Bɛ̈n 6:7 - JAM DE NHIALIC 2011

⁷ Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Bɛ̈n 6:7 ပူးပေါင်းရင်းမြစ်များ

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

1 Mel 8:60

Ku abïï kɔc ke pinynɔm ëbɛ̈n ŋic an Bɛ̈nydït Yen ee Nhialic, ku acïn däŋ.

Neɣe 1:10

“Bɛ̈nydït kakë ayek lïïmku, kɔc ke nɔmdu, ɣɔn luäk në riɛldïïtdu.

Diɛt 100:3

Ku ŋiɛckï nɔn Ye Bɛ̈nydït Nhialic. Ee Yen ë cak wook, ka wok ee kake, Wok ee kɔcke, wok ee thökke.

Diɛt 81:6

“Yɛn cï kathiek jat piny në yïkɔ̈u, Yïn cä tɔ tɛ̈ɛ̈u kutduön de thoop piny.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 14:18

Të lan keek tiaam, kɔc ke Rip abïk ɛn jɔ ŋic ëgɔk nɔn ee Yɛn Bɛ̈nydït.”

Bɛ̈n 14:4

Abä tɔ ril nɔm ka bï we kuany cök. Ku yɛn bï dhuëëŋ yök të lan melik tiaam kekë remde. Yen abïï kɔc ke Rip Ya jɔ ŋic nɔn Yan Bɛ̈nydït. Go kɔc ke Yithriɛl kë lëkë keek looi ëbɛ̈n cït man cï ye lɛ̈k keek.

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Bɛ̈n 15:2

Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

Bɛ̈n 16:12

“Yɛn ë dok de kɔc ke Yithriɛl piŋ. Abïk aa cuet në rïŋ thëën, na miäk adurduur ke ke cäm në kuïn cït man ë kë kɔɔrkï, ke bïk ŋic nɔn Yan Bɛ̈nydït Nhialicden.”

Bɛ̈n 16:6

Na wën, ke lëk ë Mothe kekë Aron kɔc ke Yithriɛl kedhie an, “Abäk jɔ ŋic alë thëën nɔn yen Bɛ̈nydït Yen ë bïï we bei Rip.

Bɛ̈n 2:11

Ɣɔn cïï Mothe dhuöök, ë kɔcken bɛ̈n kɛ̈ny ë kööl tök, le luɔɔidɛn dïït ye kuɛ̈th keek tïŋ. Ago raan ë Rip lɔ yök adui raan ë Ɣeberuu, raanden ë yï Mothe guöpde.

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Bɛ̈n 7:17

Ku ënɔɔnë bɛ̈ny, acïï Bɛ̈nydït lueel an, “Yïn bä luöi kë bï yï tɔ ŋic Ɛn nɔn Yan Bɛ̈nydït. Yɛn bï pïïu Kiir yupic në thieec, ka pïïu abïk röt puk aye riɛm.

Yith 41:20

Kɔc abïk ee kënë tïŋ ku abïk ŋic nɔn ee Yɛn Bɛ̈nydït Yɛn aa loi yen. Abïk jɔ yökic, nɔn yen Nhialic Ɣeric de Yithriɛl, yen aa tɔ ye loi rɔt.”

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 51:15

“Yɛn Bɛ̈nydït Nhialicdun, Yɛn cï wɛ̈ɛ̈r liääp ku ta apiɔ̈ŋde wuur. Rinkï acɔlke Bɛ̈nydït de rɛm!

Yith 60:16

Juöör ku meliik abïk diɛɛr në yïn cït wën ee man meth mɛnhde ŋiëc muk. Abä ŋic nɔn yen ɛn Bɛ̈nydït, Yɛn ë kony yïn, nɔn cï Awärjäŋ Nhialic de Yithriɛl yïn gäm nɔm lääu.

Yith 63:8

Go Bɛ̈nydït lueel an, “Ayek kɔckï acïkï yɛn bï math.” Ago keek kony

Jeremia 30:22

Abïk aa kɔckï, ku Yɛn bï aa Nhialicden. Acä lueel, Yɛn Bɛ̈nydït.”

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Edhekiɛl 20:19

Yɛn ee Bɛ̈nydït Nhialicdun. Riëëukï lööŋkï ku ka cä lɛ̈k week.

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Lebai 11:44

Ee yɛn Bɛ̈nydït Nhialicdun. Takï weyiic ɣer në biäkdï, në luɔi ɣɛɛr Ɛn yic. Duökï röt tɔ rac në biäk de lɛ̈n töŋ ee mol piny.

Lebai 11:45

Ee yɛn Bɛ̈nydït Raan ë bïï week bei paan ë Rip, ke ya bï aa Nhialicdun. Wek bï yiic dhil ɣɛɛr në luɔi ɣɛɛr Ɛn yic.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Kuɛ̈n 15:41

Ee yɛn Bɛ̈nydït Nhialicdun, wek aa bɛ̈ɛ̈i keek bei Rip në baŋ bän bɛ̈n aa Nhialicdun. Ee Yɛn Bɛ̈nydït.

Math 22:32

“Yɛn ee Nhialic de Abraɣam, ku ya Nhialic de Yithaak, ku ya Nhialic de Jakop? Nhialic acie Nhialic de kɔc cï thou, ee Nhialic de kɔc pïïr.”

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Nyöŋ 26:18

Köölë Bɛ̈nydït acï week gam ke we ye kɔc ke nɔmde, cït man cï Yen ye thön week, ku acï week yöök bäk lööŋke ku jamde riëëu ëbɛ̈n.

Nyöŋ 29:12

Wek tɔ̈u ee tënë ee köölë, bäk ee löŋ macë looi, löŋ mɛcë ë Bɛ̈nydït Nhialicdun ke week, ku wek bï ka lueel dhil gam,

Nyöŋ 29:13

ago Bɛ̈nydït week jɔ gam ke we ye kɔcke ënɔɔnë, ku abï aa Nhialicdun, cït man cï Yen e thön week ku thön kuarkun yï: Abraɣam, ku Yithaak, ku Jakop.

Nyöŋ 29:5

Bɛ̈nydït acï week wat në jɔ̈ɔ̈ric në run kathiërŋuan yiic (40), ku lupɔɔkun ayï warkun akënkï bɛ̈n riääk.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

1 Pet 2:10

Ɣɔn wek ë cie kɔc, ku ënɔɔnë we cï aa kɔc ke Nhialic: wek aa kën kokdepiɔ̈u yök ɣɔn, ku ënɔɔnë acäk ja yök.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden:

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.