Bɛ̈n 31:15 - JAM DE NHIALIC 2011

¹⁵ Raan ade nɔm nïn kadhetem bï yen luɔɔide aa looi thïn. Ku kööl ye akööl dhorou ee kööl ë Thabath, kööl ɣeric cï gäm Ɛn. Raan ëbɛ̈n, raan lɔ dɛ luɔidɛn looi thïn, ke näk.

Bɛ̈n 31:15 ပူးပေါင်းရင်းမြစ်များ

Cäk 2:2

Ku në kööl ë dhorou, Nhialic acï jɔ thök në luɔidɛn ë cäk ëbɛ̈n ku jɔ lɔ̈ŋ thïn.

Bɛ̈n 16:23

Go Mothe lɛ̈k keek an, “Acïï Bɛ̈nydït lueel an miäk ee kööl de Thabath ɣeric, köölde. Thalkï ka kaarkï ë thät, ku piäärkï ka kaarkï ë piëër, na de kë cï döŋ ke täukï miäk.”

Bɛ̈n 16:26

Wek bï këcam aa kuany në nïniic kadhetem, na kööl ë dhorou, kööl ë Thabath, acïn këcam bäk aa yök.”

Bɛ̈n 23:12

“Yak luui në akööliic kadhetem, ku duökï ee luui në kööl ye akööl dhorou, ke ɣɔ̈kkun ku mulkun ku lïïmkun, ayï kɔc lɛɛn luui week ke ke bï lɔ̈ŋ.

Bɛ̈n 31:14

Yak kööl ë Thabath döt, në luɔi yen kööl ɣeric. Raan ëbɛ̈n raan cïï ye lɔ döt, ku le luui thïn, ke näk.

Bɛ̈n 31:16

Kɔc ke Yithriɛl ë ke döt kööl de Thabath ke ye kïn ë mät.

Bɛ̈n 31:17

Ee kïn bï tɔ̈u anande në kaamdï wo kɔc ke Yithriɛl. Në biäk ë cak Ɛn tënhial ku piny Yɛn Bɛ̈nydït në nïniic kadhetem. Ku në kööl ye akööl dhorou, ke Ya thök në luɔi, ku ja lɔ̈ŋ.’ ”

Bɛ̈n 34:21

“Wek de nïïm nïn kadhetem bä wek luɔidun aa looi. Na kööl ë dhorou, ke we du lui. Na cakaa kööl ke cum, ayï akööl ke tëm.

Bɛ̈n 35:2

Wek cï gäm nïn kadhetem bä wek aa luui thïn. Na kööl de dhorou, ee kööldiën de Thabath ɣeric Yɛn Bɛ̈nydït, kööl de lɔ̈ŋ. Raan ëbɛ̈n, raan lɔ luui thïn ke näk.

Bɛ̈n 35:3

Na cakaa mac ë cïï koth në bɛ̈ikuniic në kööl ë Thabath.”

Edhekiɛl 46:1

Acïï Bɛ̈nydït Awärjäŋ lueel an, “Kueer nu në biäk lɔ aköl amiäk abï tɔ̈u ke guöör thok në akööl ke luɔi yiic kadhetem, ku abï aa liep në kööl ë Thabath, ku në kööl ë dhuëëŋ de Wil ë Pɛɛi.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 23:3

Wek de nïïm nïn kadhetem bä wek lui thïn, ku kööl de dhorou abï aa kööl de lɔ̈ŋ. Ee kööl de män ɣeric. Acïn luɔi bä dhil looi. Ee Thabath de Bɛ̈nydït në ɣöötkun yiic ëbɛ̈n.

Lebai 23:32

Ee kööl de löŋ de dhoŋuan ë pɛɛi agut cï lɔ piny de aköl në kööl ë thiëër. Yak ee köölë döt ke ee kööl de Thabath ë lɔ̈ŋ, ku ee köölë acïn kë bï cam.

Luk 13:14

Go bɛ̈ny de ɣön ë Nhialic gɔ̈th, luɔi cï Yecu raan tɔ dem ëkööl ë Thabath, ku jɔ bɛ̈ɛ̈r, yöök, an, “Akööl kadhetem anukï kööl duëërë kɔc ke luui thïn: yak bɛ̈n ë aköölkë yiic bï we bɛ̈n tɔ dem, ku duökï ë bɛ̈n ëkööl ë Thabath!”

Luk 23:56

Gokï kenïïm dhuny, lek wɛ̈ɛ̈l cï ŋïrëŋïr guik ku miök. Gokï lɔ̈ŋ ëkööl ë Thabath cït man cï e lueel ë löŋic.

Nyöŋ 5:12

‘Yak kööl de Thabath döt, ku yak tɔ ee kööl ɣeric cït man cän week yɔ̈ɔ̈k, Yɛn Bɛ̈nydït Nhialicdun.

Ɣeberuu 4:9

Nhialic akɔɔr wook, wok kɔcke buk lɔ̈ŋ në Yen ëtök cït lɔ̈ŋde në kööl ë Thabath ɣɔn thöl En piny ë cäk.