Bɛ̈n 29:38 - JAM DE NHIALIC 2011

³⁸ “Ye nyök amɛ̈l kaarou gam aköölnyïïn ëbɛ̈n ë yïk nɔm, nyök amɛ̈l ee ruöön tök.

Bɛ̈n 29:38 ပူးပေါင်းရင်းမြစ်များ

Cäk 22:7

Ago Yithaak wun cɔɔl an, “Wää.” Go wun gam, ku lueel an, “Yakï mɛnhdï.” Go Yithaak en luɔp an, “Yïn de nɔm mac, ku tiim, ku na nyɔɔŋ lɔ nɔ̈k nu ënou?”

1 Lëk 16:40

Ayek miɔ̈c ye nyop ëbɛ̈n gam miäk ku thëën ë yïk nɔm, cït man ë kë cï gɔ̈ɔ̈r ë löŋ cï Bɛ̈nydït gäm kɔc ke Yithriɛl.

2 Lëk 13:11

Ku në aköölnyïïn kedhie miäk rial ku thëën, ayek Bɛ̈nydït miɔɔc në wal ŋïr, ku miɔ̈c ye nyop ëbɛ̈n. Ku gɛmkï kuïn cï pam në paam cï looi në adhäm awai nɔm, ku thëën ëbɛ̈n ayek mɛ̈ckealath kääc në kë cï looi adhääp dɛ̈ɛ̈p thook. Wok ee kë cïï Bɛ̈nydït lɛ̈k wook looi, ku week acäk nyääŋ piny.

2 Lëk 2:3

Na wën ke Tholomon ë tuc thok melik Ɣiram de Tayer an, “Loi luɔi we yɛn, cït man ɣɔn kɔn yïn lui wek ë wäär, melik Debid, wään cïn ye ɣɔ̈c tiim ke thidar yïk en ɣöndɛn ë bääny.

2 Lëk 2:4

Yɛn yïk Luaŋdït, bä yɛn Nhialicdï riëëu guöp. Abï aa tëɣeric, të bän aa lɔ̈ŋ thïn wok ë kɔckï ku nyopku wal ŋïr, ku të bïï wok miɔ̈c de kuïn cï pam aa gam ë ceŋ, ku ee të bïï wok miɔ̈c ye nyop ëbɛ̈n gam ë ceŋ miäk ku thëën, ku akööl ke Thabath, ku dhuëëŋ de Wil ë Pɛɛi, ku lɔ akööl kɔ̈k ɣeriic, bïï ke Bɛ̈nydït Nhialicda riëëu guöp. Acï kɔc ke Yithriɛl yɔ̈ɔ̈k bïk ee kënë looi aɣet athɛɛr.

2 Lëk 29:7

Acïk athïïn ke Luaŋdït thiɔ̈ɔ̈k thook, ku tɔkï mɛ̈ckealath tɔ liu, ku pɛ̈lkï nyum de wal ŋïr ku miɔ̈c ye nyop ëbɛ̈n tëɣeric de Nhialic de Yithriɛl.

2 Lëk 31:3

Ku aaye miɔ̈c ye nyop ëbɛ̈n gam miäk rial ku thëën ë lunyde yic, ku gɛm miɔ̈c de Thabath, ku miɔ̈c de Dhuëëŋ ë wil ë Pɛɛi, ka cï löŋ de Bɛ̈nydït ke lueel.

2 Lëk 8:13

Ku gɛm miɔ̈c ye nyop ëbɛ̈n cït man ë kë cï lööŋ ke Mothe lueel në kööl ɣer yiic ëbɛ̈n. Akööl ke Thabath, ku akööl ke pɛɛi ë piɛc wil, ku akööl ke dhuëëŋ kadiäk: kööl de Dhuëëŋ de Kuïn Cïnic Luɔu, ku kööl de dhuëëŋ de Tem, ku kööl de Dhuëëŋ de Kɛ̈ɛ̈t.

Edhr 3:3

Agokï yïk tääu tëde, na cakaa nɔn riɔ̈ɔ̈c kek në kɔc ceŋ piny, ku gɛ̈mkï Bɛ̈nydït miɔ̈c ye nyop ëbɛ̈n ë yenɔm, miɔ̈c ye nyop ëbɛ̈n miäk kekë thëën.

