Bɛ̈n 3:19 - JAM DE NHIALIC 2011

¹⁹ Ku aŋiɛc nɔn cïï melik de Rip we bï puɔ̈l ajäl të kënë ye kɔn miɛn, ku tɔ päl we ajäl në riɛl.

Bɛ̈n 3:19 ပူးပေါင်းရင်းမြစ်များ

Bɛ̈n 10:20

Go Bɛ̈nydït melik tɔ ril nɔm, go melik mïth ke Yithriɛl pɛ̈n jäl.

Bɛ̈n 11:10

Mothe kekë Aron acïk göök gɛ̈ɛ̈iyë ke bɛ̈n looi kedhie në melik nɔm, ku Bɛ̈nydït acï melik tɔ ril nɔm, go kɔc ke Yithriɛl pɛ̈n jäl pinyde.

Bɛ̈n 11:9

Go Bɛ̈nydït lɛ̈k Mothe an, “Melik abï ŋoot ke cïï jamdu piŋ, ke Yɛn bï göökkï ŋuɔɔt ë ke luɔɔi piny ë Rip, göök kɔ̈k gɛ̈ɛ̈iyë ke.”

Bɛ̈n 13:15

Na ɣɔn aa tɔ melik enɔm ril, ku cïï wo tɔ jël Rip, ke Bɛ̈nydït ë näk kɛ̈ɛ̈i Rip kedhie, kɛ̈ɛ̈i ë raan, ku kɛ̈ɛ̈i ë läi. Yen aye wok kɛ̈i ke läi gäm Bɛ̈nydït, ku waarku kɛ̈ɛ̈ikuɔ kɔ̈ɔ̈th.

Bɛ̈n 4:21

Go Bɛ̈nydït bɛ lɛ̈k Mothe an, “Të cïn lɔ Rip, ke them ëgɔk nɔn looi yïn kake gäi kedhie në melik nɔm, ka cän ke yï gäm riɛlden. Ku melik abä tɔ ril nɔm, ka cïï kɔc ke Yithriɛl bï puɔ̈l ajël.

Bɛ̈n 5:2

Go melik puk nɔm an, “Bɛ̈nydït eeŋa, ka yɛn duëër jamde jɔ piŋ, ku ta kɔc ke Yithriɛl jäl? Yɛn kuc Bɛ̈nydït, ku kɔc ke Yithriɛl acä ke bï tɔ jäl.”

Bɛ̈n 6:1

Go Bɛ̈nydït lɛ̈k Mothe an, “Kë bä luöi melik, abä jɔ tïŋ ënɔɔnë. Abä tɔ päl kɔckï ajäl në riɛl. Abä tɔ kuëëth kɔckï bei pinyde në riɛl.”

Bɛ̈n 8:28

Go melik lɛ̈k keek an, “Të cä wek en bï lɔ baaric tëmec, ke we bä tɔ jäl lak Bɛ̈nydït Nhialicdun näk ë jɔ̈ɔ̈ric. Ku ënɔɔnë, läŋkï në biäkdï.”

Bɛ̈n 9:35

Ago melik nɔm riɛl ŋak, ku akën kɔc ke Yithriɛl bɛ̈n tɔ jäl, cït man wään cïï Bɛ̈nydït e lɛ̈k Mothe an, melik acïï kɔc ke Yithriɛl bï pɔ̈l ajäl.

Bɛ̈n 9:7

Na wën, ke melik ë lop në kë cï rɔt looi. Go lɛ̈k en nɔn cïn en weŋ töŋ cï thou në ɣɔ̈k ke Yithriɛliic. Go ŋoot ke ril nɔm, ku cïï kɔc ke Yithriɛl päl ajäl.