Bɛ̈n 34:1 - JAM DE NHIALIC 2011

¹ Na wën, ke lëk ë Bɛ̈nydït Mothe an, “Ŋuith pɛɛm ke kur kaarou, kur cït kur wään tueŋ. Ku bɛ̈ɛ̈i yë keek bä ke bɛ̈n gäär kɔ̈ɔ̈th lööŋ wään cä kɔn gäär ë kur tueŋkë kɔ̈ɔ̈th kaarou, kur wään bä ke dhoŋ kɔ̈ɔ̈th.

Bɛ̈n 34:1 ပူးပေါင်းရင်းမြစ်များ

Diɛt 119:89

Bɛ̈nydït, jamdu abï tɔ̈u aɣet athɛɛr, ee tɔ̈u thɛɛr paannhial.

Bɛ̈n 24:12

Na wën, ke lëk ë Bɛ̈nydït Mothe an, “Bä nhial në kuur nɔm të nu Yɛn thïn. Ku të cïn bɛ̈n nhial, yïn bä bɛ̈n gäm pɛɛm ke kur kaarou, paam cän lööŋkï gäär ë kekɔ̈ɔ̈th kedhie, lööŋ bï kɔc aa nyuööth.”

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 32:16

Ee Nhialic guöpde yen ë kïït ë kurkë kaarou, ku ee yen ë gɛ̈ɛ̈r lööŋ në kekɔ̈ɔ̈th.

Bɛ̈n 32:19

Na wën ɣëët Mothe tëthiɔ̈k, ku tïŋ miɔɔr, ku tïŋ kɔc acɔ̈ŋ, ke riääk piɔ̈u arëët. Go kur wën ɣɛ̈ɛ̈c cuat piny ë kuur thar ëtɛ̈ɛ̈n, agokï kɔ̈ɔ̈th dhuɔɔŋ.

Bɛ̈n 34:28

Ago Mothe rëër ëtɛ̈ɛ̈n në cooliic kathiërŋuan, ku wɛ̈ɛ̈riic kathiërŋuan, ke cïn kë ciɛm ku cïn kë dek. Ku gɛ̈ɛ̈r lööŋ ke mät kathiëër në kur pätiic kɔ̈ɔ̈th.

Bɛ̈n 34:4

Go Mothe pɛɛm ke kur kaarou ŋuith, ku leer keek në kuur ë Thinai nɔm nhial ɣɔn amiäk, cït man cïï Bɛ̈nydït e thɔ̈n en.”

Jeremia 36:32

Aguɔ awerek däŋ nööm ku gäm Baruk raandiën ee gär, go këriëëc cä lɛ̈k en ëbɛ̈n gäär piny. Acï këriëëc ëbɛ̈n ë tɔ̈u në awerek tueŋë yic gɔ̈ɔ̈r, ku mɛt wël kɔ̈k cït ee kakë thïn, wël cä lɛ̈k yen.

Nyöŋ 4:13

Acï week lɛ̈k kë bäk dhil looi në luɔi bä wek män cï looi kekë week döt, wek bï lööŋ kathiëër dhil döt, lööŋ wään cï gɔ̈ɔ̈r në pɛɛm ke kur kaarou kɔ̈ɔ̈th.