Bɛ̈n 34:6 - JAM DE NHIALIC 2011

⁶ Na wën, ke Bɛ̈nydït tëk ë yenɔm tueŋ, ku lueel an, “Ee Yɛn Bɛ̈nydït Nhialic de kok ë piɔ̈u ku dhuëëŋ, Nhialic cie dap gɔ̈th, ku ye Nhialic adöt, Nhialic ee nhiëër agɔk nyuɔɔth.

Bɛ̈n 34:6 ပူးပေါင်းရင်းမြစ်များ

Cäk 24:27

lueel an, “Athiɛɛi ë tɔ̈u kekë Bɛ̈nydït, Nhialic de bɛ̈nydiën Abraɣam, raan kën nɔm määr në nhiëërdɛn agɔk. Ku kën nɔm määr në thöndɛn cï thɔ̈n bɛ̈nydï. Bɛ̈nydït ë ya caath ëgɔk, bïï ɛn baai de yï bɛ̈nydiën Abraɣam.”

2 Tham 24:14

Go Debid lɛ̈k Gad an, “Yɛn tɔ̈u në riäŋdït yic! Ku acä kɔɔr bï mɛnh ë raan ya luöi këtuc. Tɔ Bɛ̈nydït lui wo këtuc guöpde, në biäk ee Bɛ̈nydït piɔ̈u kok.”

1 Mel 19:11

Go ë Bɛ̈nydït lɛ̈k en, an, “Lɔɔ, ku kääcë ë kuur nɔm ë Bɛ̈nydït nɔm.” Go Bɛ̈nydït tëëk, go yom dïït ril ago kur ɣääriic ku dhoŋ kur kor ë Bɛ̈nydït nɔm, ku Bɛ̈nydït acïï nu ë yomic: na wën, aacï yom wan, ke piny nieŋ rɔt, ku Bɛ̈nydït ë cïï nu të nieeŋ piny ë rɔt.

1 Mel 8:30

Ku piŋ pal ë raanduön ee Yï luööi, ku pal ë kɔckuön ke Yithriɛl, kööl bïï kek aa pal ee tënë. Ye piŋ paannhial paan ee Yïn rëër thïn, ku të cïï Yïn en piŋ, Ye kɔcku päl karɛcken.

2 Lëk 30:9

Na wɛ̈lkï wepiɔ̈ɔ̈th Bɛ̈nydït, ke kɔc wään cï mïthëkɔckun peec ke ke mac abïk piɔ̈ɔ̈th kok në keek, ku lonykï keek bïk bɛ̈n ciëën baai. Ku Bɛ̈nydït Nhialicdun adik ku ade kokëpiɔ̈u, na lak röt pɔ̈k en, ka abï week gam.”

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Diɛt 108:4

Nhiëërduön agɔk ee ɣet paannhial ya, ku piɔ̈nduön adöt ee luäät jak.

Diɛt 111:4

Bɛ̈nydït acïï wook ee tɔ mär nïïm në ka gɛ̈iyë cï ke looi, Yen adhuɛ̈ŋ ku ee piɔ̈u kok.

Diɛt 111:8

Ayek ceŋ aɣet thɛɛr wadäŋ, aake looi keek në piathëpiɔ̈u ku piɔ̈n awai.

Diɛt 112:4

Ɣɛɛr ee riau në mɔ̈ɔ̈thic në biäk de kɔc lɔ piɔ̈ɔ̈th wai, ku kɔc ee miööc, ku kɔc kok piɔ̈ɔ̈th, ku kɔc piɛthpiɔ̈ɔ̈th.

Diɛt 116:5

Bɛ̈nydït ee piɔ̈u kok ku apiɛth, Nhialicda ee piɔ̈u kok.

Diɛt 138:2

Yɛn bï yanɔm wɛl luaŋduön ɣeric, ku guöt yanɔm piny ku lɛɛc rinku në biäk de nhiëërduön agɔk ku piɔ̈nduön adöt, në biäk cï yïn rinku ku lööŋku nyuɔɔth nɔn nu kek ë käŋ nïïm ëbɛ̈n.

Diɛt 145:8

Bɛ̈nydït ee nhiëër ku ee piɔ̈u kok, acie dap gɔ̈th ku nhiëërdɛn agɔk adït.

