Bɛ̈n 29:9 - JAM DE NHIALIC 2011

⁹ Ku dut keyiic në lupɔɔ ke duöt ë yic. Ku yiëkë kenïïm atɛ̈ɛ̈ny. Yen luɔi bïï yïn keek tɔ ye bäny ke kake Nhialic ka. Ku luɔi de kake Nhialic abï jɔ aa këden ë caaŋden.

Bɛ̈n 29:9 ပူးပေါင်းရင်းမြစ်များ

Bɛ̈n 27:21

Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”

Bɛ̈n 28:1

Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic.

Bɛ̈n 32:29

Na wën, ke lëk ë Mothe kɔc ke Lebai an, “Wek ë röt jɔ tɔ ɣer ee köölë, ku takï röt ee bäny ke kake Nhialic në luɔi de Bɛ̈nydït, në baŋ cä wek wɛ̈ɛ̈tkun nɔ̈k ayï mïthëkɔckun. Ku Bɛ̈nydït abï we thieei.”

Bɛ̈n 40:15

Ku tɔc keek cït man cïn wuönden tɔc, ke ke bï Ya luööi ke ke ye bäny ke kake Nhialic. Ku yen ee tönyë, abï keek tɔ ye bäny ke kake Nhialic ë caaŋden.”

Lebai 8:1

Go Bɛ̈nydït Mothe yɔ̈ɔ̈k,

Lebai 8:13

Na wën, go Mothe wɛ̈ɛ̈t ke Aron bɛ̈ɛ̈i tueŋ, ku tɛ̈ɛ̈u aluluut në kekɔ̈ɔ̈th ku duut thiöth ë keyiic, ku tɛ̈ɛ̈u akuup në kenïïm, cït man cïï Bɛ̈nydït ye lueel.

Lebai 8:33

Ku du nïn de Paany de mät thok nyiëëŋ piny ë nïn kadhorou yiic, agut kööl le nïn ke thɛ̈ny de nɔmdun thök. Në luöi bï thɛ̈ny de nɔmdun tɔ̈u në nïn kadhorou.

Kuɛ̈n 16:10

Luɔi cï yen cuöt në yelɔ̈ɔ̈m wedhie wekë wɛ̈ɛ̈takɛckun Lebai cïï piɛth? Ka yïn ŋoot ke yï be bäänydïït de kake Nhialic kɔɔr ayadäŋ?

Kuɛ̈n 16:35

Go mac bɛ̈n nhial tëde Bɛ̈nydït ku nyop bot kaarou ku thiërdhïny ë raan wën muk abɔ̈c ke wal ŋïr.

Kuɛ̈n 16:40

Yen ee kënë, aaye jäny jiëënyë kɔc ke Yithriɛl, nɔn cïn en raan däŋ pei bï wɛ̈ɛ̈l ŋïïr ye nyop bï ya gam në yïk nɔm, të cïn kuat de Aron. Na lɔ raan däŋ ye gam, ka abï riɔ̈ɔ̈k cït man ë Kɔra kekë kɔcke. Go Eleyadhar këriëëc cïï Bɛ̈nydït lɛ̈k Mothe looi.

Kuɛ̈n 18:7

Ee yïn wekë wɛ̈ɛ̈tku wapäc, wek abï luɔi de kake Nhialic aa looi në Yïk nɔm, ku luɔikï këriëëc ë gëlgëlic aläl. Yen luɔidu ka ëbɛ̈n, në biäk cän yï gäm luɔi de kake Nhialic ke ye miɔ̈c. Raan ëbɛ̈n, raan cïï rɔ̈ŋ ke luɔi, ku le bɛ̈n në ka ɣeriic lɔ̈m, abï thou.

Kuɛ̈n 25:13

Yen kekë mïthke kedhie abïk aa bäny ke kake Nhialic ananden. Në biäk cï yen kɔc ke Yithriɛl teem gup në jai cï yen jai nɔn lɛm ë kɔc yanh däŋ pei të cïn Ɛn.

Kuɛ̈n 3:10

Ku tɔ Aron kekë wɛ̈ɛ̈tke ee bäny ke kake Nhialic. Ku raan däŋ pei lɔ luɔiden looi abï thou.

Nyöŋ 18:5

Bɛ̈nydït acï dhiën de Lebai lɔc në dhiëënkun yiic kedhie, ke ke bï Yen aa luööi, ke ke ye bäny de kake Nhialic aɣet athɛɛr.

Ɣeberuu 5:10

Ku ee yen ë lɔc ë Nhialic En ke ye Bɛ̈nydïït ë kake Nhialic cït bɛ̈ɛ̈ny de Melkidhedek.

Bäny 17:5

Ku Maika aa de nɔm tëdɛn ye kɔc lam thïn. Acï yiëth kɔ̈k ke baaiden looi, ku kuɛny wëndɛn tök ë wɛ̈ɛ̈tke yiic, tɔ ye guuc.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.