Bɛ̈n 32:7 - JAM DE NHIALIC 2011

⁷ Go Bɛ̈nydït lɛ̈k Mothe an, “Lɔ piny, kɔckuön wään wɛ̈të bei paan ë Rip acïk röt lɔ̈ɔ̈k riɔ̈ɔ̈k.

Bɛ̈n 32:7 ပူးပေါင်းရင်းမြစ်များ

2 Lëk 27:2

Acï këpiɛth looi në Bɛ̈nydït nɔm, ka cït ka wään ye Yudhia wun ke looi, ku acïï cït wun akën kërac looi në nyum de wal ŋïr, ku akën yiëth lam ë Luaŋdïtic. Ku kɔc aake ŋoot ke ke loi karɛc.

Diɛt 78:36

Ku wëlken aake ye tör kedhie, acïn töŋ cïk lueel ke ye yic.

Bɛ̈n 19:24

Go Bɛ̈nydït puk nɔm an, “Lɔ piny, ku lɔ bä wekë Aron. Ku bäny dït ke kake Nhialic ë ke cïï akeu lïr nɔm ke ke bɔ̈ të nu Yɛnë. Na lek akeu lïïr nɔm, abä ke luöi këtuc.

Bɛ̈n 32:1

Na wën aa tïŋ kɔc en nɔn cïï Mothe lɔ gääu nhial ë kuur nɔm, ke ke guëër në Aron lɔ̈ɔ̈m, ku lëkkï yen an, “Akucku kë cï Mothe raan ɣɔn wët wo bei Rip lɔ yök, ka yïn, luöiyë wo yanh wat wook.”

Bɛ̈n 32:11

Go Mothe Bɛ̈nydït Nhialicde lɔ̈ŋ lueel an, “Bɛ̈nydït, duɛ̈ɛ̈rë piɔ̈u riääk adï wekë kɔckuön wään luäkë bei Rip në gök ë dhuëëŋ ku riɛl?

Bɛ̈n 32:4

Na wën, ke ke nööm Aron keek, ku lëëŋ ke, ku luuŋ adhäm cï lɛ̈ɛ̈ŋ në këde cuɛ̈cic, ku cuëëc en dan adhääp.” Na wën, ke lueel ë kɔc an, “Yithriɛl, Nhialicduön wään bïï we bei paan ë Rip kï!”

Bɛ̈n 33:1

Na ɣɔn, ke lëk ë Bɛ̈nydït Mothe an, “Jël ë në wekë kɔc wään bɛ̈ɛ̈iyë ke bei Rip. Lak piny ɣɔn cä thɔ̈n Abraɣam kekë Yithaak, ku Jakop, ayï mïthkɛn bï lɔ̈ɔ̈k tɔ̈u në kecök.

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Ɣodh 9:9

Acïk cur arëët në luɔi de karɛc yiic, cït man ɣɔn kɔn kek cur në akööl ke Gibia. Nhialic acïï nɔm bï määr në karɛcken. Abï keek luöi këtuc në biäk de awɛ̈ɛ̈cken.

Nyöŋ 31:29

Në baŋ ŋiɛc ɛn en miäk të cän thou wek bï riääk aläl, ku pɔ̈kkï röt wei në lööŋ cä lɛ̈k week, në ee nïn bɔ̈yë, riääk abï we lɔ̈ny në biäk bä wek karɛc looi ë Bɛ̈nydït nyin, ku takï rac piɔ̈u në ka looi cinkun.

Nyöŋ 32:5

Ku wek cie kɔc adööt, ku wek cïï rɔ̈ŋ në luɔi duëër wek aa kɔcke, kɔc ee karɛc looi ku yek jur ruëëny.

Nyöŋ 4:16

aguɔkï kërac cïï bï looi, në luöi bä wek röt luöi yiëth de gup cït gup ke röör ayï diäär,

Nyöŋ 9:12

“Na wën, ke Bɛ̈nydït ë yɔ̈ɔ̈k en, an, ‘lɔɔr piny raan tök ë kuur nɔm, kɔckuön wään bɛ̈ɛ̈iyë bei ë Rip, acïk riääk ku aloikï kërac. Acïk röt yal wei në këdiën cä lɛ̈k keek an bïk looi, ku acïk röt luöi yanh däŋ.’

Nyöŋ 9:8

Ayï ɣɔn ë kuur ë Thinai nɔm, wek cïï Bɛ̈nydït tɔ göth, në agönh rɔ̈ŋ ke luöi duëër En we riɔ̈ɔ̈r nyïïn.

Bäny 2:19

Ku të cï bɛ̈ny ee löŋ guiir thou, kɔc ayek röt pɔ̈k ciëën ku loikï karɛc wär ka wään looi ë wärken, ayek yiëth kɔ̈k lam, ayek keek lam ku gutkï kenïïm piny në kenïïm, ku reeckï kuɛɛr ke karɛckɛn yek looi pɔ̈l.