Bɛ̈n 35:5 - JAM DE NHIALIC 2011

⁵ Gämkï Bɛ̈nydït miɔ̈c. Ku raan ëbɛ̈n, raan kɔɔr bï Bɛ̈nydït gäm miɔ̈c, ke bïï miɔ̈c adhääp, ku ateek ku maläŋ.

Bɛ̈n 35:5 ပူးပေါင်းရင်းမြစ်များ

2 Mel 12:4

Go Jowac bäny ke kake Nhialic yɔ̈ɔ̈k an, bïk wëu kueet, ayï ka ke miɔ̈c ɣeriic ye bɛ̈ɛ̈i Luaŋdït, ayï miɔ̈c de aköölnyïïn, ku miɔ̈c de miɛtëpiɔ̈u cï bɛ̈ɛ̈i.

2 Lëk 29:31

Go Ɣedhekia kɔc yɔ̈ɔ̈k an, “Ënɔɔnë wek cï gup lɔgɔk, yiɛ̈nkï Bɛ̈nydït miɔ̈c de alɛɛc.” Gokï kë lueel melik looi, ago amatnɔm ɣɔ̈k bɛ̈ɛ̈i, bï ke gam ke ye miɔ̈c ye nyop ëbɛ̈n.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Bɛ̈n 25:1

Go Bɛ̈nydït lɛ̈k Mothe an,

Bɛ̈n 35:21

Ku ëtɛ̈ɛ̈n, raan ëbɛ̈n, raan de piɔ̈u miɔ̈c ë Bɛ̈nydït bɛ̈n yiɛ̈n miɔ̈c de miɛtëpiɔ̈u looiyë paany de mät. Agokï këriëëc aa bɛ̈ɛ̈i ëbɛ̈n, këriëëc kɔɔr rɔt në biäk de läm, ayï biäk de lupɔɔ ɣeriic ke bäny ke kake Nhialic.

Bɛ̈n 35:29

Kɔc ke Yithriɛl de piɔ̈ɔ̈th miɔ̈c kedhie, diäär ku röör acïk miɔ̈c de miɛtëpiɔ̈u bɛ̈n yiɛ̈n Bɛ̈nydït, looiyë ke luɔi cï lɛ̈k Mothe.

Bɛ̈n 35:4

Go Mothe lɛ̈k akutnɔm de kɔc ke Yithriɛl kedhie an, “Kë cïï Bɛ̈nydït lɛ̈k week kï:

Bɛ̈n 35:6

Ku linɔn lɔ mot, ku lupɔ aräu, ku lupɔ amujuŋ, ku lupɔ thith, ku lupɔ cï cuëëc në nhïm ke bɔɔth,

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.

Bäny 5:9

Piɔ̈ndï atɔ̈u kekë bäny ke tɔŋ de kɔc ke Yithriɛl, kɔc ë röt gam në miɛtëpiɔ̈u, Yak Bɛ̈nydït thieei!