Bɛ̈n 34:15 - JAM DE NHIALIC 2011

¹⁵ Duökï mät loi në kɔc de pinyë, ke ke cïï week bï cɔɔl në kööl lɛm kek yiëth, ayï kööl miɔɔc kek yiëth. Ke we cïï röt bï mat thïn, ku bäk piɔ̈ɔ̈th dɛ cäm de kacaam cïk näk yiëth.

Bɛ̈n 34:15 ပူးပေါင်းရင်းမြစ်များ

1 Lëk 5:25

Na wën ke kɔc ë ke lui awäc Nhialic de kuarken, ku reeckï, ku lamkï yiëth ke kɔc ɣɔn bï ë Nhialic ke cuɔp wei pinyden ë kenïïm.

Edhr 6:9

Ku lɔ kë kɔɔr rɔt ëbɛ̈n, miöör, ku nɔn ee amɛ̈l, ku nɔn ee nyök amɛ̈l kor ke ye miɔ̈c ye nyop ëbɛ̈n tëde Nhialic de paannhial, agamɔ cï ɣep, ku awai, ku mɔ̈u, ku miök, ku yak looi cït man cïï bäny ke kake Nhialic nu Jeruthalem e lueel bï keek dhil aa gam në aköölnyïïn kedhie ke cïn päk.

Edhr 9:12

Duökï röt bï ya thiëk në ee juöörkë ku cäkï ciɛɛŋden dɔmic, ku duökï kajuëcken kɔɔr taitai, ke we bï riɛl ku bäk kapiɛth ke ee pinyë cam ku bï mïthkun piny lɔ̈ɔ̈k lak aɣet athɛɛr.

Diɛt 106:28

Na ɣɔn në Baal de Peyor, go kɔc ke Nhialic mɛt ë läm de Baal yic, ku camkï miɔ̈c cï gäm yiëth cï thou.

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Bɛ̈n 22:19

“Raan ëbɛ̈n raan cï läi niɛɛn ke näk.

Bɛ̈n 22:20

“Ku raan ëbɛ̈n raan ee yiëth kɔ̈k pei miɔɔc ke cie Bɛ̈nydït, abï riɔ̈ɔ̈r nyin taitai.

Bɛ̈n 23:32

Duökï de män matkï në keek, ayï yiëthken.

Bɛ̈n 32:8

Acïk kueer wään lɛ̈k keek puɔ̈l. Acïk röt lɔ̈ɔ̈k luöi dan adhääp, ku gëmkï miɔ̈c, ku lamkï. Ayek lueel an ee yen nhialicdɛn wään wët keek bei Rip ka.

Bɛ̈n 34:10

Go Bɛ̈nydït lɛ̈k Mothe an, “Ku ënɔɔnë, Yɛn mac löŋ wokë kɔc ke Yithriɛl. Yɛn bï göök gɛ̈ɛ̈iyë ke looi në kenyïïn, göök kënë ke kɔn looi në piny nɔm ëbɛ̈n ayï jurdäŋic ë caŋ thɛɛr. Ke bï kɔc jɔ tïŋ luɔi duëër ë Bɛ̈nydït göök gɛ̈ɛ̈iyë ke looi.

Bɛ̈n 34:12

Tiɛtkï röt, duökï mät loi në kɔc ke piny la wek thïn. Ke ke cïï week bï deep.

Jeremia 3:9

ku yen aa cïn guöp ayäär. Acï piny dhiöök, në kë yen kur ku tiim lam.

Ɣodh 4:12

Ka ayek luny de tim ril yɔ̈ɔ̈k an nyuth keek nyuuth! Ku lëkkï thieec an guïïr keek kë kɔɔrkï bïk ŋic! Acïk Ɛn nyääŋ piny Yɛn Nhialicden. Acïï dhööm ë kepiɔ̈ɔ̈th keek thɛl wei, ka acïkï be diɛɛr në Nhialic.

Ɣodh 9:1

Wek kɔc ke Yithriɛl, duökï dhuëëŋ loi cï juöör kën gam. Wek kën kake Nhialicdun döt, wek nhiaar ariöp de akɔɔrröör cït man ya wek en tak nɔn yen yiëth kek ee week gäm jööŋ ke rap!

