Bɛ̈n 33:4 - JAM DE NHIALIC 2011

⁴ Na wën, aa piŋ kɔc ee jamë, ke ke dhiau piɔ̈ɔ̈th arëët, ku lonykï kegup në guëtkɛn läk ku cïkï ke be cieŋ.

Bɛ̈n 33:4 ပူးပေါင်းရင်းမြစ်များ

2 Tham 19:24

Mepiboceth, wën ë wën ë Thaulo, acï lɔ ayadäŋ le yök kekë melik Debid, ku Mepiboceth akën yecök waak, ku akën yenɔm muut, ku akën lupɔɔke waak, gɔl të wään jël ë melik në Jeruthalem aɣet wään bïï yen ciëën ke cï tiam.

1 Mel 21:27

Wën jɔ Elija thök ë jam, go Aɣap lupɔɔ ke yen kɔ̈u rɛtiic në jiɛthëpiɔ̈u, ku bïï ke biic ë yekɔ̈u ku pot rɔt në ŋeth, ku reec cäm ku tɔ̈ɔ̈c ë ŋethic, ku jiël ke cï rɔt tak në kë ë lui yë.

2 Mel 19:1

Na wën aacï melik Ɣedhekia këdɛn cïk lueel piŋ, go lupɔɔke rɛtiic në jiɛthëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït ë Bɛ̈nydït.

Edhr 9:3

Na wën aa piɛŋ ee kënë, guɔ lupɔɔkï rɛtiic ë yakɔ̈u në dhiën ë piɔ̈u, ku nyuän nhïm bei në yanɔm ku yathok, ku nyuööc piny ke ya cï ŋɛɛr ku ja thuc.

Jop 1:20

Ëtɛ̈ɛ̈n, Jop ë rɔt jɔt ku ret lupɔ de yen kɔ̈uwic, ku muut enɔm në jiɛth ë piɔ̈u ku gut enɔm piny ke lam Nhialic.

Jop 2:12

Ku të wën jɔ kek e tïŋ tëmec akënkï bɛ̈n ŋic, gokï ke röt jɔt ke ke dhiau, ku retkï lupɔɔ në kekɔ̈ɔ̈th ku yek abuui wɛɛr nhial në jiɛth ë piɔ̈u.

Bɛ̈n 33:6

Na ɣɔn aacï kɔc ke Yithriɛl jäl në Kuur ë Thinai, akënkï guëtkɛn läk bɛ̈n bɛ aa cieŋ.

Yith 32:11

Wek aa cïn kë dhäl tëde week, ku cäkkï ee diɛɛr, ku ënɔɔnë takï röt lɛthë në riɔ̈ɔ̈c! Yɔ̈ɔ̈tkï lupɔɔ bei ë wekɔ̈ɔ̈th, ku duötkï we yiic anuɛɛr.

Edhekiɛl 24:17

Du dhiëndu tɔ piŋ. Du cath ke yï ke yï kuöm nɔm ku du cath ke cin war ë yïcök ka wën nyooth dhiëëu. Du yïnyin kum ku du cäm në këcam ye kɔc dhiau cam.”

Edhekiɛl 24:23

Wek cïï bï cath ke we kuöm nïïm, ku cäkï cath ke we ceŋ war, we cïï bï dhiau ku cäkï dhuöör. Wek bï thöök wei në biäk de awɛ̈ɛ̈ckun, ku dhiaukï ke we teer wapäc.

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Lebai 10:6

Na wën ke Mothe ë yɔ̈ɔ̈k Aron kekë wɛ̈ɛ̈tke kaarou, yï Eleyadhar kekë Yithamar, an, “Duökï dhiëndun nyooth në rɛ̈t rɛt wek lupɔɔkun yiic, ku në luɔi cä wek wenïïm bï keet, na lak looi aya, we bï thou, ku Bɛ̈nydït abï gɔ̈th bɛ̈ɛ̈i në akutnɔm guöp ëbɛ̈n. Ku baai de Yithriɛl ëbɛ̈n, ayï kɔc raan në week aduëërkï dhiau aläl në biäk cïï Bɛ̈nydït Nadap kekë Abiɣu nɔ̈k në mac.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Dhek 7:3

Ku abïk bäny ke kake Nhialic de Luaŋdïït de Bɛ̈nydït de rɛm luɔp, ku lopkï tït an, “Buk ŋoot ke wo dhiëëu riääk në thɛ̈k ye wok thek në pɛɛi ye pɛ̈i dhïc cït man wään ye wok cool ë thëk ë caŋ wään?

Dhek 7:5

Lueel an, “lɛ̈kë kɔc cieŋ piny kedhie, ayï bäny ke kakë Nhialic, an nɔn ya wek thek, ku dhiaukï në pɛɛi ye pɛ̈i dhïc, ku pɛɛi ye pɛ̈i dhorou në ee runkë yiic kedhie kathiërdhorou, ë we ye thek në këdï?

Kuɛ̈n 14:1

Ago akutnɔm de kɔc ruu ke ke kïïu në dhiën ë jiɛthëpiɔ̈u në wɛ̈ɛ̈ric ëbɛ̈n abï piny ruu.

Kuɛ̈n 14:39

Na wën, aa lëk ë Mothe kɔc ke Yithriɛl kedhie ke cïï Bɛ̈nydït lueel, ke ke dhiau piɔ̈ɔ̈th arëët.

1 Tham 6:19

Ku Bɛ̈nydït aacï kɔc kathiërdhorou bɛ nɔ̈k në kɔc ke Beth Cemec yiic, në luɔi cï kek Athänduŋ de Bɛ̈nydït luiitic. Ago kɔc piɔ̈ɔ̈th dhiau arëët në luɔi cïï Bɛ̈nydït kɔc juëc nɔ̈k në keyiic.