Bɛ̈n 7:2 - JAM DE NHIALIC 2011

² Guiëërë Aron ka cä lɛ̈k yïn kedhie, ke bï ke lɔ lɛ̈k melik. Ke melik ë bï kɔc ke Yithriɛl tɔ jäl pinyde.

Bɛ̈n 7:2 ပူးပေါင်းရင်းမြစ်များ

1 Mel 22:14

Ago Mikaya bɛ̈ɛ̈r an, “Yɛn cï kuëëŋ në Bɛ̈nydït pïïr, nɔn bän kë cï Bɛ̈nydït lɛ̈k ɛn guiir!”

Bɛ̈n 4:15

Jam we yen, guiëërë kë kɔɔr bä lɔ lueel ëbɛ̈n. Wek bä kuɔny wedhie waarou, ku wek bä nyuöth kë bäk looi.

Bɛ̈n 4:16

Yen abï ya raan ee jamdu guiir. Yïn bï jɔ ciët Nhialic. Abä aa lɛ̈k jamduön kɔɔr aa luel, ku abï jamdu jɔ ya guiëër kɔc.

Bɛ̈n 5:1

Go Mothe kekë Aron lɔ tëde melik ë Rip, lek lɛ̈k en an, “Acïï Bɛ̈nydït lueel, Nhialic de Yithriɛl an, ‘Tɔ kɔckï jäl, lek dhuëëŋ bïï kek Ɛn näk looi ë jɔ̈ɔ̈ric, dhuëëŋ bï Ɛn miët piɔ̈u.’ ”

Bɛ̈n 6:29

aa lëk en an, “Ee Yɛn aye Bɛ̈nydït. Lɔ tɛ̈të melik ë Rip ka cä guiëër yïn kedhie.”

Bɛ̈n 7:6

Ku Mothe kekë Aron acïk ka cïï Bɛ̈nydït lɛ̈k keek bɛ̈n looi kedhie.

Jeremia 1:17

Guiir rɔt, Jeremia, lɔ lɛ̈k ë keek këriëëc cä lɛ̈k yïn ëbɛ̈n an, bä lɔ lɛ̈k keek. Du riɔ̈c në keek ënɔɔnë, ku nɔn bä yïn tɔ riɔ̈c ë keek arëët, të le yïn lɔ tɔ̈u në keyiic.

Jeremia 1:7

Go ë Bɛ̈nydït lɛ̈k ɛn an, “Du luel an, ‘yɛn koor arëët,’ lɔ tëde kɔc cä tuöc yïn ëbɛ̈n, ku lɛ̈k ë keek këriëëc cä lɛ̈k yïn bä lɔ lueel.

Edhekiɛl 3:10

Go Nhialic ŋoot ke jam lueel an, “Mɛnh ë raan wël ya lɛ̈k yïn ëbɛ̈n ye keek döt në yïpiɔ̈u, ku piŋ keek ë yï yïth.

Edhekiɛl 3:17

“Mɛnh ë raan yïn ta ee raan ee tïït tëde baai de Yithriɛl. Abä keek lɛ̈k wël cä gäm yïn.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

Nyöŋ 4:2

Duökï jam lɛ̈k weekë ŋuak nyin në däŋ pei, ku duökï de biäk bɛ̈ɛ̈ikï bei thïn. Riëëukï lööŋ ke Bɛ̈nydït Nhialicdun, lööŋ cä ke gäm wek.