Bɛ̈n 40:38 - JAM DE NHIALIC 2011

³⁸ Ku baai de Yithriɛl aaye luät woi në Paany nɔm aköl, ku tïŋkï mac adɛ̈p në yenɔm wakɔ̈u në aköölkɛn wään ciɛth kek roor kedhie.

Bɛ̈n 40:38 ပူးပေါင်းရင်းမြစ်များ

2 Tham 7:6

Gɔl ɣɔn thɛɛr bɛ̈ɛ̈i yɛn Yithriɛl bei në Rip agut cï ënɔɔnë Yɛn kën kɔn rëër ë Luaŋdïtic, Yɛn aaye lɔ tɛ̈ɛ̈n ku tɛ̈ɛ̈n ke ya rɛ̈ɛ̈r në paany yic.

Diɛt 105:39

Nhialic ë luät tääu ë kenïïm, ku tɔ mac tɔ dɛ̈p wakɔ̈u bï keek meer.

Diɛt 78:14

Të ye piny aköl aye keek caath në luät, ku në wɛ̈ɛ̈riic ëbɛ̈n aye keek caath në ɣɛɛr de mac.

Bɛ̈n 13:21

Aköl, Bɛ̈nydït aaye cath ë kenïïm tueŋ, në mën de piööl ë luätic nyuth ke kueer. Na wakɔ̈u, ke cath ë kenïïm tueŋ në mën de biöl ë macic riɛɛu keek. Gokï aa cath aköl ku wakɔ̈u.

Bɛ̈n 13:22

Mën de piööl ë luät aaye cool në kenïïm tueŋ, na wakɔ̈u ke mën de biöl ë mac ë ruu në kenïïm.

Kuɛ̈n 10:34

Ku të ë ye kek kuëëth ëbɛ̈n, luän ë Bɛ̈nydït aaye nu në kenïïm nhial aköl ëbɛ̈n.

Kuɛ̈n 9:12

Ku ë cïn këcam tɔ nin abï ruöu, ku ë cïn yuɔɔm dhoŋ kɔ̈u. Ë ke kuany lööŋ ke winythok cök apiɛth kedhie abï ciën tök.

Kuɛ̈n 9:15

Paany de mät acïï luät bɛ̈n paat piny, në kööl man ë yïkë yen thïn. Na ɣɔn thëën, ke luät ë riau cït man ë mac abï piny ruu.

Kuɛ̈n 9:16

Ku ë rɔt bɛ̈n cuuth aya në aköölkë yiic kedhie ke ye luät paat piny aköl, na wakɔ̈u ke riau cït man ë mac.