Lebai 17:7

Kɔc ë ke cïï miɔ̈cden be näk yanh cɔl Bou, yanh wään cï kek röt gäm en yek lam, kënë abï aa ciɛɛŋden aɣet athɛɛr wadäŋ agut cï rɛm kɔ̈k bï lɔ̈ɔ̈k bɛ̈n.

Kuɛ̈n 15:39

Yen ee buɔnë yen abï week aa täk nïïm në lööŋkï, ku dɔ̈tkï keek. Yen acä wek Ɛn bï puɔ̈l ku luɔikï këde piɔ̈ndun.

Kuɛ̈n 25:1

Të ɣɔn cïï kɔc ke Yithriɛl piɔ̈ɔ̈t në wak de Akacia, röör acïk duet ke Mowap bɛ̈n kɔɔr.

Kuɛ̈n 25:2

Ago duet keek aa caal në miɔ̈c de yiëthkeniic. Agokï aa lɔ cam ku lamkï yiëthken.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

1 Kor 10:27

Ku na de raan cɔl week ë këde cäm, ku ye raan töŋ de kɔc kën gam, ku dɛkï piɔ̈ɔ̈th lɔ, ka cï tääu ë wenïïm jakï ke cam kedhie, ku duökï käŋ ee luɔp në biäk de jam bï raan yök ë yepiɔ̈u.

1 Kor 8:10

Ku të tïŋë raan yïn, yïn raan de ŋïnydekäŋ, ke yï nyuc ë këcam nɔm luaŋ de yath, cïï piɔ̈n ë raan kɔ̈c bï ŋeeny ago ka cï näk yiëth aa cam?

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

1 Kor 8:7

Ku ŋïny de ee kënë acïï nu tëde kɔc kedhie: kɔc kɔ̈k a riëëukï yiëth ë kepiɔ̈ɔ̈th, gokï këdäŋ aa cam aɣet cï ënɔɔnë, ku tɔkï ë ke cï nɔ̈k yath, ago piɔ̈nden rac në kɔ̈c kɔ̈ɔ̈c en jɔ dhiöök.

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

Nyöŋ 31:18

Ku ë yic ë köölë yɛn bï thiaan në keek, në biäk de karɛckɛn cïk looi ëbɛ̈n, ë gɛm cï kek röt gäm yiëth kɔ̈k.

Nyöŋ 32:37

Ku ëtɛ̈ɛ̈n Bɛ̈nydït abï kɔcke luɔp, an, nu yiëthkuön ril wään yak keek ŋɔ̈ɔ̈th tënou?

Nyöŋ 32:38

Acäk keek cääm në miök de ka yak keek nɔ̈k, ku gämkï keek mɔ̈n de miɔ̈c ye dek. Takkï keek bɔ̈ ku konykï week ënɔɔnë, tɔ ke kɔt bïk week luök.

Nyöŋ 7:2

Të le Bɛ̈nydït Nhialicdun ë kɔckë tääu në we cin ku tiamkï keek, ke abäk keek dhil nɔ̈k kedhie. Duökï määth loi në keek, ku duökï keek nyuth kokëpiɔ̈u.

Nyöŋ 7:3

Duökï thiëk ë keyiic, ku duökï mïthkun tɔ thiëk ë keyiic, ku duökï wɛ̈ɛ̈tken tɔ thiëk ë keyiic.

Jocua 23:12

Ku na lak kueer ë Bɛ̈nydït pɔ̈l, ku mätkï ee juöör lik cï döŋ ë woyiic, ku lak röt thiëk në keek,

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.

Bäny 2:17

Ku kɔc ke Yithriɛl akënkï jam de bäny ee löŋ guiir piŋ, acïk yiëth kɔ̈k kuany cök ku yek keek lam. Wärken ɣɔn aake ye lööŋ ke Bɛ̈nydït riëëu, ku remë acïï lööŋ ke Bɛ̈nydït ee riëëu.

Bäny 3:6

Ku thiakkï duetken, ku thiëk wɛ̈ɛ̈tken në duet ke Yithriɛliic, ku jɔkï yiëthken aa lam.