer thok, go tol rɔt mɔc nhial ë adhumic, cït man ë tol ë manydïït dɛ̈p ëjaŋjaŋ, go akɔ̈l tɔ col ayï nhial në baŋ de tol ë adhum.