Bɛ̈n 5:22 - JAM DE NHIALIC 2011

²² Ago Mothe yenɔm bɛ puɔ̈k Bɛ̈nydït, ku lëk En an, “Bɛ̈nydït, eeŋö looi Yïn kɔcku arac? Ka eeŋö tuuc Yïn ɛn eenë?

Bɛ̈n 5:22 ပူးပေါင်းရင်းမြစ်များ

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

1 Mel 19:4

Ku le roor guöpde ciɛth ë akööl tök, le ku nyuuc ë tim thar, ku jɔ rɔt läm thuɔɔu lueel an, “Ë loi, ënɔɔnë, Bɛ̈nydït, nyaaiyë wëikï yɛn cïï kuarkuɔ wär!”

Diɛt 73:25

Eeŋö däŋ pei nu tëde yɛn paannhial, cie Yïn? Ku acïn këdäŋ pei duɛ̈ɛ̈r bɛ kɔɔr në pinynɔm, të cïn Yïn.

Bɛ̈n 17:4

Go Mothe Bɛ̈nydït lɔ̈ŋ në piɔ̈n tök lueel an, “Eeŋö bä jɔ luöi ee kɔckë Bɛ̈nydït? Akɔɔrkï bïk ɛn biɔ̈ɔ̈k në kur.”

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Jeremia 20:7

Bɛ̈nydït Yïn cï yɛn math, ku yɛn cï math. Yïn ril awär yɛn, ku yïn cï ya tiaam. Ku raan ëbɛ̈n ee ya dɔl guöp, ayek ya bui guöp akööliic ëbɛ̈n.

Jeremia 4:10

Ku ja lueel an, “Bɛ̈nydït Awärjäŋ Yïn cï kɔc ke Jeruthalem math taitai, acï lueel an, abïk dɛk mät ku ee abätäu yen atɔ̈u në keröt.”

Ɣabakuk 2:3

Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Kuɛ̈n 11:11

Go Mothe Bɛ̈nydït luɔp an, “Eeŋö looi yïn Ɛn arac aya, Bɛ̈nydït? Eeŋö cä wäc yïn, ke tɛ̈ɛ̈u yïn nuan de ee kɔckë ëbɛ̈n në yayeth?

Jocua 7:7

Ku lëk ë Jocua Bɛ̈nydït an, “Bɛ̈nydït Nhialic, ka eeŋö tɔ Yïn wo tem wɛ̈ɛ̈r de Jordan? Ku bä wo bɛ̈n tääu në kɔc ke Amor cin, bïk wo bɛ̈n riɔ̈ɔ̈k? Eeŋö cïn wo tɔ rɛ̈ɛ̈r në Jordan kɔ̈u lɔŋ të lɔ aköl amiäk?

1 Tham 30:6

Go Debid nuan aläl, në biäk cïï kɔcke piɔ̈ɔ̈th kɛc ku luelkï an bïk Debid biɔ̈ɔ̈k në kur ë këde mïthken ku diäärken ku duetken, ku Bɛ̈nydït Nhialic acï Debid bɛ̈n riit piɔ̈u.