Bɛ̈n 8:15 - JAM DE NHIALIC 2011

¹⁵ Na wën, aa tïŋ ë melik agueek acï thou, ke be nɔm riɛlde ŋak, cït man cïï Bɛ̈nydït e lueel an melik acïï jam de Mothe bï piŋ kekë Aron.

Bɛ̈n 8:15 ပူးပေါင်းရင်းမြစ်များ

Bɛ̈n 14:5

Na ɣɔn, aa piŋ melik ë Rip nɔn cï kɔc röt kual, ke waar enɔm kekë bänyke, ku luelkï an, “Eeŋö cuk jɔ looi? Wok ë kɔc ke Yithriɛl tɔ jël, ku acuku ke bï bɛ yök bïk wo luööi.”

Bɛ̈n 4:21

Go Bɛ̈nydït bɛ lɛ̈k Mothe an, “Të cïn lɔ Rip, ke them ëgɔk nɔn looi yïn kake gäi kedhie në melik nɔm, ka cän ke yï gäm riɛlden. Ku melik abä tɔ ril nɔm, ka cïï kɔc ke Yithriɛl bï puɔ̈l ajël.

Bɛ̈n 8:14

Ago kɔc ke Rip ke thɔɔc nïïm në akuut dït. Gokï piny tɔ ŋuäc ëbɛ̈n.

Bɛ̈n 8:16

Go Bɛ̈nydït lɛ̈k Mothe an, “lɛ̈kë Aron ë yup piny në thienyde, ku të lɔ aköl athɛ̈i abï rɔt puk ke ye dhiëër piny ë Rip ëbɛ̈n.”

Bɛ̈n 8:28

Go melik lɛ̈k keek an, “Të cä wek en bï lɔ baaric tëmec, ke we bä tɔ jäl lak Bɛ̈nydït Nhialicdun näk ë jɔ̈ɔ̈ric. Ku ënɔɔnë, läŋkï në biäkdï.”

Bɛ̈n 8:29

Go Mothe lueel an, “Bɛ̈nydït abä lɔ lɔ̈ŋ të lan lɔ biic eenë, luɔi bï Yen luaŋ nyaai tëde yï miäk, ku nyɛɛi tëde bänyku, ku tëde kɔcku kedhie. Ku duk wo be math, ku bä kɔc bɛ pɛ̈n jäl lek Bɛ̈nydït näk.”

Bɛ̈n 8:32

Go melik nɔm riɛlde bɛ ŋoot ke ŋɛk, go kɔc bɛ pɛ̈n jäl.

Bɛ̈n 8:8

Ago melik Mothe cɔɔl kekë Aron ku lëk keek an, “Läŋkï Bɛ̈nydït ke bï agueek nyaai, ku yɛn bï kɔckun puɔ̈l ajäl lek Bɛ̈nydït näk.”

Kɛ̈ŋ 26:11

Jö ee rɔt dak ë ŋɔkke yiic, ku yen ee tän ë raan piɔl piɔ̈u, ee pialëpiɔ̈u ŋak.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Wɛ̈ɛ̈t 8:11

Eeŋö ye kɔc karɛc dap looi? Ee biäk cïï kɔc ë karɛc looi ee dap luöi këtuc aruööthic.

Yith 26:10

Na cakaa nɔn Yïn piɔ̈u kok wekë kɔc ee karɛc looi, acïkï bï kɔn wëët në luɔi de piathëpiɔ̈u. Acakaa piny de kɔc a piɔ̈ɔ̈th wai ayek ŋoot ke ke loi karɛc, ku jiɛikï në luɔi bï kek dïtdu tïŋ.

Ɣodh 6:4

Ku aye Bɛ̈nydït lueel an, “Bä week jɔ looi adï Eparaim? Ku eeŋö bä luöi week, wek kɔc ke Juda? Nhiëërdun acït ruu amiäk, ku cït thäc, ee guɔ riäär ëthiäu.

Ɣeberuu 3:15

Cït man cïï ye lueel në këcïgɔ̈ɔ̈ric an: “Të piɛŋ wek rölde ee köölë, ke we duökï wenïïm tɔ ril cït man ë kuarkun, ɣɔn cä wek Bɛ̈nydït tɔ diu piɔ̈u.”

Ɣeberuu 3:8

ke we duökï wenïïm tɔ ril cït man ë kɔc ɣɔn cï Bɛ̈nydït jäi ku nyiëëŋkï piny, ɣɔn themë keek në jɔ̈ɔ̈ric.

Nyuuth 16:9

Go kɔc nyop ë tuöc dït: ku yek rin ke Nhialic läät Raan de riɛl ë ka ye piny riɔ̈ɔ̈kë nïïm, ku reeckï kepiɔ̈ɔ̈th puk piɔnykï.

1 Tham 6:12

Ago ɣɔ̈k kueer dɔmic ke ke lɔ Beth Cemec, ciɛthkï ke ke lɔ. Agokï baaric ke ke cïï röt yɛl ciɛɛm ku cïkï röt yɛl cuëëc. Ago bäny ke Pilithiin ke ruac cök kueer abïk jɔ ɣet në aken ë Beth Cemec nɔm.

1 Tham 6:3

Gokï puk nɔm an, “Na kaarkï an pɔ̈kkï Athänduŋ de Män ë Nhialic de Yithriɛl nɔm, ke duökï puk nɔm baaŋ, takï cath kekë miɔ̈c de awäc. Ku ëtɛ̈ɛ̈n, wek bï gup jɔ pial në jɔɔk, ku abäk jɔ ŋic ëgɔk yen kën ë lui en we këtuc.”

1 Tham 6:6

Eeŋö duɛ̈ɛ̈rkï wenïïm tɔ ril cï melik de Rip kekë kɔcke? Wään bïï Nhialic ke luöi këtuc acïk kɔc ke Yithriɛl bɛ̈n pɔ̈l ajäl ë Rip.

1 Tham 6:9

Ku woikï na bïï lɔ, na le yenɔm wɛl wun cɔl Beth Cemec, ke ŋiɛckï nɔn Yen Nhialic de Yithriɛl Yen ë yïn wook ee jɔɔkë. Ku na kën yenɔm wɛl Beth Cemec, ka abuk jɔ ŋic nɔn cie Yen ë yïn wook ee jɔɔkë, ka jɔɔk aake bɔ̈ kapäc tei.”