Bɛ̈n 32:22 - JAM DE NHIALIC 2011

²² Go Aron puk nɔm an, “Du piɔ̈u diu wekë yɛn, yïn ŋic ee kɔckë luɔidɛn nhiɛɛr kek kërac.

Bɛ̈n 32:22 ပူးပေါင်းရင်းမြစ်များ

Cäk 44:18

Go Juda lɔ tëde Jothep, ku lëk en an, “Bɛ̈ny, yïn läŋ an tɔ ya jam wo yïn cït man ë kë kaar. Ku du piɔ̈u bï diu we yɛn. Në biäk thööŋ yïn we melik guöpde.

Diɛt 36:4

Ee kiɛɛr rac yen yek tak ëbɛ̈n të cï kek tɔ̈c, ku acïn këpiɛth yek bɛ looi, ku acïn kërɛɛcdɛn yek bɛ rɛɛc.

Bɛ̈n 14:11

Gokï lɛ̈k Mothe an, “Cïn rɛ̈ŋ ë nu Rip? Nɔn jɔ yïn wook bɛ̈ɛ̈i buk bɛ̈n thou ë jɔ̈ɔ̈ric eenë? Tïŋ kë cï looi da, në luɔi cïn wo bɛ̈ɛ̈i bei Rip!

Bɛ̈n 15:24

Na wën, ke kɔc ë dok në Mothe, ku lopkï an, “Eeŋö buk dek?”

Bɛ̈n 16:20

Ago kɔc kɔ̈k jam ë Mothe cuök piŋ, gokï biäk both. Na ɣɔn amiäk, ke ke ŋuäc ku pët ë ruöi keek. Go Mothe piɔ̈u diu ke keek.

Bɛ̈n 16:28

Go Bɛ̈nydït lɛ̈k Mothe an, “Bäk lööŋkï jɔ rɛɛc gam agut cï nɛn?

Bɛ̈n 32:1

Na wën aa tïŋ kɔc en nɔn cïï Mothe lɔ gääu nhial ë kuur nɔm, ke ke guëër në Aron lɔ̈ɔ̈m, ku lëkkï yen an, “Akucku kë cï Mothe raan ɣɔn wët wo bei Rip lɔ yök, ka yïn, luöiyë wo yanh wat wook.”

Bɛ̈n 32:21

Ku lëk Aron an, “Eeŋö cï kɔc luöi yïn kë tɔ yïn ke loi kërɛɛc dïït tuc cït ee kënë?”

Kɛ̈ŋ 4:16

Kɔc rac acïkï ee niin të kën kek kërac kɔn looi. Aye nïn ke rɛɛc nyïïn abïk raan kɔn tɔ wiëëk në këracic.

Nyöŋ 31:27

Në luɔi ŋiɛc ɛn week, luɔi ya wek kɔc cïn piɔ̈ɔ̈th ku rɛɛckï Bɛ̈nydït, ku na yak Bɛ̈nydït rɛɛc thok ke ya ŋoot ke ya pïïr wo week, ee rɛɛc cït ŋö yen bä wek En lɔ̈ɔ̈k rɛɛc të la yɛn thou?

Nyöŋ 9:24

Gɔl ee të wään ŋiɛc week, wek ee Bɛ̈nydït rɛɛc thok.

Nyöŋ 9:7

“Duökï nïïm mär në luöi cä wek Bɛ̈nydït Nhialicdun tɔ göth ë jɔ̈ɔ̈ric, gɔl ë kööl ɣɔn nyääŋ wek Rip piny agut të ɣëët wek eenë, wek ee Bɛ̈nydït rɛɛc.

1 Tham 15:15

Go Thaulo bɛ̈ɛ̈r an, “Ee rem de tɔŋ kek ë bïï keek tëde kɔc ke Amalek, acïk thök piɛth kekë ɣɔ̈k piɛth puɔ̈l, bï keek bɛ̈n näk Bɛ̈nydït Nhialicdu, ku wok cï kɔ̈kkë riɔ̈ɔ̈k taitai.”

1 Tham 15:21

Ku nöm rem de tɔŋ thök ku ɣɔ̈k piɛth cïk keek peec, gokï tak nɔn bïï kek ke bɛ̈ɛ̈i Gilgal eenë, në baŋ bï keek lɔ näk Bɛ̈nydït Nhialicdu.”

1 Tham 15:24

Na wën ke jɔ Thaulo lɛ̈k Thamwɛl an, “Yɛn cï kërac looi, yɛn kën lööŋ ke Bɛ̈nydït looi, yɛn aa riɔ̈c në kɔckï aguɔ keek tɔ loi kë kɔɔrkï.