Bɛ̈n 3:14 - JAM DE NHIALIC 2011

¹⁴ Go Nhialic lɛ̈k en an, “Yɛn aye Yen. Abä lɛ̈k keek an, ‘Raan cɔl Yɛn aye Yen, yen aa tuc ɛn week.’

Bɛ̈n 3:14 ပူးပေါင်းရင်းမြစ်များ

Jop 11:7

Duɛ̈ɛ̈rë dït de pɛlënɔm ë Nhialic cuööp? Ku eeŋa ŋic të le riɛl de Nhialic Awärjäŋ guut?

Diɛt 68:4

Kɛ̈tkï diɛt Nhialic, kɛ̈tkï diɛt piaany wek rinke, kiëëtkï kueer në biäkde, Yen Raan cath ë luäät kɔ̈u. Rinke acɔlke Bɛ̈nydït, yak piɔ̈ɔ̈th miɛt në Yenɔm!

Diɛt 90:2

Ɣɔn kënë kur kɔn cak, ku ɣɔn kënë pinynɔm kɔn bɛ̈n, Yïn ee Nhialic tɔ̈u athɛɛr, ku Yïn bï tɔ̈u aɣet athɛɛr.

Bɛ̈n 15:3

Bɛ̈nydït aŋic tɔŋ biök. Rinke acɔl ke Bɛ̈nydït.

Bɛ̈n 23:21

Döt ee cökë ë gɔk, ku ye kë cï lueel piŋ. Du keek reec, ee Yɛn ë toc en. Ku acï we bï päl reec rɛɛc wek jamde, në baŋ nu rinkï ë yeyic.

Bɛ̈n 3:13

Go Mothe lɛ̈k Nhialic an, “Na ja lɔ tëde kɔc ke Yithriɛl, la lɛ̈k keek an, ‘Nhialic de kuarkun ë ya tuöc week,’ ku jɔkï ya luɔp an, ‘Cɔl ŋa?’ Kë bä jɔ lɛ̈k keek adï?”

Bɛ̈n 6:2

Na wën, ke Nhialic ë jam ke Mothe, lëk en an, “Ee Yɛn Bɛ̈nydït.

Bɛ̈n 6:3

Yɛn aye Nhialic Awärjäŋ. Yɛn acï tuöl ɣɔn tëde Abraɣam, ku Yithaak, ku Jakop. Ku akɛ̈n ke bɛ̈n nyuöth rinkiën ɣeriicë, rin ke Bɛ̈nydït.

Yith 42:8

“Ee Yɛn Yatök, Yɛn aye Bɛ̈nydït Nhialicdun. Acïn yanh däŋ rɔm ɛn ke dhuëëŋ wo yen, Yɛn cïï lɛcdï duëër rɔm wo yiëth.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Math 18:20

Ku të nu kɔc kaarou ayï diäk kɔc cï guëër në rinkï, ya ka, ë keyiic cil ëtɛ̈ɛ̈n.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Jɔn 8:24

Yen aa lɛ̈k ɛn e week, an, we bï thou në karɛckun yiic: ku të kɛ̈n wek a gam, ‘nɔn aa Yɛn En,’ ke we bï thou ë karɛckun yiic.”

Jɔn 8:28

Go Yecu ke yɔ̈ɔ̈k an, “Të cä wek Wën ë Raan tääu nhial, yen abä wek e ŋic nɔn aa Yɛn En, ku nɔn cïn en kë cä looi në këde yenhdï, ku wëët cïï Wäär a wɛ̈ɛ̈t, yen aa luɛɛl ɛn kakë.

Jɔn 8:58

Go Yecu ke yɔ̈ɔ̈k an, “Wek yɔ̈ɔ̈k ëyic an, ɣɔn ŋootë Abraɣam ke liu, ‘Yɛn ë nu.”’

2 Kor 1:20

Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook.

Ɣeberuu 13:8

Yecu Kërtho acïï rɔt ee waar, atɔ̈u ë täude anande, aa nu ɣɔn thɛɛr, ku ee köölë, ku abï nu aɣet athɛɛr.

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”