Bɛ̈n 3:4 - JAM DE NHIALIC 2011

⁴ Na wën, aa tïŋ Bɛ̈nydït Mothe ke bɔ̈ tëthiɔ̈k, ke Nhialic ë cöt në bun dɛ̈pë yic ëtɛ̈ɛ̈n an, “Mothe! Mothe!” Go Mothe gam an, “Woi, yakï.”

Bɛ̈n 3:4 ပူးပေါင်းရင်းမြစ်များ

Cäk 22:1

Na wën, alɔ aköölkë thök, ke Nhialic ë them Abraɣam, cɔɔl an, “Abraɣam!” Ago Abraɣam gam, lueel an, “Yakï.”

Cäk 22:11

Go tunynhial ë Bɛ̈nydït cööt ke nu nhial, lueel an, “Abraɣam, Abraɣam!” Go Abraɣam gam, ku lueel an, “Yakï eenë.”

Cäk 28:16

Ago Jakop pääc ë nïnic, ku lueel an, “Ë yic, Bɛ̈nydït anu eenë ku ja kuc!”

Cäk 46:2

Go Nhialic jam ke Jakop në nyuöthic wakɔ̈u, cɔɔl Jakop an, “Jakop, Jakop!” Go Jakop gam lueel an, “Woi! Yakï eenë.”

Diɛt 62:11

Acä piŋ ke lueel ë Nhialic nɔn ye riɛl këde Nhialic Yetök,

Bɛ̈n 19:3

Na wën, ke Mothe lɔ nhial në kuur nɔm tëde Nhialic. Go Bɛ̈nydït e cɔɔl në kuuric, ku lëk en an, lɛ̈kë kɔc ke Yithriɛl, ku yek mïth ke Jakop an,

Bɛ̈n 3:2

Go tunynhial ë Bɛ̈nydït tuöl tëde yen ëtɛ̈ɛ̈n ke ye lɔ̈k ë many dɛ̈p ë butic. Go Mothe mac tïŋ ke dɛ̈p ë butic, ku but acïï dɛ̈p.

Bɛ̈n 33:12

Go Mothe lɛ̈k Bɛ̈nydït an, “Acï lɛ̈k ɛn ë yic nɔn wat ɛn ee kɔckë pinyë, ku Yïn kën ɛn nyuöth raan bï cath ke yɛn. Acï lueel an ŋic ɛn arëët, ku mit ë piɔ̈u we yɛn.

Bɛ̈n 4:5

Go Bɛ̈nydït lɛ̈k en an, “Lɔ luöiyë kɔc ke Yithriɛl ee kënë ke bïk gam nɔn ee yen Bɛ̈nydït, Nhialic de kuarken yen ë cï tuöl tëde yïn, Nhialic de Abraɣam kekë Yithaak, ku Jakop.”

Lebai 1:1

Na wën, ke Bɛ̈nydït ë cɔl Mothe, ku jiɛɛm ke yen ke nu ë Paany de Mätic, ku gëm ee lööŋkë

Luɔi 10:13

Go röl tuöl an, “Jɔt rɔt, Petero, näk, ku cuet!”

Luɔi 10:3

Na wën, të cït thaar kadhoŋuan aköl, ke tïŋ tunynhial ë Nhialic ke tiëc ëgɔk, ke bɔ̈ tëde yen, bï ku yöök an, “Korunelio!”

Luɔi 9:4

Go wïïk, ku piŋ röl yöök en an, “Thaulo, Thaulo, eeŋö yɔŋ yïn ɛn?”

Nyöŋ 33:16

Tɔ pinyden thiäŋ kekë këriëëc piɛth ëbɛ̈n, kë cï thieei në piath de Bɛ̈nydït. Raan ee jam në bun dɛ̈pic, tɔ ë athiɛɛiyë bɔ̈ tëde dhiën de Jothep. Në baŋ wään ee yen bɛ̈ny në mïthëkɔcken yiic.

1 Tham 3:10

Go Bɛ̈nydït bɛ̈n ku kɛ̈ɛ̈c në yelɔ̈ɔ̈m, ku cɔɔl cït man awën an, “Thamwɛl, Thamwɛl!” Go Thamwɛl bɛ̈ɛ̈r an, “Jam, lïmdu apïŋ.”

1 Tham 3:4

Na wën, ke Bɛ̈nydït ë cɔl Thamwɛl. Go Thamwɛl bɛ̈ɛ̈r an, “Yakï, bɛ̈ny.”

1 Tham 3:6

Go Bɛ̈nydït Thamwɛl bɛ cɔɔl. Aa kuc ë meth nɔn yen Bɛ̈nydït, në luɔi kën ë Bɛ̈nydït kɔn jam ke yen. Go rɔt jɔt ku lee tëde Eli ku lueel an, “Yïn cï ya cɔɔl, ku yakï eenë.” Go Eli bɛ̈ɛ̈r an, “Yïn kɛ̈n cɔɔl mɛnhdï, lɔ ciëën në agen nɔm.”

1 Tham 3:8

Na wën ke Bɛ̈nydït ë be Thamwɛl cɔɔl në këde diäk an, “Thamwɛl.” Go Thamwɛl rɔt jɔt, ku le tënu Eli, ku lueel an, “Yïn cï ya cɔɔl, yakï eenë.” Go Eli jɔ ŋic nɔn Yen Bɛ̈nydït, Yen ee meth cɔɔl.