Edhr 3:5

Ku ëtɛ̈ɛ̈n, acïk miɔ̈c ye nyop ëbɛ̈n bɛ̈n aa gam aköölnyïïn, ku miɔ̈c de pɛɛi ë piɛc wil, ku lɔ miɔ̈c ke akööl ke dhuëëŋ cïï Bɛ̈nydït ke lueel ëbɛ̈n, ku jɔ ya miɔ̈c de raan ëbɛ̈n raan ee miɔ̈c de miɛtëpiɔ̈u gäm Bɛ̈nydït.

Bɛ̈n 40:29

Ku tɛ̈ɛ̈u yïïŋ de nyum ë käŋ në gëlgël de paany de mät nɔm tueŋ. Ku gɛm miɔ̈c ye nyop në yenɔm, ayï miɔ̈c ë rap cït man cïï Bɛ̈nydït e lɛ̈k en.

Edhekiɛl 46:13

Aye Bɛ̈nydït lueel an, “Miäk rial aköölnyïïn ëbɛ̈n nyɔɔŋ amääl cïn guöp tëdak abïï dhil aa nɔ̈k, ke ye miɔ̈c ye nyop ëbɛ̈n këde Bɛ̈nydït. Miɔ̈cë abïï aa looi aköölnyïïn.

Edhekiɛl 46:15

Nyɔɔŋ thiin amääl, ku aɣaar, ku miök de olip, abïï ke dhil aa gäm Bɛ̈nydït miäk rial në aköölnyïïn aɣet athɛɛr.”

Danyel 12:11

“Gɔl ë kööl ë tɔ miɔ̈c näk aköölnyïïn kääc, yen aye kööl bïï ë KËNHIƐƐNY EE RIƆ̈Ɔ̈C BƐ̈Ɛ̈I jat nhial, yen abï nïn agum ku bot kaarou ku thiërdhoŋuan 1,290 wan.

Danyel 9:21

Ku tën wën läŋ yɛn. Go Gabriɛl bɛ̈n të nuö yɛn ke päär, Gabriɛl wään bä tïŋ në nyuuth tueŋë yiic. Aa ye kaam ye miɔ̈c näk athɛ̈i gam.

Danyel 9:27

Yen ee bɛ̈nyë abï dɛ män ril ëtör kekë kɔc juëc, në run kadhorou, ku të le ë biäk töŋ de ee kaamë wan, abï ka ye nɔ̈k dɔ̈m kɔ̈ɔ̈c kekë miɔ̈c ye gam. Ku kë nhiɛɛny ee kɔc riääc abïï tääu në Luaŋdït nɔm, ku abï tɔ̈u ëtɛ̈ɛ̈n aɣet të bï akööl ke raan ëtɛ̈ɛ̈u en ëtɛ̈ɛ̈n thook thök, akööl cïï Nhialic ke gäm en.

Lebai 3:5

Abïï wɛ̈ɛ̈t ke Aron keek jɔ nyop në yïk nɔm, në miɔ̈c ye nyop ëbɛ̈n nɔm, miɔ̈c nu në tiim dɛ̈p nïïm. Ke ye miɔ̈c ye looi në mac, miɔ̈c tum mit në Bɛ̈nydït piɔ̈u.

Lebai 6:9

bï Aron kekë wɛ̈ɛ̈tke gäm ee lööŋkë. Kakë ayek lööŋ ke miɔ̈c ye nyop ëbɛ̈n. Miɔ̈c ye nyop abï ya tɔ nin në yïk nɔm agut cï miäk adurduur, ku mac abï ya pɔ̈l ke dɛ̈p.

Lebai 9:17

Ago miɔ̈c ë rap bɛ̈ɛ̈i ayadäŋ, ku nööm biäk de aɣaar, në yeciin athiäŋ ku nyop në yïk nɔm mɛtke në miɔ̈c ye nyop ëbɛ̈n adurduur.

Kuɛ̈n 29:6

Miɔ̈ckë abïk keek mat në miɔ̈c de kööl tueŋ de pɛɛi ë piac wil, ku miɔ̈c ë rap, ku miɔ̈c ye nyop ëbɛ̈n aköölnyïïn kekë miɔ̈cdɛn ye dek Kek miɔ̈c de kacaam kë aye awäuden ke Bɛ̈nydït miëët piɔ̈u.

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Ɣeberuu 7:27

Acïï köör në ka tueŋ wään ye bäny ke kake Nhialic looi, ayï ka wään ye cool ë nɛ̈kë ke, në këde karɛc ke yenhde ku kakë karɛc ke kɔc, acï rɔt gam raantök, näk në biäk de karɛc ke kɔc.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.