Bɛ̈n 6:26 - JAM DE NHIALIC 2011

²⁶ Mothe kekë Aron kek aa yöök ë Bɛ̈nydït keek an, “Wɛ̈tkï kɔc ke Yithriɛl bei paan ë Rip.”

Bɛ̈n 6:26 ပူးပေါင်းရင်းမြစ်များ

Cäk 2:1

Ku tënhial kekë piny, aake cï jɔ thök në cäk në ka tɔ̈u thïn kedhie.

1 Lëk 6:3

Amiram ade wɛ̈ɛ̈t kaarou, Mothe ku Aron, ku nyan tök Mariam. Aron ade wɛ̈ɛ̈t kaŋuan, Nadap, Abiɣu, Eleyadhar, ku Yithamar.

Diɛt 77:20

Yïn ee kɔcku wat cït man ë tïït, ku nu Mothe kekë Aron në kenïïm.

Diɛt 99:6

Mothe kekë Aron aake ye bänykɛn ke kake Nhialic, ku Thamwɛl aa ye raan ee yen lɔ̈ŋ, ayek Bɛ̈nydït cɔɔl, ku ee lɔ̈ŋden bɛ̈ɛ̈r.

Bɛ̈n 12:17

Dɔ̈tkï Dhuëëŋ de Kuïn Cïnic Luɔu, në biäk yen kööl ë bɛ̈ɛ̈i Yɛn dhiëënkun bei paan ë Rip. Dɔ̈tkï ke we bï yɛn aa dhuëëŋ thïn në ruöön thok ëbɛ̈n.

Bɛ̈n 12:41

Ku në kööl ë thöök ë bot kaŋuan ku thiërdiäk thook, yen aa jël ë kɔc ke Bɛ̈nydït ë Rip kedhie.

Bɛ̈n 12:51

Bɛ̈nydït ë dhiëën ke Yithriɛl bɛ̈n bɛ̈ɛ̈i bei paan ë Rip kedhie.

Bɛ̈n 13:18

Go Nhialic ke tɛ̈ɛ̈k ë jɔ̈ɔ̈ric, cök kenïïm Wɛ̈ɛ̈r Thith kɔ̈u. Ku kɔc ke Yithriɛl acïk tɔɔŋken bɛ̈n kiëët ku jɔkï jäl Rip.

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 32:1

Na wën aa tïŋ kɔc en nɔn cïï Mothe lɔ gääu nhial ë kuur nɔm, ke ke guëër në Aron lɔ̈ɔ̈m, ku lëkkï yen an, “Akucku kë cï Mothe raan ɣɔn wët wo bei Rip lɔ yök, ka yïn, luöiyë wo yanh wat wook.”

Bɛ̈n 32:11

Go Mothe Bɛ̈nydït Nhialicde lɔ̈ŋ lueel an, “Bɛ̈nydït, duɛ̈ɛ̈rë piɔ̈u riääk adï wekë kɔckuön wään luäkë bei Rip në gök ë dhuëëŋ ku riɛl?

Bɛ̈n 32:7

Go Bɛ̈nydït lɛ̈k Mothe an, “Lɔ piny, kɔckuön wään wɛ̈të bei paan ë Rip acïk röt lɔ̈ɔ̈k riɔ̈ɔ̈k.

Bɛ̈n 6:13

Go Bɛ̈nydït Mothe yɔ̈ɔ̈k kekë Aron an, “Lak lɛ̈kkï kɔc ke Yithriɛl, ku lɛ̈kkï melik ë Rip nɔn cän we tooc bäk kɔc ke Yithriɛl lɔ bɛ̈ɛ̈i bei piny ë Rip.”

Bɛ̈n 6:20

Go Amiram Jɔkebed thiaak, wɛcë. Go ye dhiëth wɛ̈ɛ̈tke kaarou: Mothe kekë Aron. Ku run ke Amiram aake ye bɔt ku thiërdiäk ku dhorou.

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Maika 6:4

Wek cä bɛ̈ɛ̈i bei paan ë Rip, të wään ya wek lïïm thïn. Wek cä tuöc Mothe kekë Aron, ku Miriam bïk we bɛ̈n wat.

Kuɛ̈n 33:1

Kakë ee rin ke ɣään ɣɔn cïï kɔcke Yithriɛl piɔ̈ɔ̈t, ɣɔn jël kek piny de Rip në dhiën thook kedhie, ke ke wɛt ë Mothe kekë Aron,

Jocua 24:5

Na ɣɔn, ke tuöc keek Mothe kekë Aron, ku luöi Rip këtuc. Ku bɛ̈ɛ̈i Yithriɛl bei.

1 Tham 12:6

Ku lɔ Thamwɛl ke jam an, ee Bɛ̈nydït Yen ë lɔc Mothe ku Aron ku bïï kuarkun bei ë Rip.

1 Tham 12:8

Ɣɔn cï Jakop kekë dhiënde lɔ Rip, ago kɔc ke Rip ke yɔŋ, kuarkun acïk bɛ̈n dhiau ku lëkkï Bɛ̈nydït bï keek kony, ago Mothe kekë Aron tuöc keek, ago keek tɔ jël ë Rip, ku jɔ keek tɔ rɛ̈ɛ̈r piny tɔ̈u kek ënɔɔnë.