Bɛ̈n 34:11 - JAM DE NHIALIC 2011

¹¹ Gamkï lööŋ guiëër ke week ee köölë. Yɛn bï kɔc ke Amor ciɛɛc wei në wenïïm tueŋ, ayï kɔc ke Kanaan, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Bɛ̈n 34:11 ပူးပေါင်းရင်းမြစ်များ

1 Lëk 1:14

Kanaan aya aye kuɛɛrë de kɔc ke Jebuth, ku kɔc ke Amor, ku kɔc ke Girgac.

Neɣe 13:23

Në ee aköölkë yiic aya acï bɛ̈n yök nɔn cïï kɔc juëc ke Judai duet ke Acedɔd, ku Ammon, ku Mowap thiaak.

Bɛ̈n 23:28

Ku yɛn bï abulbuul tuɔɔc në wenïïm tueŋ, Yɛn bï kɔc ke Ɣib cuɔp wei kueer, ayï kɔc ke Kanaan, ku kɔc ke Ɣit.

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Bɛ̈n 33:2

Wek bä tuöc tunynhial bï we wat. Ku kɔc ke Kanaan abä keek cuɔp wei, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Bɛ̈n 8:27

Ka aŋuɛ̈ɛ̈n ë luɔi jël wok, nömku nïn kadiäk ë jɔ̈ɔ̈ric ke wo cath lok Bɛ̈nydït Nhialicda näk ëtɛ̈ɛ̈n, cït man cïï En e lɛ̈k wook.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Nyöŋ 12:28

Riëëukï këriëëc cä gäm week ëbɛ̈n në piɔ̈n adöt, ku käŋ kedhie abïk piath tëde week ku kuatdun aɣet athɛɛr, në biäk yen kë yic yen loi, ku ye kë mit ë Bɛ̈nydït Nhialicdun piɔ̈u.

Nyöŋ 12:32

“Luɔikï këriëëc cä lɛ̈k week ëbɛ̈n, duökï de ka bäk ŋuak thïn ku duökï de kë bäk bɛ̈ɛ̈i bei thïn.

Nyöŋ 28:1

Na wën ke lueel Mothe an, “Na lak Bɛ̈nydït Nhialicdun lɔ riëëu, ku dɔ̈tkï lööŋkɛn gäm keek week ee köölë kedhie, në piɔ̈n adöt, abï week tɔ dït arëët awär juöör kɔ̈k nu ë piny nɔm.

Nyöŋ 33:27

Nhialic Yen ee we Kony aköölnyïïn, ku ciindɛn athɛɛr yen aye we luök. Ee kɔc ke aterdun cuɔp wei të la wek tueŋ, ku yöök week an riäkkï keek kedhie.

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Nyöŋ 5:32

“Wek kɔc ke Yithriɛl, abäk dhil ŋic ë gɔk nɔn bä wek këriëëc ëbɛ̈n cïï Bɛ̈nydït Nhialicdun lɛ̈k week dhil looi.

Nyöŋ 6:25

Na lok këriëëc cïï Bɛ̈nydït thɔ̈n wook döt në piathëpiɔ̈u ku rïïuku, ke abï piɔ̈u miɛt kekë wook.

Nyöŋ 6:3

Piɛŋkï keek, wek kɔc ke Yithriɛl ku riëëukï keek, ago käŋ ëbɛ̈n piath ke week, ku wek bï aa jur ril ë tör ku rɛ̈ɛ̈rkï piny ee wat ë ca ku miök ë kiëc, cït man cïï Bɛ̈nydït Nhialic de kuarkun ye lɛ̈k wook.

Nyöŋ 7:19

Takï wenïïm në göök dït riliic wään cäk keek tïŋ ë wenyïïn kake gäi ku göök, ku riɛldït cïï Bɛ̈nydït Nhialicdun week wɛ̈ɛ̈r bei, ku në ee kueerë acï kɔcke Rip riɔ̈ɔ̈r nyïïn abï kɔc riääc wek e keek ënɔɔnë riɔ̈ɔ̈r nyïïn kedhie.

Jocua 23:5

Abïï Bɛ̈nydït Nhialicdun ke cuɔp wei në wenïïm tueŋ. Abï Bɛ̈nydït ke tuöör wei në wenïïm, ka piny abï lɔ̈ɔ̈k aa këdun cït man cï Yen ë thɔ̈n week.