Bɛ̈n 7:17 - JAM DE NHIALIC 2011

¹⁷ Ku ënɔɔnë bɛ̈ny, acïï Bɛ̈nydït lueel an, “Yïn bä luöi kë bï yï tɔ ŋic Ɛn nɔn Yan Bɛ̈nydït. Yɛn bï pïïu Kiir yupic në thieec, ka pïïu abïk röt puk aye riɛm.

Bɛ̈n 7:17 ပူးပေါင်းရင်းမြစ်များ

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

2 Mel 19:19

Ënɔɔnë Bɛ̈nydït Nhialicda luäkë wo bei në Athiriya cin, ke bï juöör ke piny nɔm lueel an, Yïn aye Nhialic Yïtök.”

Diɛt 105:29

Acï pïïuken puk aye riɛm, ku nɛ̈k recken kedhie.

Diɛt 78:44

Acï kiɛɛrken puk ke ye riɛm ago kɔc ke Rip nïïm ciën pïïu ke dëk.

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.

Bɛ̈n 1:22

Na ɣɔn, ke lëk ë Melik de Rip kɔcke kedhie an, “Cuatkï mïthwät Kiir kedhie abïï ciën tök, mïthwät thiik ke Ɣeberuu, ku pälkï duet apïïr.”

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Bɛ̈n 4:9

Na cï ka gɛ̈ɛ̈iyë ke kaarou looi, ku ŋootkï ke ke cïï këdu piŋ, ku cïkï kɔɔr nɔn bï kek e gam, ke yï gem pïïu Kiir ku wälë keek biic. Kek pïïu cï gem abïk röt puk aye riɛm.”

Bɛ̈n 5:2

Go melik puk nɔm an, “Bɛ̈nydït eeŋa, ka yɛn duëër jamde jɔ piŋ, ku ta kɔc ke Yithriɛl jäl? Yɛn kuc Bɛ̈nydït, ku kɔc ke Yithriɛl acä ke bï tɔ jäl.”

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Bɛ̈n 7:20

Na wën, ke Mothe kekë Aron ë ke loi kë cïï Bɛ̈nydït lueel ëbɛ̈n. Go Aron thienyde yaak nhial, ku yup pïïu Kiir ke melik ë nu kekë bänyke. Go pïïu röt puk aye riɛm në Kiiric ëbɛ̈n.

Bɛ̈n 7:5

Të lan A ciin thɛm kɔc ke Rip, ku bɛ̈ɛ̈i kɔc ke Yithriɛl bei pinyden, abïk Ɛn jɔ ŋic ëgɔk nɔn Yan Bɛ̈nydït.”

Edhekiɛl 25:17

Abä ke luöi këtuc aläl, ku guöör kakï në keek. Abïk agönhdï yök. Ku ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 29:9

Rip abï döŋ ke ye piny cïn yic kɔc. Ëtɛ̈ɛ̈n abäk jɔ ŋic nɔn ee yɛn Bɛ̈nydït. “Në biäk cïï yïn e lueel an ye Kiir këdu ku ee yïn ë loi yïn.

Edhekiɛl 30:19

Të le yɛn Rip luöi këtuc në ee kueerë, abïk jɔ ŋic nɔn ee Yɛn Bɛ̈nydït.”

Edhekiɛl 30:8

Të le yɛn Rip ɣök mac ku näk kɔc ee yen gël kedhie, yen abï kek e ŋic nɔn ee Yɛn Bɛ̈nydït.

Edhekiɛl 32:15

Kööl lan Rip tɔ ye të cï pɔ̈l ku riääk kɔc rëër ëtɛ̈ɛ̈n ëbɛ̈n, abïk ŋic nɔn ee yɛn Bɛ̈nydït.

Edhekiɛl 32:6

Yɛn bï riɛmdu wäl wei aɣet abïï kur thiɔ̈ɔ̈ŋ nïïm ku thiɔ̈ɔ̈ŋ nyïïn yiic.

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Edhekiɛl 39:28

Ëtɛ̈ɛ̈n abïï kɔckï jɔ ŋic nɔn ee Yɛn Bɛ̈nydït Nhialicden. Abïk ee kënë ŋic, në biäk cïï Yɛn ke tuɔɔc ë juöör yiic, ku ënɔɔnë acä ke määt yiic, ku bɛ̈ɛ̈i ke ciëën pinyden, ke cïn raan töŋdɛn nyiëëŋë piny.

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Danyel 5:21

Acï bɛ̈n cuɔp wei në kɔc yiic, ku nɔmde acï bɛ̈n ciët tɔ̈u de lɛ̈i. Acï rëër ke mul roor. Ku nyuɛ̈ɛ̈th wal cï lɛ̈i, ku niin roor ke cïn kë kum yen yekɔ̈u në thɛ̈c. Na wään ciëën ke jɔ gam nɔn muk ë Nhialic dït ciɛɛŋ de kɔc ke pinynɔm ëbɛ̈n ku aduëër ke gäm raan cï tak ë yepiɔ̈u.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Nyuuth 11:6

Kɔckë adekï riɛl bï kek tënhial thiöök, ke cïn deŋ bï tuɛny ë akööl ke guiëërdɛn ee kek këden guiir: ku ciɛthkï në riɛl ë piëëu nïïm puk kek keek abïk aa riɛm, ku duikï piny ë jɔɔk ëbɛ̈n, ë duidɛn ë kepiɔ̈ɔ̈th.

Nyuuth 8:8

Na wën, ke tunynhial ee kek rou koth kaaŋde, ku jɔ kë cït kuurdït gök dɛ̈p ë mac cuat ë wɛ̈ɛ̈ric: go baŋ töŋ ë wɛ̈ɛ̈r baŋ wën ee kek diäk jɔ guɔ aa riɛm,