Bɛ̈n 31:18 - JAM DE NHIALIC 2011

¹⁸ Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 31:18 ပူးပေါင်းရင်းမြစ်များ

2 Mel 11:12

Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

Bɛ̈n 24:12

Na wën, ke lëk ë Bɛ̈nydït Mothe an, “Bä nhial në kuur nɔm të nu Yɛn thïn. Ku të cïn bɛ̈n nhial, yïn bä bɛ̈n gäm pɛɛm ke kur kaarou, paam cän lööŋkï gäär ë kekɔ̈ɔ̈th kedhie, lööŋ bï kɔc aa nyuööth.”

Bɛ̈n 24:18

Ago Mothe baaric nhial në kuur nɔm ke cath ë luätic. Ku le rëër ëtɛ̈ɛ̈n në wɛ̈ɛ̈riic kathiërŋuan ku cooliic kathiërŋuan.

Bɛ̈n 8:19

Go tït lɛ̈k melik an, “Ee Nhialic yen ë loi ee kënë!” Go melik nɔm riɛl bɛ ŋoot ke ŋɛk cït man cïï Bɛ̈nydït e lueel an melik acïï jam de Mothe bï piŋ kekë Aron.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Math 12:28

Ku tën aa yɛn jɔɔk rac ciëëc bei në Wëi ke Nhialic, ke ciɛɛŋ de Nhialic acï bɛ̈n tëde week.

Luk 11:20

Ku na ya jɔɔk rac cieec në ciin ë Nhialic, ke ciɛɛŋ de Nhialic kï, cï bɛ̈n tëde weekë.

2 Kor 3:3

We ye tïc nɔn aa wek awerek de Kërtho, awerek cï looi në wook, ku kënë gɔ̈ɔ̈r ë miök ë gäär, ee Wëi ke Nhialic pïïr kek ë gɛ̈ɛ̈rë ye, ku acie pɛɛm ë kur kek ë gäär kɔ̈ɔ̈th, ee pɛɛm cɔl piɔ̈ɔ̈th ke kɔc.

Nyöŋ 10:4

Na wën ke Bɛ̈nydït ë gäär pam ke kur kɔ̈ɔ̈th wël cït wël wään cï kɔn gɔ̈ɔ̈r tueŋ, lööŋ kathiëër wään cï gäm week ɣɔn jiɛɛm En në macic, kööl ɣɔn bä wek amatnɔm looi ë kuur thar, go Bɛ̈nydït ya gäm pɛɛm,

Nyöŋ 4:13

Acï week lɛ̈k kë bäk dhil looi në luɔi bä wek män cï looi kekë week döt, wek bï lööŋ kathiëër dhil döt, lööŋ wään cï gɔ̈ɔ̈r në pɛɛm ke kur kaarou kɔ̈ɔ̈th.

Nyöŋ 5:22

“Kakë ayek lööŋ wään lëkë Bɛ̈nydït amatnɔmdun ëbɛ̈n, wään kuöt wek nïïm ë kuur nɔm. Wään bï Yen jam ke week ë röldït ë macic ku në luändït yic, aa gëm week ee lööŋkë ku acïn kɔ̈k pei. Ku ëtɛ̈ɛ̈n acï ke bɛ̈n gäär ë pɛɛm ke kur kaarou kɔ̈ɔ̈th ku gëm keek Yɛn.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.