Bɛ̈n 6:8 - JAM DE NHIALIC 2011

⁸ Wek bä gäm piny wään cä thɔ̈n Abraɣam, kekë Yithaak, ku Jakop bï ya këde naamdun. Ee Yɛn aye Bɛ̈nydït.’

Bɛ̈n 6:8 ပူးပေါင်းရင်းမြစ်များ

Cäk 14:22

Ago Abram puɔ̈k nɔm en an, “Yɛn ë kuëëŋ në Bɛ̈nydït Nhialic dïït nhial nɔm, Aciëŋ ë cak tënhial ku piny,

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 35:12

Ku piny wään cä kɔn gäm Abraɣam kekë Yithaak, abä gäm yïn wekë mïthkuön bï lɔ̈ɔ̈k tɔ̈u në wecök ciëën.”

Neɣe 9:15

“Ɣɔn cïï cɔk ke nɔ̈k acï ke bɛ̈n gäm kuïn paannhial, ku gämë ke pïïu ë bɔ̈ bei ë kuuric ɣɔn cïï kek yal. Acï lɛ̈k keek an, bïk piny cï than an bä gäm keek dɔm.

Bɛ̈n 13:5

Bɛ̈nydït acï kuarkun thɔn ɣɔn, an bïï we gäm piny ë Kanaan, ku piny ë Ɣit, ku piny ë Amor, ku piny ë Ɣib, ku piny ë Jebuth. Miäk të cï en we lɛɛr piny ee wat ë ca ku miök ë kiëc, ke we loi ee dhuëëŋë, në pɛɛi tueŋ në run nyïïn ëbɛ̈n.

Bɛ̈n 32:13

Tak lïïmku, yï Abraɣam kekë Yithaak, ku Jakop. Tak kuëëŋ wään thɔ̈në keek nɔn bï Yïn ke gäm mïth juëc cït kuɛl nhial, ku gämë ke piny wään cï than ëbɛ̈n nɔn bï yen aa këden ananden.”

Bɛ̈n 6:2

Na wën, ke Nhialic ë jam ke Mothe, lëk en an, “Ee Yɛn Bɛ̈nydït.

Bɛ̈n 6:4

Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Edhekiɛl 20:15

Guɔ gutguut looi në jɔ̈ɔ̈ric ëtɛ̈ɛ̈n, në biäk cän keek bï lɛɛr piny wään cä gäm keek, piny ee wat ë ca ku miök ë kiëc, piny wär piiny kedhie.

Edhekiɛl 20:23

Guɔ gutguut däŋ looi në jɔ̈ɔ̈ric. Yɛn cï kuëëŋ nɔn bän keek thiäi në juööriic ëbɛ̈n.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 20:42

Të puɔ̈k ɛn wenïïm piny de Yithriɛl, piny wään cän gutguut lueel an bä gäm kuarkun, ëtɛ̈ɛ̈n abäk jɔ ŋic nɔn ee yɛn Bɛ̈nydït.

Edhekiɛl 36:7

Yɛn Bɛ̈nydït Awärjäŋ yɛn cï kuëëŋ an juöör thiɔ̈k në week abïk nuan ë yaaŋ.

Edhekiɛl 47:14

Aa cä thön kuarkun arëët nɔn bän keek gäm ee pinyë ke ye këden, ka ënɔɔnë tɛkkï akït ë kɛmkun.

Kuɛ̈n 10:29

Go Mothe lɛ̈k wën thuönde Ɣobap wën ë Rewel raan wun ë Midian an, “Wokï lɔ piny ɣɔn cïï Bɛ̈nydït thɔ̈n wook an bïï gäm wook. Acïï Bɛ̈nydït than nɔn bï yen Yithriɛl lɔ gäm kapiɛth kith ëtɛ̈ɛ̈n. Ka yïn, bä cathë we wook ëtök, ke yïn bï kapiɛthkë lɔ rɔm we wook.

Kuɛ̈n 11:12

Ee yɛn ë cak keek? Ee yɛn ë dhiëth keek? Ka eeŋö tɔ yïn ke guööc cït man ye awut meth boom në yeyɔu, abïk ɣet piny ɣɔn bï yïn kuëëŋ an bä gäm kuarken?

Kuɛ̈n 14:30

Ku acïn raan tök në weyiic, bï bɛ̈n piny ɣɔn cän kuëëŋ nɔn gäm Ɛn en week. Ee Kalep wën ë Jepuna, kekë Jocua wën ë Nun kaarou, kek abï lɔ.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Nyöŋ 32:40

Yɛn yɔɔk ya ciin nhial ku kuɛ̈ɛ̈ŋ në yic, Yɛn Nhialic pïïr.

Nyöŋ 4:31

Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.

Jocua 24:13

Wek cä gäm wuöt ë cäkkï yïk, ka we rɛ̈ɛ̈r thïn ënɔɔnë. Ku gäm week piny ë kɛ̈nkï kɔn puur, ka wek cam mïth ke Olip, ku mïth ke ŋaap ë kɛ̈n wek tiim com.’

Nyuuth 10:6

ku lueel gutguut në Raan pïïr aɣet athɛɛr ya, Raan ë cak nhial, kekë ka nu thïn kedhie, ku ciɛk piny kekë ka nu thïn kedhie, ku ciɛk wɛ̈ɛ̈r kekë ka nu thïn kedhie, an, “Acïn agääu bï bɛ nu!

1 Tham 15:29

Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”