Bɛ̈n 5:21 - JAM DE NHIALIC 2011

²¹ Agokï lɛ̈k Mothe kekë Aron an, “Bɛ̈nydït ë kë cäk looi tïŋ, ku abï we luöi këtuc, në luɔi cä wek melik tɔ man wook kekë bänyke. Acäk keek gäm kueer bï kek wo nɔ̈k.”

Bɛ̈n 5:21 ပူးပေါင်းရင်းမြစ်များ

Cäk 16:5

Ago Tharai lɛ̈k Abram an, “Kë yɔŋë Ɣajer ɛn acath ke yïn. Ee yɛn ë gëmë yïn, yɛn guöpdï. Ku nɔn ë yök en rɔt ke liac, ke cak luɔi yen awoi ke biɔn a guöp. Bɛ̈nydït Yen abï raan de nɔm yic tïŋ në woyiic, nɔn ee yïn ku nɔn ee yɛn.”

Cäk 31:53

Ku Nhialic de Abraɣam kekë Naɣor, ku Nhialic de wunden Yen abï yic aa tïŋ në kaamda.” Ago Jakop kuëëŋ në rin ke Nhialic ye Yithaak wun lɔ̈ŋ, nɔn bï yen ë thönë döt.

Cäk 34:30

Ago Jakop lɛ̈k Thimion kekë Lebi an, “Wek ë ya yiɛ̈n guöp wël. Wek ë rinkï riɔ̈ɔ̈k tëde kɔc de piny, kɔc ke Kanaan ku kɔc ke Peridh. Tiɛ̈ŋkï, wok lik. Na lek keyiic määt, ku yïnkï wo tɔŋ. Cïkï ya bï riɔ̈ɔ̈r nyin wokë baaidï ëbɛ̈n?”

2 Tham 10:6

Go kɔc ke Ammon ŋic nɔn cïï kek Debid tɔ ye raan de aterden, agokï aguum kathiërrou de rem ë tɔŋ ë Thiriya tɔ̈u ë Bethreɣop riɔp, ku aguum kathiëër ku rou në Tɔp, ku lɔ melik de Maaka kekë agum töŋ de kɔc.

1 Lëk 19:6

Ago melik Ɣanun ku kɔc ke Ammon jɔ ŋic nɔn cï kek Debid tɔ ee raan de aterden, gokï aguum kathiërdiäk ku ŋuan 34,000 de kilɔɔ ke atek gam, riɔp kek abëël ke tɔŋ, ku kɔc ee jöŋgöör kuaath, në Methopotamia, ku tëde piiny ke Athiriya yï: Maaka, ku Dhoba.

Bɛ̈n 14:11

Gokï lɛ̈k Mothe an, “Cïn rɛ̈ŋ ë nu Rip? Nɔn jɔ yïn wook bɛ̈ɛ̈i buk bɛ̈n thou ë jɔ̈ɔ̈ric eenë? Tïŋ kë cï looi da, në luɔi cïn wo bɛ̈ɛ̈i bei Rip!

Bɛ̈n 15:24

Na wën, ke kɔc ë dok në Mothe, ku lopkï an, “Eeŋö buk dek?”

Bɛ̈n 16:2

Na wën, ke akutnɔm de kɔc ke Yithriɛl ë ke dok në Mothe kekë Aron në jɔ̈ɔ̈ric ëtɛ̈ɛ̈n.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Bɛ̈n 5:20

Na wën aa bïk bei tëde melik, ke ke yök Mothe akääc kekë Aron ke ke tiit kɔc ɣöt.

Bɛ̈n 6:9

Go Mothe jamë lɔ guiëër kɔc ke Yithriɛl, gokï jamde cuök piŋ. Në baŋ ë cï kek piɔ̈ɔ̈th riääk në yöŋ yɔŋë keek.

Wɛ̈ɛ̈t 10:1

Pialëpiɔ̈u thiinakäŋ aduëër pɛlënɔm kekë dhuëëŋ tiaam, cït man ye luaŋ cï thou acidhanh de miök tum tɔ ŋuäc.

Yith 30:6

Kënë ee jam bɔ̈ tëde Nhialic në biäkde läi ke piny de wöuwic an, “Tuuc yak tooc, ayek cath piny ë riɔ̈ɔ̈c de yic kɔ̈ɔ̈r ku karɛc de thook wurïï ayï ŋuäl ee päär. Ayek mulken ku thɔ̈rɔ̈ɔ̈lken thiɔ̈ɔ̈ŋ kɔ̈ɔ̈th në kajuëc ke miɔ̈c le gäm jur cïï keek ee kony.

Jowɛl 2:20

Ku rem de tɔŋ de kɔyɔm wään bɔ̈ të lɔ rut, abä cuɔp wei tëmec ke week, yɛn bï kɔ̈k ɣɛɛt në jɔ̈ɔ̈ric tëril. Abïk nïïm lɔ gut në Wɛ̈ɛ̈r de Amilɔ kɔ̈u baŋ të lɔ aköl amiäk, Ku ka thïk kecök ciëën, abïk ɣet në wɛ̈ɛ̈r tɔ̈u të lɔ aköl athɛ̈i. Aŋuäc de gupken abï dït. Abä ke riɔ̈ɔ̈k në baŋ de kajuëc cïk luöi week.

Kuɛ̈n 14:22

acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam.

Kuɛ̈n 14:3

Eeŋö leer ë Bɛ̈nydït wook ee pinyë? Wok bï lɔ nɔ̈k tɔŋ, ku diëërkuɔ, ayï mïthkuɔ abï keek peec. Cïï ŋuɛn pukku röt Rip?

1 Tham 13:4

Kɔc ke Yithriɛl acï keek yɔ̈ɔ̈k kedhie nɔn cï Thaulo bɛ̈ny ë tɔŋ ë Pilithiin nɔ̈k, ka cïï kɔc ke Pilithiin maan guöp. Go kɔc kedhie cɔ̈t ë Thaulo gam, ku mɛt nɔn bïï kek bɛ̈n rɔ̈m në Gilgal.

1 Tham 27:12

Ku Acic aa ŋäth Debid aläl ku aa luel ë yepiɔ̈u an, “Acïï kɔckɛn ke Yithriɛl kuöc maan aläl, ka yen abï yɛn jɔ aa luööi në pïïrde yic ëbɛ̈n.”