Diɛt 146:6

Aciëŋ ë cak paannhial kekë piny ayï wɛ̈ɛ̈r, ku ka täu thïn kedhie. Ee këdɛn cï lueel döt ë ceŋ,

Diɛt 31:19

Piathdu adït, piathduön cï täu kɔc ee yïn riëëu! Ku cï gäm kɔc ee yïn ŋɔ̈ɔ̈th, ke bïï kɔc aa tïŋ.

Diɛt 57:10

Nhiëërduön agɔk adït, aɣet paannhial, ku piɔ̈nduön adöt aɣet ë luäätiic.

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Diɛt 91:4

Abï yï kum ë Yewuök, ku abï yï muk në Yeciin, piathëpiɔ̈nde ee köt ku abï yïn kony.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 22:27

Ee yen ee lupɔ töŋ yen kum ka, bï jɔ bɛ kum në ŋö de? Të le yen Ya cɔɔl, abä piŋ thok në luɔi Yan piɔ̈u kok.

Bɛ̈n 33:19

Go Bɛ̈nydït puk nɔm an, “Piathdï ëbɛ̈n abä tɔ tëk ë yïnɔm, ku rinkï abä ke lueel në yïnɔm, rin ɣeriic. Ee Yɛn Bɛ̈nydït, Yɛn ee kɔc cä lɔc nyuöth kok de Yapiɔ̈u, ayï dhuëëŋdï.

Kɛ̈ŋ 3:3

Du piɔ̈n adöt päl kekë yic. Duöötë keek në yïyeth, ku muk keek në yïpiɔ̈u.

Wɛ̈ɛ̈t 8:11

Eeŋö ye kɔc karɛc dap looi? Ee biäk cïï kɔc ë karɛc looi ee dap luöi këtuc aruööthic.

Yith 12:4

Ade kööl bɔ̈, kööl bïï röördït ket an, “Gɛ̈mkï Bɛ̈nydït lɛc! Calkï bï we kony! Lɛ̈kkï juöör kë cï looi ëbɛ̈n! Lɛ̈kkï luɔi dïït En!

Yith 65:16

Raan ëbɛ̈n tɔ̈u ee pinyë raan kɔɔr athiɛɛi, abï aa thieei, në Nhialic Adöt. Raan ee gutguut lueel, ee kuëëŋ në rin ke Nhialic yic. Agööth thɛɛr, abïk lɔ ku märkï kɔc nïïm.”

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Dhiëëu 3:23

Apiɛth cï miäk rial, ku atiëc ë gɔk cï bɛ̈n de akɔ̈l thok.

Jowɛl 2:13

Takï piɔ̈ɔ̈thkuön cï dhuɔɔŋ nyooth dhiën ë piɔ̈u, Rɛ̈t ya wek lupɔɔ rɛt yiic acïï käŋ bï thöl. Puɔ̈kkï röt Bɛ̈nydït Nhialicdun. Në luɔi Yen adhuɛ̈ŋ ee piɔ̈u kok. Acie dap gɔ̈th, ku ee nhiëër agɔk nyuɔɔth, ee kɔc dap päl karɛc ku cïï kɔc lui këtuc.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Naɣum 1:3

Bɛ̈nydït acie dap gɔ̈th ku aril arëët. Ku acïï kɔc de gup gääk bï pɔ̈l ke ke kën luöi këtuc. Ee cath kekë amaŋ, ku yom de kɔɔr. Ku luät kek aye tɔr de Yen cök!

Kuɛ̈n 12:8

Të jiɛɛm wok, wok ee wothook tuööm, ku jamku në ka yökiic, acie kën muɔɔny, ka acï tɔ̈u de Bɛ̈nydït tïŋ. Ka eeŋö tɔ week jiëëm awundiën Mothe guöp ke wek cïï gup riɔ̈c?

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Nyöŋ 32:3

Yɛn bï rin ke Bɛ̈nydït aa cɔɔl, pianykï luɔidït ë Nhialicda.

Nyöŋ 4:31

Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.

Nyöŋ 5:10

Ku Yɛn ee nhiëër agɔk nyuöth aguum ke rɛm de kɔc nhiaar Yɛn ku yek lööŋkï gam.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.