Bɛ̈n 32:6 - JAM DE NHIALIC 2011

⁶ Na ɣɔn amiäk aduduur, ke ke bïï miɔ̈c ye nyop ëbɛ̈n, ayï miɔ̈c bï gam ke ye miɔ̈c de mät. Ku jɔ kɔc nyuc piny ciëmkï ku dëkkï. Na wën, ke ke jɔt röt cöŋkï.

Bɛ̈n 32:6 ပူးပေါင်းရင်းမြစ်များ

Bɛ̈n 32:5

Na wën, ke Aron ë yïk yïk në dan de adhääp nɔm tueŋ, ku ciɛɛl an, “Dhuëëŋ dït abï nu miäk aköl, dhuëëŋ bï Bɛ̈nydït dhuëëŋ guöp.

Amoth 2:8

Ku të ye kek lɔ tɔ̈c në yïk kɔ̈ɔ̈th, ŋɛk ee rɔt thiëth lupɔɔ ë peec tëde kɔc kuanynyïïn, lupɔɔ ke kɔc känykï. Ku dëkkï në mɔ̈u ɣön ë Nhialicden, mɔ̈n ë nömkï tëde kɔc känykï.

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Kuɛ̈n 25:2

Ago duet keek aa caal në miɔ̈c de yiëthkeniic. Agokï aa lɔ cam ku lamkï yiëthken.

1 Kor 10:7

Ku duökï röt tɔ ye kɔc ee yiëth lam aya, cït man ë kɔc kɔ̈k ë keek, acït man cï e gɔ̈ɔ̈r an, “Kɔc ayek nyuc ciëmkï ku dëkkï, na ëlë, ke ke jɔt röt lek thuëëc.”

Nyuuth 11:10

Go kɔc rɛ̈ɛ̈r ë piny nɔm gokï piɔ̈ɔ̈th miɛt në thonden, ku dɔlkï, ku abïk röt miɔɔc ë käŋ kapäc, luɔi cï tïtkë kaarou kɔc rɛ̈ɛ̈r ë piny nɔm leeŋ wëi.