Bɛ̈n 3:22 - JAM DE NHIALIC 2011

²² Tik ëbɛ̈n në diëër ke Yithriɛliic, abï tiiŋ ë Rip thiëëk kek aa lip, ku nɔn ee yen tiiŋ rëër en ɣönde. Abïï lip ë lupɔɔ, ku joth ke adhääp, ku joth ke ateek. Ku abï diëërkun ke lɔ tääu në mïthken gup, ayï duetken aya. Ku abïk wëu ke kɔc ke Rip jat wei ëbɛ̈n në ee kueerë.”

Bɛ̈n 3:22 ပူးပေါင်းရင်းမြစ်များ

Cäk 15:14

Ku jur bï ke lɔ lïïmë, abä luöi këtuc thok. Ku të le mïthku jäl në ee piny lɛɛnë, abïk jäl ke ke kueth arëët në kakɛn bïk jɔt.

Cäk 24:53

Ku bïï adhɛ̈p bei, ku ateek ku lupɔɔ, ku gëm ke Rebeka. Ku gëm man Rebeka miɔ̈c tuc ë ɣööcde kekë mänhë Rebeka ayadäŋ.

Diɛt 105:37

Ku jɔ kɔc ke Yithriɛl tɔ jël, agokï ateek ku adhääp jɔt, ku dhiëën kedhie aake ril ku piɔlkï gup.

Bɛ̈n 11:2

Ka yïn, lɛ̈kë kɔc ke Yithriɛl kedhie, röör ku diäär, an ŋɛk ë ye raan thiëëk kek lip në aduuk ke adhääp, ku ateek.”

Kɛ̈ŋ 13:22

Raan piɛth ee kajuëcke nyäŋ mïthke, ku kajuëc ke raan ee karɛc looi aye Nhialic ke lɔ̈ɔ̈k tɔ lɛk ë kɔc piɛth piɔ̈ɔ̈th.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Edhekiɛl 39:10

Acïkï bï bɛ aa kuany në tiim ë duum yiic, ku nɔn yep kek tiim në ruɔɔr yiic, në biäk bïï kek dɛ dhɛ̈ŋ juëc bïï kek mac aa dɛ̈ɛ̈p. Abïk kɔc wään cï keek rum ku yakkï keek bɛ rum ku yakkï keek.” Acïï Bɛ̈nydït Awärjäŋ lueel.