Bɛ̈n 32:32 - JAM DE NHIALIC 2011

³² Pälë ke kërɛɛcden Bɛ̈nydït, na cïï ke bï päl awänyden, ke yï bïï ɛn rin bei në awerekduön cï kɔcku gäär rin thïn.”

Bɛ̈n 32:32 ပူးပေါင်းရင်းမြစ်များ

2 Tham 18:33

Na wën ke melik ë jɔ guöp guɔ ŋɛɛr në jiɛthëpiɔ̈u. Ku le ɣön tɔ̈u ë kal ë wut nɔm ku dhiɛɛu. Ku të wën le yen go dhiau arëët, “Wëndiën Abthalom, wëndiën Abthalom! Aŋuɛ̈ɛ̈n na ë yɛn ë thou në yïn. Wëndiën Abthalom wëndï, wëndï!”

Diɛt 139:16

Yïn cï ya tïŋ ke ya kënë kɔn dhiëëth. Akööl cï gäm ɛn acï ke gäär awerekdu yic, ke cïn raan cï yen kɔn gɔl.

Diɛt 56:8

Yïn ŋic luöi cän nuan, yïn muk kuën de dhiëndï. Kën ë ke gɔ̈ɔ̈r në awerekdu yic?

Diɛt 69:28

Tɔ rinken cuthë bei në awerek de pïïric, tɔ ke nyiɛɛiyë rin në kuën de kɔc piɛthpiɔ̈ɔ̈th yiic.

Bɛ̈n 32:10

Ka yïn, nyääŋë Ya piny Yatök. Yɛn ëgɔ̈th arëët wo keek, ka abä keek riɔ̈ɔ̈k. Ku yïn wekë mïthku, wek bä tɔ ye jur dït arëët.”

Yith 4:3

Raan ëbɛ̈n raan cï nyääŋ Dhiɔn, ku cï döŋ Jeruthalem, kɔc cï Nhialic tɔ döŋ ke ke pïïr, abï ke aa cɔɔl an, “Kɔc ɣeriic.

Edhekiɛl 13:9

Wek bä luöi këtuc ee nïnkë yiic, wek tït ee nyuuth ë lueth, ku yak cɔ̈ɔ̈r në tör. Wek cïï bï tɔ̈u në amat de löŋ ë kɔckï yiic, ku rinkun acïï ke bï mat në kuën de baai de Yithriɛl yic, wek cïï röt bï puɔ̈k piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Amoth 7:2

Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?

Malakai 3:16

Ku ëtɛ̈ɛ̈n, kɔc ee Bɛ̈nydït riëëu acïk bɛ̈n jam në röt kapäc në baŋ de ee kakë, go Bɛ̈nydït kë luelkï piŋ. Rin ke kɔc ee Bɛ̈nydït riëëu, ku dhuëŋkï guöp acï keek gäär piny në awerekic në Bɛ̈nydït nɔm.

Malakai 3:17

Ku lueel ë Bɛ̈nydït de rɛm an, “Abïk aa kɔc piɛthkï, në kööl bï Yɛn luɔi looi. Yɛn bï piɔ̈u kok wo keek arëët cït man ye wun meth piɔ̈u kok ke wëndɛn ee yen ŋiëc luööi.

Kuɛ̈n 11:15

Na ee luɔi bï yïn Ɛn looi ka, ke yï kok piɔ̈u wekë yɛn, ku näk Ɛn ënɔnthiinë, ke ya cïï riääkdï bï tïŋ.

Kuɛ̈n 11:25

Na wën, ke Bɛ̈nydït ë bɔ̈ piny në luätic, ku jiɛɛm ke Mothe. Go wëi kɔ̈k nööm në wëi wään cï gäm Mothe, ku gëm keek röördït kathiërdhorou. Na wën, alɔ wëi lɔ në keyiic, ke ke go jam cït man ë tït, ka ee luɔi kën en bɛ̈n cieŋ.

Kuɛ̈n 14:19

Ku ënɔɔnë Bɛ̈nydït, në biäk de nhiëërduön cïï rɔt ee waar, yïn läŋ në biäk de nhiëër agɔk, nɔn pɛ̈l yïn kɔckë awänyden, cït man wään yïn cool pɛ̈l yïn awɛ̈ɛ̈c ë cieŋ ë jël kek Rip.

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Luk 23:34

Na wën, ke lueel Yecu an, “Wäär, päl keek, në kuny kuc kek ke loikï.” Gokï lupɔɔke tɛ̈k röt në deeny deeny kek gɛk.

Romai 9:3

Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook.

Nyöŋ 25:19

Ka ënɔɔnë, të cïï Bɛ̈nydït Nhialicdun week gäm piny, ku cï week kony në kɔc ke aterdun ëbɛ̈n, kɔc rɛ̈ɛ̈r ë welɔ̈m, näkkï kɔc ke Amalek kedhie, ago ciën raan bï keek bɛ nyɔk ë täk. Duökï nïïm mär!

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 9:14

Du them luöi bï yïn En jɔ̈ɔ̈ny. Akaar bä keek riɔ̈ɔ̈r nyïïn ë pinynɔm, ago ciën raan bï keek bɛ nyɔk ë täk ananden. Ku yïn bä tɔ ye jur ril aläl awär keek.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 22:19

Ku na de raan bï wël kɔ̈k jɔt ë wël cï guiirë yiic wël ke awerekë, ke biäkde abïï Nhialic jɔt ë awerek de pïïric, ku pänydïït ɣeric, ka cï gɔ̈ɔ̈r ë awerekë yic.

Nyuuth 3:5

Raan ee tiam ka bï yiëk kɔ̈u lupɔɔ ɣer aya, ku rinke acä ke bï cuöth bei ë awerek de pïïric, ku rinke abä ke gam ë Wäär nɔm, ku tuuckɛnnhial nïïm.