Bɛ̈n 29:36 - JAM DE NHIALIC 2011

³⁶ Ye miɔɔr nɔ̈k ke ye miɔ̈c de kërac në aköölkë yiic kadhorou në këde atɛɛm. Ku yïk abä luöi miɔ̈c de kërac, ke ye kë teem ë yen, ku tɔc yïk në miök de olip ke bï yic ɣɛɛr.

Bɛ̈n 29:36 ပူးပေါင်းရင်းမြစ်များ

Bɛ̈n 30:26

Ku tɔc paany de mät, ku athänduŋ de mät,

Edhekiɛl 43:20

Yïn bï biäk thiin ë riɛm nööm ku tääuwë në yïk tuŋ, ku tääuwë në aguuk kaŋuan ke yïk nɔm, ku në aguuk kaŋuan tɔ̈u ë yïk nɔm cil, ku ë yïk kɔ̈u ëbɛ̈n. Në ee kueerë yïn cï yïk jɔ tɔ piɛth ku jɔ teem guöp.

Edhekiɛl 43:25

Në kööl tök yic në nïn yiic kadhorou yïn bï nyɔɔŋ bou, ku miɔɔr, ku nyɔɔŋ amääl aa gam ke ke ye miɔ̈c de kërac. Keek kedhie abïk gup dhil ciɛ̈n tëdak

Edhekiɛl 43:27

Na ɣɔn cï nïn kadhorou tëëk, bäny ke kake Nhialic, abïk gɛm de miɔ̈c gɔl në yïk nɔm, miɔ̈c ye nyop ëbɛ̈n, ku miɔ̈c de mät. Ëtɛ̈ɛ̈n, yɛn bï piɔ̈u miɛt wo week wedhie. Acä lueel, Yɛn Bɛ̈nydït Awärjäŋ.”

Lebai 16:27

Ku miɔɔr kekë nyɔɔŋ de miɔ̈c de kërac, wään cïï riɛmden bɛ̈ɛ̈i tëɣeric, bïï ë yen bɛ̈n teem guöp, abï keek dhil lɛɛr ë wut këc. Yen biöŋden ayï rïŋ, ayï yäc, abï keek dhil nyop ëbɛ̈n.

Kuɛ̈n 7:1

Ku Mothe, në Kööl manë ë thöl en paany de mät në yïk, acï bɛ̈n tɔc, ku gëm Bɛ̈nydït kekë këriëëc tɔ̈u thïn ëbɛ̈n. Ku gɛm yïk aya kekë kake ëbɛ̈n.

Ɣeberuu 10:11

Bäny ke kake Nhialic luɔiden akööl nyïïn kedhie, ayek tɔ̈u ke ke näk ka gɛmë ka cïï karɛc duëër kɔn nyaai ananden.