Bɛ̈n 7:13 - JAM DE NHIALIC 2011

¹³ Go melik ŋoot ke ŋɛk nɔm riɛlde, ku cïï jamden piŋ cït man cïï Bɛ̈nydït e lueel.

Bɛ̈n 7:13 ပူးပေါင်းရင်းမြစ်များ

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

Bɛ̈n 10:1

Go Bɛ̈nydït lɛ̈k Mothe an, “Lɔ tëde melik. Acä tɔ ril nɔm kekë bänyke ke ya bï göökkï nyuɔɔth ë kenïïm, göök ke gäi.

Bɛ̈n 10:20

Go Bɛ̈nydït melik tɔ ril nɔm, go melik mïth ke Yithriɛl pɛ̈n jäl.

Bɛ̈n 10:27

Go Bɛ̈nydït melik tɔ ril nɔm, ago ke kɛ̈n tɔ jël.

Bɛ̈n 14:17

Ku Yɛn bï kɔc ke Rip tɔ ril nïïm, ka abïk week kuany cök wïïr. Ku Yɛn bï dhuëëŋ yök, të lan melik tiaam kekë remde, ku riääk abëëlkɛn ke tɔŋ, ku näk kɔc cath thïn.

Bɛ̈n 4:21

Go Bɛ̈nydït bɛ lɛ̈k Mothe an, “Të cïn lɔ Rip, ke them ëgɔk nɔn looi yïn kake gäi kedhie në melik nɔm, ka cän ke yï gäm riɛlden. Ku melik abä tɔ ril nɔm, ka cïï kɔc ke Yithriɛl bï puɔ̈l ajël.

Bɛ̈n 7:12

Acïk thieecken bɛ̈n cuat piny ayadäŋ, go thieecken röt puk aye karɛc. Na wën, ke thieny ë Aron ë puk rɔt liek thieecken kedhie.

Bɛ̈n 7:14

Go Bɛ̈nydït lɛ̈k Mothe an, “Melik de Rip aril nɔm aläl, ë jai luɔi jël ë kɔc.

Bɛ̈n 7:22

Go tït ke melik kë cït ee kënë looi ayadäŋ në tïïtden. Go melik nɔm riɛlde cuuth cït man cïï Bɛ̈nydït e lɛ̈k Mothe kekë Aron an, melik acïï jamdun bï piŋ.

Bɛ̈n 8:11

Agueek abï ke nyaai ɣöndu, ku nyɛɛiyë ke në ɣööt ke bänyku yiic, ayï ɣööt ke kɔcku. Ka acïn agueŋ däŋ bï bɛ nu, abï döŋ ke ye agueek nu Kiir kapäc.”

Bɛ̈n 8:15

Na wën, aa tïŋ ë melik agueek acï thou, ke be nɔm riɛlde ŋak, cït man cïï Bɛ̈nydït e lueel an melik acïï jam de Mothe bï piŋ kekë Aron.

Bɛ̈n 8:19

Go tït lɛ̈k melik an, “Ee Nhialic yen ë loi ee kënë!” Go melik nɔm riɛl bɛ ŋoot ke ŋɛk cït man cïï Bɛ̈nydït e lueel an melik acïï jam de Mothe bï piŋ kekë Aron.

Bɛ̈n 8:28

Go melik lɛ̈k keek an, “Të cä wek en bï lɔ baaric tëmec, ke we bä tɔ jäl lak Bɛ̈nydït Nhialicdun näk ë jɔ̈ɔ̈ric. Ku ënɔɔnë, läŋkï në biäkdï.”

Bɛ̈n 9:12

Ku Bɛ̈nydït ë melik bɛ̈n tɔ ril nɔm cït man wään cïï Yen e lueel an melik acïï jam de Mothe bï piŋ kekë Aron.

Bɛ̈n 9:35

Ago melik nɔm riɛl ŋak, ku akën kɔc ke Yithriɛl bɛ̈n tɔ jäl, cït man wään cïï Bɛ̈nydït e lɛ̈k Mothe an, melik acïï kɔc ke Yithriɛl bï pɔ̈l ajäl.

Bɛ̈n 9:7

Na wën, ke melik ë lop në kë cï rɔt looi. Go lɛ̈k en nɔn cïn en weŋ töŋ cï thou në ɣɔ̈k ke Yithriɛliic. Go ŋoot ke ril nɔm, ku cïï kɔc ke Yithriɛl päl ajäl.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Nyöŋ 2:30

“Ku Thiɣon melik de Ɣecbon ëbɛ̈n jai ku cïï wook pɛ̈l luɔi bï wek tëëk paanden, në cïï Bɛ̈nydït Nhialicdun yen tɔ ril nɔm ago tääu në wecin. Ku tiamku, rumku pinyde ëbɛ̈n.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

1 Tham 6:6

Eeŋö duɛ̈ɛ̈rkï wenïïm tɔ ril cï melik de Rip kekë kɔcke? Wään bïï Nhialic ke luöi këtuc acïk kɔc ke Yithriɛl bɛ̈n pɔ̈l ajäl ë Rip.