Bɛ̈n 32:15 - JAM DE NHIALIC 2011

¹⁵ Na wën, ke Mothe ë dɔk enɔm piny ë kuur nɔm ke ɣɛ̈ɛ̈c kur kaarou cï gäär kɔ̈ɔ̈th lööŋ në biäk kaarou.

Bɛ̈n 32:15 ပူးပေါင်းရင်းမြစ်များ

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Bɛ̈n 16:34

Cït man cïï Bɛ̈nydït e lɛ̈k Mothe, acïï Aron en bɛ̈n tääu në cäätɔ nɔm tueŋ ke bïï döt.

Bɛ̈n 24:12

Na wën, ke lëk ë Bɛ̈nydït Mothe an, “Bä nhial në kuur nɔm të nu Yɛn thïn. Ku të cïn bɛ̈n nhial, yïn bä bɛ̈n gäm pɛɛm ke kur kaarou, paam cän lööŋkï gäär ë kekɔ̈ɔ̈th kedhie, lööŋ bï kɔc aa nyuööth.”

Bɛ̈n 24:18

Ago Mothe baaric nhial në kuur nɔm ke cath ë luätic. Ku le rëër ëtɛ̈ɛ̈n në wɛ̈ɛ̈riic kathiërŋuan ku cooliic kathiërŋuan.

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 32:16

Ee Nhialic guöpde yen ë kïït ë kurkë kaarou, ku ee yen ë gɛ̈ɛ̈r lööŋ në kekɔ̈ɔ̈th.

Bɛ̈n 34:29

Na wën, aa bɔ̈ Mothe piny në Kuur ë Thinai nɔm ke muk kur pätiic kaarou në yecin, kur ke cäätɔ, Mothe aa riau nyin në luɔi ë jiɛɛm en kekë Nhialic, ku akuc ë Mothe luɔi riɛɛu en nyin.

Bɛ̈n 40:20

Ku jɔ kur cï gɔ̈ɔ̈r kɔ̈ɔ̈th kaarou tääu në athänduŋ de mätic. Ku rïïu akum në athänduk nɔm.

2 Kor 3:3

We ye tïc nɔn aa wek awerek de Kërtho, awerek cï looi në wook, ku kënë gɔ̈ɔ̈r ë miök ë gäär, ee Wëi ke Nhialic pïïr kek ë gɛ̈ɛ̈rë ye, ku acie pɛɛm ë kur kek ë gäär kɔ̈ɔ̈th, ee pɛɛm cɔl piɔ̈ɔ̈th ke kɔc.

2 Kor 3:7

Ku na guiëërku ë löŋ de thuɔɔu, en aye löŋ ɣɔn cï gäär ë kur kɔ̈ɔ̈th, të cï e yiëkic dhuëëŋ, ago mïth ke Yithriɛl dhal ë wui woi kek Mothe nyin, në baŋ de dhuëëŋ ë yennyin, ku dhuëëŋ ee kë kɔɔr liu,

Nyöŋ 5:22

“Kakë ayek lööŋ wään lëkë Bɛ̈nydït amatnɔmdun ëbɛ̈n, wään kuöt wek nïïm ë kuur nɔm. Wään bï Yen jam ke week ë röldït ë macic ku në luändït yic, aa gëm week ee lööŋkë ku acïn kɔ̈k pei. Ku ëtɛ̈ɛ̈n acï ke bɛ̈n gäär ë pɛɛm ke kur kaarou kɔ̈ɔ̈th ku gëm keek Yɛn.

Nyöŋ 9:15

Aguɔ rɔt puk ku laar piny ë kur thar, ke ya muk kur kaarou, ku cïï lööŋ gäär thïn, lɔ̈k de mac aye bɛ̈n bei ë kuur nɔm.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.

Nyuuth 5:1

Na wën, ka ya tïŋ awerek ë ciin cuëny de Bɛ̈nydïït ë rëër ë thöönydït nɔm awerek cï gɔ̈ɔ̈ric ku gäär kɔ̈u, ku cï boot në ka cït adɔ̈k kadhorou.