Bɛ̈n 9:15 - JAM DE NHIALIC 2011

¹⁵ Na ë Ya cï A ciin yɔɔk, ku ta yï dɔm ë jɔɔk wekë kɔcku, adï cäk nyïïn riäär ë taiwei ënɔɔnë.

Bɛ̈n 9:15 ပူးပေါင်းရင်းမြစ်များ

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

1 Mel 13:34

Ku kënë aacï aa wäc baai de Jerobowam, awäny bï yen tɛ̈ɛ̈m bei ku riɔ̈ɔ̈k ke cïï nyin dɔ̈ŋ ë piny nɔm.

2 Mel 17:36

Wek bï Ya riëëu Yɛn Bɛ̈nydït, Raan ë bïï we bei në Rip në riɛldïït, ku ciindɛn ril, we bï guŋ ë Yanɔm, ku bäk Yɛn aa näk miɔ̈c.

2 Mel 19:35

Në ee wɛ̈ɛ̈rë yic go tunynhial ë Bɛ̈nydït lɔ wun cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ, na ɣɔn amiäk aa lɔ kɔc pääc, ke kɔc cï döŋ apïr ke ke tïŋ kɔc cï thou adhɔt piny.

Bɛ̈n 14:28

Go pïïu röt puk, ku moukï abëël ke Rip, ku kɔc kuath ke. Ku moukï rem ë Rip ëbɛ̈n, rem de tɔŋ wään kuɛny kɔc ke Yithriɛl cök wïïr, man abï ciën raan töŋ dɔ̈ŋ në keyiic.

Bɛ̈n 3:20

Ku riɛldï abä nyuɔɔth. Yɛn bï kake gäi tuc thook looi ë Rip. Ku në ee kakë cök kedhie, melik de Rip abï week jɔ puɔ̈l ajäl.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Bɛ̈n 9:16

Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie.

Bɛ̈n 9:3

wek bä luöi këtuc. Läikuön nu roor kedhie, abä keek tuöc jɔɔk, ɣɔ̈k ku thök, ku jöŋgöör, ku mul, ku thɔ̈rɔ̈l.

Bɛ̈n 9:6

Na ɣɔn amiäk, ke Bɛ̈nydït ë näk läi ke kɔc ke Rip kedhie cït man cï Yen e lueel. Go ɣɔ̈k ke Rip thou kedhie, ku cïn weŋ töŋ thou në ɣɔ̈k ke Yithriɛliic.

Kɛ̈ŋ 2:22

Ku Nhialic abï kɔc ee karɛc looi gap wei në pinyic, ku thël kɔc ee wööc bei thïn cït man ë rɔk.