Bɛ̈n 40:15 - JAM DE NHIALIC 2011

¹⁵ Ku tɔc keek cït man cïn wuönden tɔc, ke ke bï Ya luööi ke ke ye bäny ke kake Nhialic. Ku yen ee tönyë, abï keek tɔ ye bäny ke kake Nhialic ë caaŋden.”

Bɛ̈n 40:15 ပူးပေါင်းရင်းမြစ်များ

Diɛt 110:4

Bɛ̈nydït acï gutguut looi ku acïï Yenɔm duëër kɔn waar. Acï lueel an, “Yïn ee bɛ̈ny de kake Nhialic aɣet thɛɛr, bɛ̈ny de kake Nhialic cït Melkidhedek.

Bɛ̈n 12:14

Ku köölë, abäk döt ke ye kööl ë dhuëëŋ ë Bɛ̈nydït. Dɔ̈tkï ku yak dhuëëŋ thïn ë run ëbɛ̈n.

Bɛ̈n 28:41

Ku tääuwë lupɔɔkë në Aron kɔ̈u, wänmuuth kekë wɛ̈ɛ̈tke. Ku tɔ ke ee bäny ke kake Nhialic. Ku tɔc kenïïm ë miök de olip ku gämë keek luɔi, ke ke bï Ya luööi ke ke ye bäny ke kake Nhialic.

Bɛ̈n 29:9

Ku dut keyiic në lupɔɔ ke duöt ë yic. Ku yiëkë kenïïm atɛ̈ɛ̈ny. Yen luɔi bïï yïn keek tɔ ye bäny ke kake Nhialic ka. Ku luɔi de kake Nhialic abï jɔ aa këden ë caaŋden.

Bɛ̈n 30:31

Ku lɛ̈kë kɔc ke Yithriɛl an, “Yen miök bï jɔ aa miökdiën de tɔc ɣeric ka në rɛmiic ëbɛ̈n.

Bɛ̈n 30:33

Ku raan ëbɛ̈n, raan lɔ miök cït ee miökë looi, ku le yen tɔc ke cie bɛ̈ny de kake Nhialic. Yen ee raanë abï tɛɛm wei në kɔckï yiic.”

Bɛ̈n 40:14

Ku bɛ̈ɛ̈iyë wɛ̈ɛ̈tke ayadäŋ, ku yiëkë kekɔ̈ɔ̈th aluluut.

Bɛ̈n 40:16

Go Mothe käŋ looi kedhie cït man cïï Bɛ̈nydït e lɛ̈k en.

Dhek 4:14

Go lueel an, Kakë ee kɔc kaarou cï Bɛ̈nydït lɔc bïk en aa luööi në pinynɔm ëbɛ̈n.

Kuɛ̈n 25:13

Yen kekë mïthke kedhie abïk aa bäny ke kake Nhialic ananden. Në biäk cï yen kɔc ke Yithriɛl teem gup në jai cï yen jai nɔn lɛm ë kɔc yanh däŋ pei të cïn Ɛn.

Ɣeberuu 7:3

Acïn kë cï gɔ̈ɔ̈r në biäk de göl ë Melkidhedek, wun ayï man ayï kuarken. Acïn raan ŋic ruöön ë thou en ayï të ë dhiëëthë ye, yen acït Wën ë Nhialic, në luɔi cï ye tɔ ye bɛ̈ny ë kake Nhialic aɣet athɛɛr.

Ɣeberuu 7:7

Ku ënɔɔnë acïn raan bï ye bɛ jɔ̈ɔ̈ny luɔi ye raan dït raan koor thieei.