Bɛ̈n 8:26 - JAM DE NHIALIC 2011

²⁶ Go Mothe puk nɔm an, “Acïï rɔt bï lëu buk Bɛ̈nydït näk eenë. Kɔc ke Rip abïk piɔ̈ɔ̈th diu në kakan buk näk Bɛ̈nydït, Nhialicda. Na lek piɔ̈ɔ̈th diu, abïk wook biɔ̈ɔ̈k në döt ku näkkï wook.

Bɛ̈n 8:26 ပူးပေါင်းရင်းမြစ်များ

Cäk 43:32

Ago yiɛ̈n këcamde pei yetök, ku yïnë mïthëkɔcken këden pei. Ku yïnë kɔc ke Rip cäm në keek këcamden pei kapäc ayadäŋ. Në luɔi ë cïï kɔc ke Rip ee cam në kɔc ke Ɣeberuu. Aa ye kɔc ke Rip tïŋ ke ye aciɛɛn.

Cäk 46:34

Ke lɛ̈kkï yen an, ‘Wok ee kɔc ke ɣɔ̈k ë caaŋda, cït man wään kɔn ë kuarkuɔ aa kɔc ke ɣɔ̈k.’ Yen abï yen week jɔ puɔ̈l arɛ̈ɛ̈r piny ë Gocen. Alueel ë Jothep aya, në baŋ cïn ë kɔc ke Rip këden thïn në kɔc ke ɣɔ̈k.”

2 Mel 23:13

Ku melik ë ɣään thöny ɣɔn nu ë Jeruthalem biäk të lɔ aköl amiäk tɔ nhiany, ku ka nu ë kuur de Olip biäk të lɔ wöuwic, ɣɔn cïï melik Tholomon yiëk Acetoreth yanh de Thidon rɛɛc mɛɛn Bɛ̈nydït, ku yïk Cemoc yanh ë Mowap rɛɛc mɛɛn Bɛ̈nydït, ku yïk Molek yanh ë Amon rɛɛc mɛɛn Bɛ̈nydït.

Edhr 9:1

Na wën acï kakë thök ë luɔi kedhie, ke bäny ke kɔc ke Yithriɛl bɔ̈ tëde yɛn ku luelkï nɔn cï ë kɔc ke Yithriɛl, ku bänykɛn ke kake Nhialic, ku Lebai akënkï röt mɛc wei në juöör cieŋ ë pinyë në karɛc yek looi, cït man tɔ̈u ë jur cɔl Kanaan ku Ɣit ku Peridh ku Jebuth ku Amon ku Mowap ku Rip ku lɔ Amor.

Bɛ̈n 3:18

Ku kɔckï abïk yïn piŋ thok. Ku ëtɛ̈ɛ̈n, yïn bï jɔ lɔ tëde melik ë Rip wekë röördït ke Yithriɛl, lak lɛ̈k en an, ‘Bɛ̈nydït Nhialic de Ɣeberuu acï rɔt nyuöth wook. Ka yïn gam nɔn bï wok nïn kadiäk nööm ke wo cath ë jɔ̈ɔ̈ric, lok Bɛ̈nydït Nhialic näk.’

Bɛ̈n 8:8

Ago melik Mothe cɔɔl kekë Aron ku lëk keek an, “Läŋkï Bɛ̈nydït ke bï agueek nyaai, ku yɛn bï kɔckun puɔ̈l ajäl lek Bɛ̈nydït näk.”

Yith 44:19

Kɔc ee yiëth looi acïkï ee tak ayï miɔ̈n bïk lueel an, “Biäk de tim acä dɛ̈ɛ̈p. Yɛn cï kuïn cï pam thaal, ku nyuɔp rïŋ ku cam. Ku biäk däŋ de tim acän ke yath luööi. Ku yakï gut a nɔm piny në tim dït nɔm!”