Bɛ̈n 3:17 - JAM DE NHIALIC 2011

¹⁷ Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 3:17 ပူးပေါင်းရင်းမြစ်များ

Cäk 46:4

Yɛn lɔ Rip wo yïn ëtök. Ku mïthku abä ke bɛ lɔ puɔ̈k nïïm ee pinyë. Ku Jothep wëndu, yen abï yï nɔ̈k nyin të le yïn thou.”

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

Cäk 50:25

Ku tɔ Jothep mïthëkɔcken loi gutguut lëk keek an, “Gamkï luɔi bä wek guöpdï jɔt wadäŋ, ke week ëtök të le Nhialic we bɛ̈ɛ̈i bei në ee pinyë yic. Ku leer week piny wään cï than.”

1 Lëk 1:15

Ku kɔc ke Ɣib, ku kɔc ke Arek, ku kɔc ke Thin.

Diɛt 102:21

Yen abïï ë rin ke Bɛ̈nydït aa cɔɔl në Dhiɔn, ku abï aa lɛc nɔm ë Jeruthalem,

Bɛ̈n 13:5

Bɛ̈nydït acï kuarkun thɔn ɣɔn, an bïï we gäm piny ë Kanaan, ku piny ë Ɣit, ku piny ë Amor, ku piny ë Ɣib, ku piny ë Jebuth. Miäk të cï en we lɛɛr piny ee wat ë ca ku miök ë kiëc, ke we loi ee dhuëëŋë, në pɛɛi tueŋ në run nyïïn ëbɛ̈n.

Bɛ̈n 32:34

Ku ënɔɔnë, lɔ watë kɔc të wään cä lɛ̈k yïn. Ku tunynhialdï abï we wat. Ku akööl abïkï, akööl bän ee kɔckë luöi këtuc në biäk de kërɛɛcden.”

Bɛ̈n 33:3

Lakï piny ee wat ë ca ku miök ë kiëc. Wek ee kɔc ril nïïm, ka Yɛn cï bï lɔ wo week, ke we cä bï riɔ̈ɔ̈k kueer.”

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Jeremia 11:5

Ku ëtɛ̈ɛ̈n Yɛn bï gutguut jɔ döt, gutguut cä lɛ̈k kuarken nɔn bän keek gäm piny ee wat ë ca ku miök ë kiëc, piny tɔ̈u tëde keek ënɔɔnë.” Aguɔ lueel an, “Ɣɛɛ, Bɛ̈nydït.”

Jeremia 32:22

Acï keek gäm piny ee wat ë ca ku miök ë kiëc, cït man wään cï yïn kuëëŋ we kuarken.

Edhekiɛl 20:6

Ee wään ë lɛ̈k Ɛn keek gutguut, luɔi bän keek bɛ̈ɛ̈i bei ë Rip ku lɛɛr keek pinydiën cä lɔ̈c keek, piny ee wat ë ca ku miök ë kiëc, piny wär piiny kedhie.

Lebai 20:24

Ku wek cä yɔ̈ɔ̈k an, ‘Wek bï pinyden nööm. Abä gäm week ke ee kë bäk lɔ̈ɔ̈k lak piny, yen ee wat ë ca ku miök ë kiëc. Ee yɛn Bɛ̈nydït Nhialicdun, raan ë lɔ̈c week bei ë juööriic.

Kuɛ̈n 13:27

Gokï lɛ̈k Mothe an, “Piny acuk lɔ caath, ku acuk yök ke ye piny kueth arëët, ku aŋic luɔk, ka mïth ke tiimke kï.

Nyöŋ 26:9

Acï wook bɛ̈ɛ̈i ee tënë, ku gëm wook piny ee wat ë ca ku miök ë kiëc.

Nyöŋ 6:3

Piɛŋkï keek, wek kɔc ke Yithriɛl ku riëëukï keek, ago käŋ ëbɛ̈n piath ke week, ku wek bï aa jur ril ë tör ku rɛ̈ɛ̈rkï piny ee wat ë ca ku miök ë kiëc, cït man cïï Bɛ̈nydït Nhialic de kuarkun ye lɛ̈k wook.

Jocua 24:11

“Ku ëtɛ̈ɛ̈n, wek ë Jordan bɛ̈n teem kɔ̈u, ku lakï Jeriko. Na wën, ke kɔc ke Jeriko ë ke gäm në week, ayï kɔc ke Amor, ayï kɔc ke Peridh, ayï kɔc ke Kanaan, ayï kɔc ke Ɣit, ayï kɔc ke Girgac, ayï kɔc ke Ɣib, ayï kɔc ke Jebuth. Guɔ keek tɔ tiamkï kedhie.

Jocua 9:1

Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.