Bɛ̈n 29:45 - JAM DE NHIALIC 2011

⁴⁵ Ku Yɛn bï ya Nhialic de kɔc ke Yithriɛl, ku Yɛn bï rëër në keyiic.

Bɛ̈n 29:45 ပူးပေါင်းရင်းမြစ်များ

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

1 Mel 6:13

Yɛn bï rëër në mïth ke Yithriɛl yiic, ku Yɛn cïï kɔckiën ke Yithriɛl bï puɔ̈l.”

2 Lëk 6:18

“Ee yic Bɛ̈nydït duëërë rëër ë tök wekë röör ku diäär ë piny nɔm? Ei, acakaa paannhial acï yic lääu arëët arëk abï Yïn lɛɛr, ka Luaŋdït cä yïkë, duëër Yïn jɔ lɛɛr adï?

Diɛt 114:2

Juda acï bɛ̈n aa tëɣeric de Bɛ̈nydït, ku ye Yithriɛl këdɛn ë nɔmde.

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Bɛ̈n 15:17

Ku bä ke bɛ̈n piith në kuur nɔm, tëduön cï lɔc Bɛ̈nydït an bïï aa ɣöndu. Tëɣeric ɣɔn yïk në Yïn guöpdu.

Bɛ̈n 25:8

Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic.

Bɛ̈n 29:44

Ku Yɛn bï paany de mät tɔ ɣeric kekë yïk. Ku kuëny Aron bei kekë wɛ̈ɛ̈tke bïk Ɛn aa luööi ke ke ye bäny ke kake Nhialic.

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Jeremia 14:9

Eeŋö ee Yïn ciët raan cï nɔm mum, eeŋö ee Yïn ciët raan de tɔŋ cïn kony? Ee yic, Bɛ̈nydït Yïn tɔ̈u we wook! Wok ee kɔcku, du wook pɛ̈lwei.’ ”

Edhekiɛl 34:24

Yɛn Bɛ̈nydït Awärjäŋ, Yɛn bï ya Nhialicden, ku melik cït awundiën Debid abï aa bɛ̈nyden. Acä lueel.

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Edhekiɛl 43:9

Ënɔɔnë ë ke jɔ läm de yiëth kɔ̈k pɔ̈l ku nyiɛɛikï gup ke meliikkɛn cï thou. Na lek lɔ looi, ke Yɛn bï rëër në keyiic aɣet athɛɛr.”

Danyel 2:11

Kë kɔɔr yïn melik arilic aläl, acïn raan bï ye luöi yïn, ee yiëth kapäc, ku yiëth acïkï ee ceŋ në kɔc yiic.”

Lebai 26:11

Yɛn bï rëër në weyiic tëdiën ɣeric, ku wek cä ke bï nyääŋ piny.

Lebai 26:12

Yɛn bï aa cath në weyiic, ku yɛn bï aa Nhialicdun, ku wek bï aa kɔckï.

Ɣagai 2:5

cït man cän week lɛ̈k gutguut ɣɔn bä wek bei Rip an, “Yɛn bï tɔ̈u wo week anandï, Yɛn ŋoot ke Ya tɔ̈u we week, ka duökï riɔ̈c.

Dhek 2:10

Ku lueel ë Bɛ̈nydït an, “Kiëtkï në miɛtëpiɔ̈u arëët, nyan de Dhiɔn. Yɛn bɔ̈ bä bɛ̈n rëër në weyiic!

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Kuɛ̈n 16:3

acïk bɛ̈n guëër në Mothe lɔ̈ɔ̈m kekë Aron ku göthkï në keek luelkï an, “Këdun acäk ŋuak nɔm arëët! Akutnɔm de Yithriɛl ëbɛ̈n aɣeric acïn raan tök. Ku Bɛ̈nydït atɔ̈u ke keek. Ka yeŋö ya wek röt tïŋ cït ka wär kɔc?”

Kuɛ̈n 35:34

Duökï piny rɛ̈ɛ̈r wek thïn dhiök në biäk Yan Bɛ̈nydït, ku Yɛn ee rëër në kɔc ke Yithriɛliic.

Kuɛ̈n 5:3

Bɛ̈ɛ̈ikï ke bei kedhie röör ayï diäär, ku lɛɛrkï keek në wut këc, wunduön cäk piäät, ke ke cïï wun rɛ̈ɛ̈r ɛn thïn bï riɔ̈ɔ̈k, wun rɛ̈ɛ̈r Ɛn thïn në weyiic.

Jɔn 14:17

yen aye Wëi yic: Raan cï duëërë dɔm ë kɔc ke piny nɔm, luɔi kën kek e tïŋ, ku cïkï ŋic aya: ku ŋiɛckï week, ee rëër ke week, ku abï nu ë weyiic.

Jɔn 14:20

Ëköölë abäk ŋic nɔn nuö yɛn ë wääric, ku nɔn nuö wek ë yayic, ku nuö ë weyiic.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Epethiei 2:22

Ku week aya, we cï yiëk thïn ëtök bäk aa ɣön bï Nhialic cieŋ në Wëidïtke.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden: