Bɛ̈n 6:4 - JAM DE NHIALIC 2011

⁴ Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Bɛ̈n 6:4 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 15:13

Go Bɛ̈nydït lɛ̈k Abram an, “Mïthku abïk rëër ke ke ye kamaan në piny lei. Ku abïk aa lïïm. Ku abï keek aa luööi arac në bot kaŋuan ë run.

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 17:13

Raan ëbɛ̈n, abï dhiɛl cueel. Ku kënë abï ya kïn ë guöp, ke bï mändï wo week aa nyuɔɔth, nɔn ee yen kë cïï kɔ̈u bï tɛɛm aɣet athɛɛr.

Cäk 17:4

“Ënɔɔnë, Yɛn loi mändï wo yïn. Yïn bï ya wun juöör juëc ëbɛ̈n.

Cäk 23:4

“Yɛn ee raan lei, ku yɛn rɛ̈ɛ̈r në weyiic eenë. Ɣɔ̈ckï ya piny thiinakäŋ, bän tiiŋdï tɔ̈ɔ̈u thïn.”

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 28:4

Ku abï yïn gäm athiɛɛi de Abraɣam wekë mïthku. Ku abï piny rëër yïn thïn tɔ ee pinydu, piny wään cïï Nhialic gäm Abraɣam.”

Cäk 6:18

Ku Yɛn bï dɛ mät wokë yïn, ku jɔ bɛ̈n lɔ abël wïïric wekë tiiŋdu, ku wɛ̈ɛ̈tku, ku diäär ke wɛ̈ɛ̈tku.

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

Diɛt 105:11

Acï luɛɛl an, “Yïn bä gäm piny de Kanaan ku abï aa këdu.”

Diɛt 105:12

Kɔc ke Nhialic aake lik në kuën, alɛi nu piny de Kanaan.

Bɛ̈n 13:4

Ku ee köölë, we bɔ̈ bei Rip në pɛɛi tueŋ, pɛɛi de Abib.

Bɛ̈n 13:5

Bɛ̈nydït acï kuarkun thɔn ɣɔn, an bïï we gäm piny ë Kanaan, ku piny ë Ɣit, ku piny ë Amor, ku piny ë Ɣib, ku piny ë Jebuth. Miäk të cï en we lɛɛr piny ee wat ë ca ku miök ë kiëc, ke we loi ee dhuëëŋë, në pɛɛi tueŋ në run nyïïn ëbɛ̈n.

Bɛ̈n 6:8

Wek bä gäm piny wään cä thɔ̈n Abraɣam, kekë Yithaak, ku Jakop bï ya këde naamdun. Ee Yɛn aye Bɛ̈nydït.’

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Kuɛ̈n 10:29

Go Mothe lɛ̈k wën thuönde Ɣobap wën ë Rewel raan wun ë Midian an, “Wokï lɔ piny ɣɔn cïï Bɛ̈nydït thɔ̈n wook an bïï gäm wook. Acïï Bɛ̈nydït than nɔn bï yen Yithriɛl lɔ gäm kapiɛth kith ëtɛ̈ɛ̈n. Ka yïn, bä cathë we wook ëtök, ke yïn bï kapiɛthkë lɔ rɔm we wook.

Luɔi 7:5

Ku acïn piny cï gäm en ee tënë, piny bï nyäŋ mïthke, acakaa biäk thiin duëërë raan lïïr nɔm acïn këdäŋ: aa jɔ lueel tei an, bï gäm en bï aa këde, ku këde mïthkɛn bï lɔ̈ɔ̈k bɛ̈n ë yecök, ku aa ŋoot ke cïn nɔm meth.